ရန်ကုန် နီတိသည် သမိုင်း အဆက်ဆက်၊ ခေတ် အဆက်ဆက်မှာ ပေါ် ထွန်းခဲ့ကြ ကုန်သော တော်လှန်ရေးသမား ကြီးများ၊ ပြုပြင်ပြောင်း လဲ လောကသားကြီး များအားလုံးကို ကျော်ဖြတ်ကာ အလုံးစုံ တော်လှန်ပြောင်းလဲခြင်းဖြင့် ရန်ကုန်မြို့ တော်ကြီးကို ကမ္ဘာ့အဆင့် ၁ စံပြ မြို့တော် ကြီးဖြစ်အောင် ဖန်တီးဖော်ဆောင်လိုသူ ဖြစ်သည်။
“မင့်ဟာက ခါချဉ်ကောင် မာန်ကြီးလို့ တောင်ကြီးကိုဖြိုမယ့်ကြံ ခါးကမသန်ဆိုသလို၊ လူနေချုံကြား၊ စိတ်နေဘုံဖျား အကြံမျိုးပါ ကွယ်။ ဟန်လိမ့်မယ် မထင်ပါဘူး”ဟု ဆူးလေ ဘိုးဘိုးကြီးက ဝေဖန်သတိပေးသည်။ သို့ သော် ရန်ကုန်နီတိမှာ တိုင်းကျိုးပြည်ကျိုး သယ်ပိုး လိုသော စိတ်ဓာတ်အလွန်တရာ ပြင်းထန်နေရကား ဆူးလေဘိုးဘိုးကြီး၏ သတိပေးစကားကို မနာယူချေ။
“မပူပါနဲ့ ဘိုးဘိုးကြီး။ ကျွန်တော်က bottom up ကစ လုပ်မှာပါ။ အောက်ခြေက စပြီး ပြောင်းလဲမှာပါ”
“ဘိုလို မပြောနဲ့ကွယ်င့ါကို၊ တံတွေးစင် တယ်။ ဆိုပါဦးကွယ့် ဘယ်လိုကဘယ်လို အောက်ခြေက စပြီးပြောင်းလဲမှာတုံး”
“နံရံကပ် ကြွေးကြော်သံတွေ ကအစ ပြောင်းလဲမှာပါ ဘိုးဘိုးကြီး။ ဥပမာဆိုကြပါစို့ (ပြောင်းလဲချိန်တန်ပြီ)ဆိုတဲ့ ကြွေးကြော်သံကို ကျွန်တော် က (ခေါင်းလဲချိန်တန်ပြီ) လို့ ပြောင်းမယ်။
“ဟဲ့ …ဟဲ့ ဘာခေါင်းတွေ လဲမှာ တုံး။ မင့်ကြွေးကြော်သံက ဟိုလိုလိုဒီလိုလို အနှောင့်မလွတ် အသွားမလွတ်နဲ့။ မင်းတော့ လက်ထိပ်နဲ့ နီးနေပြီမှတ်တယ်”
“ဟာ ဘိုးဘိုးကြီးကလည်း နိမိတ်မရှိ နမာမရှိ။ ဘာကြောင့် ကျွန်တော့်ကို ဖမ်းမှာ တုံး။ ကျွန်တော်က တိုင်းပြည်နဲ့ လူမျိုး ကောင်းစားရေး အတွက် လုပ်မှာပဲ ဥစ္စာ။ ဘာမှပူ စရာမရှိဘူး”
“မင်းက ခေါင်းတွေလဲမယ်ဆို။ ခေါင်း ဆိုတာ ရှေ့တန်းခေါင်းဆောင် တွေကိုပြော တာမှုတ်လား။ တာဝန်ရှိ အာဏာပိုင်တွေကို ရည်ညွှန်း တာ မဟုတ်လားကွယ့်”
ဤတွင် ရန်ကုန် နီတိသည် သဘောကျ နှစ်ခြိုက်စွာ ခွက်ထိုးခွက်လန် ရယ်မော တော့၏။ ရယ်မောမိပြီးမှ လူကြီးသူမကို မရိုမသေ၊ အ ဂါရဝပြုမိ မှာစိုးလို့ အရယ်ရပ် လိုက်သည်။
“ခေါင်းလဲမယ် ဆိုတာ နိုင်ငံရေးနဲ့ မဆိုင်ပါဘူး ဘိုးဘိုးကြီးရဲ့။ မြို့ တော်ရန်ကုန် ကို ရေပေးဝေနေတဲ့ ရေပိုက်ကြီးတွေက ပိုက် ခေါင်းတွေ ကို ပြောင်းလဲပြီး ခေါင်းအသစ် တပ်ဖို့ပါ။ ခေါင်း အဟောင်းတွေက ရေသိပ် မလုံတော့ တန်ဖိုးရှိတဲ့ ရေတွေ အလကား ဖြစ်ရတာပေါ့ ဘိုးဘိုး ကြီး ရာနော့”
“အိမ်း … မင်းရဲ့ ခေါင်းလဲ ချိန်တန် ပြီကို ငါကြိုက်သွားပေကွယ့်။ ကဲ အလှူငွေ ဘယ်လောက်ရပြီလဲလို့ အလှူခံပုံးကို ပြေး ကြည့်လိုက် ဦးမယ်” ဟုဆိုကာ ဆူးလေဘိုးဘိုး ကြီးလည်း ရန်ကုန်နီတိအနီးအမှ ရိပ်ခနဲ ပျောက်ကွယ်သွားလေသည်။
များမကြာမီရက် များအတွင်း ရန်ကုန် မြို့တော်လူစည်ကား ထင်ရှားသောနေရာ များတွင် (မြို့တော် တစ်ခိုသာစေလို၊ လေကို မဖြုန်းနှင့်၊ မြို့တော် တစ်ဝိုက်သန့်မှ ကြိုက်၊ လူမိုက်မမွေးနှင့်)ဟူသော ကြော်ငြာဆိုင်း ဘုတ်ကြီးများ ပြူးပြူး ပြဲပြဲပေါ်လာကြသည်။
“မဟုတ်မှလွဲရော၊ သဟာတွေဟာ ရန်ကုန်နီတိ ဆိုတဲ့ ငနရဲ့ လက်ချက်ပဲဖြစ်ရ မယ်”ဟု ဆူးလေဘိုးဘိုးကြီးက မှတ်ချက်ချကာ ရန်ကုန် နီတိ ကို ဖုန်းဆက်၍ ဆင့်ခေါ် လိုက်တော့ ၏။ ခေတ်နှင့်လျော်ညီစွာ အလွန် တက်ကြွဖျတ်လတ်သော ရန်ကုန် နီတိသည် ဆူးလေ ဘိုးဘိုးကြီး ရှေ့ မှောက်သို့ ခုန်ပေါက်ရောက်ရှိ လာပြီး “ဟဲလို ဘိုးဘိုး” ဟု ခေတ်မီမီ နှုတ်ဆက် သည်။
“ရန်ကုန်မြို့တစ်ခွင် ပေါက်ကရ ဗွီနိုင်းဆိုင်းဘုတ်တွေ လျှောက်ကပ်တာ နင် မဟုတ်လား။ မဟုတ်က ဟုတ်က ဗွီနိုင်းတွေ ကို ချက် ချင်းဖြုတ်၊ စည်ပင်ဥပဒေနဲ့ အရေး ယူရင် ငါနင့်အတွက် အာမခံလိုက်နေရဦး မယ်”
“ဘိုးဘိုး ကျွန်တော်က ရန်ကုန်နီတိ လေ။ နီတိဆိုတာ လူ့အဖွဲ့အစည်းမှာ မရှိ မဖြစ် အရေး အကြီးဆုံးပဲ။ ဒါဟာ လူတိုင်း ကျင့်သုံးရမယ့် လူ့ကျင့်ဝတ်ပဲ။ အင်္ဂလိပ် တွေကတော့ အက်တိကက် နအငဆကနအအန လို့ ခေါ်ကြတာပေါ့ ဘိုးဘိုးရာ”
“ဟေ့ ကုလားဖြူစကား ညှပ်မသုံးနဲ့ ငါ့ နားထဲမှာ ခလော့စ် ခမသျ အားကြီးဖြစ် သဟဲ့”
“ဘိုးဘိုးကြီး ကတော့ လူကြီး အရမ်း ပီသတာပဲ။ ငါပြောသလိုလုပ် ငါလုပ်သလို မလုပ်နဲ့ဆိုတဲ့ ပေါ်လီစီကို အသေကိုင်ထား သကိုး”
“ငါပြောတာ နားထောင်။ နင့် လက်ရာ နီတိတွေကို အမြန်ဆုံးဖြုတ်”
“နီတိကိုတန်ဖိုးထားပါဘိုးဘိုးရာ။ ကျောင်းတွေမှာတောင် နှစ်ပေါင်းများစွာရပ်နားထားတဲ့ ပြည်သူ့နီတိသင်ခန်းစာ ပြန်သင်တော့မှာခင်ဗျ။ နီတိဆိုတာ အကောင်း အဆိုး၊ အမှားအမှန် ခွဲခြားပေးတဲ့ လူ့ကျင့် ဝတ်ပါ။ ကျွန်တော်က လူ့ကျင့်ဝတ်တွေ ကို နှိုးဆော် ကြော်ငြာပေး တာပါဘိုးဘိုး”
“ငရို့ ရန်ကုန်မြို့တော်သူ၊ မြို့တော် သားတွေဟာ မြို့ကြီးသားပီသစွာ အသိ လိမ္မာရှိကြပြီးသား။ နင်ဆရာ လုပ်စရာမလို ပေါင်”
“မဟုတ်သေးဘူး ဘိုးဘိုး၊ (မြို့တော် တစ်ခိုသာစေလို၊ လေကိုမဖြုန်း နှင့်)ဆိုတာ က မြို့တော်ကြီး သာယာ တိုးတက်ဖို့အတွက် အားအား ရှိစကားတွေ သည်အတိုင်း မပြော ကြဖို့ သတိပေးတာ၊ ဘိုးဘိုးအမြင်ပဲလေ။ မိုးလင်းကတည်းက မိုးချုပ်ညဥ့်နက် တဲ့အထိ လက်ဖက် ရည်ဆိုင်၊ စားသောက်ဆိုင်၊ အရက် ဖြူဆိုင်တွေနဲ့ လမ်းဆုံလမ်းခွတွေမှာ လေ ကန်နေကြတဲ့ သူတွေ နည်းသလား။ သူတို့ ဟာ အလုပ်မလုပ်ဘဲ လေကိုဖြုန်းရင်း အချိန် ကိုပါ ဝါးစားပစ်နေကြတာ ဘိုးဘိုးရဲ့”
“အံမာ ကဗျာဆန်နေလိုက်တာ”
“အဲသည် လေဖြုန်းတီးတဲ့ လူတန်းစား ထဲမှာ စာရေးဆရာ၊ ကဗျာဆရာဆိုတဲ့ ပုဂ္ဂိုလ်တွေက ချန်ပီယံပဲ။ သူတို့ကြောင့် လေ ထန်ကုန်းနဲ့ လေအန်ကုန်းဆိုတဲ့ လက်ဖက် ရည်ဆိုင်တွေတောင် ပေါ်ခဲ့ဖူးတယ်။ အခု တော့ အဲသည့်ပုဂ္ဂိုလ်တွေ လေမထန်နိုင် ကြတော့ပါဘူး။ သူတို့ရဲ့ လေထန်ခြင်း လေ အန်ခြင်းအလုပ်ကို အနိုင်ယူလွှမ်းမိုးလိုက် တဲ့ ဖေ့စ်ဘုတ် facebook ပေါ်လာလို့။ ဖေ့စ်ဘုတ် ပွတ်ရင်း တယ်လီဖုန်း ကုမ္ပဏီ တွေကို အလုပ်အကျွေးပြုနေရတာနဲ့ပဲ မအား ကြတော့ပါဘူး။ သို့ပေမဲ့ လူအများစုက လေဖြုန်းနေ ကြလွန်း လို့”
“ကဲပါကွာ (မြို့တော်တစ်ဝိုက် သန့်မှ ကြိုက်၊ လူမိုက်မမွေးနှင့်) ဆိုတာက တော့ ငါ့စိတ်ထဲမှာ သရိုးသရီ ခံစား နေရသရွေ့ မင်းက ဘယ်သူတွေကို လူမိုက်မွေးတယ်လို့ စွပ်စွဲချင်လို့ တုန်း။ ဟင် ငါ့ကို ရှင်းပြစမ်းဟ ရန်ကုန်နီတိရဲ့'”
ရန်ကုန် နီတိသည် အရေးကြီး အဖိုးတန်သော စကားကိုပြောကာ နီးတိုင်း သူပြင်ဆင်လေ့ ရှိသလို တောင် မြောက်လေးပါးကို ကျီးကန်း မျက်လုံးဖြင့် လှည့်ပတ်အကဲခတ်လိုက်သည်။ ပြီးမှဆူးလေ ဘိုးဘိုးကြီးအနီးသို့ တိုးကပ်ကာ
“မြို့တော် တစ်ဝိုက် သန့်မှကြိုက် လူ မိုက်မမွေးနှင့် ဆိုတာကသည်ကနေ့ အခြေ အနေနဲ့ ကွက်တိပဲဘိုးဘိုး။ ရာဇဝတ်မှု ထူးထူး ဆန်းဆန်းတွေကြောင့် မြို့တော်ကြီး က မသန့်တော့ဘူးလေ။ မြို့တော်ကြီး မသန့် အောင် လူမိုက်တွေ ကိုမွေးထုတ်နေတဲ့ ဧရာမ ဒုစရိုက်ကောင်ကြီးတွေ ရှိနေကြတယ် ဘိုးဘိုး။ မူးယစ်ရာဇာတွေဆိုတာ ဘိုးဘိုးကြားဖူးမှာ ပေါ့။ ဒင်း (သင်း)တို့က လူမိုက်တွေကို မွေး ထုတ်နေတာခင်ဗျ”
“အဲသည် မူးယစ်ရာဇာဆိုတဲ့ အကောင် တွေဘယ်မှာလဲ။ ငါ့ကိုပြစမ်းပါ ရန်ကုန် နီတိရဲ့။ သည်ငနဲတွေကို ငါဆွဲစေ့ပြီး နား ရင်းအုပ် ပစ်လိုက်ချင်လို့။ အဲကောင်က ဘယ်မတုံး”
“ဟို …ဟိုမှာ”ဟု ရန်ကုန် နီတိက မရဲတရဲ အမူအရာဖြင့် လက်မောင်းကို ကွေး ကာ လက်ညှိုးကို မဝံ့တဝံ့မြှောက်၍ မိုး ကောင်းကင် ဆီသို့ ညွှန်ပြလေ၏။ ဆူးလေ ဘိုးဘိုးကြီးသည် ရန်ကုန်နီတိ ညွှန်ပြရာသို့ မော့ကြည့်ရာ မိုးသားတိမ်လွှာတွေ မှ လွဲ၍ ဘာမှမတွေ့ရချေ။
ဘိုးဘိုးကြီးက ဇက်ညောင်း၍ ဦးခေါင်း ကို ပြန်ငုံ့လိုက်ချိန်တွင် အဝေးသို့ ထွက်ပြေး နေသော ရန်ကုန်နီတိကို ရေးရေးရိပ်ရိပ် မျှသာ တွေ့မြင် လိုက်ရလေသည်။
ကြူးနှစ်
