မြန်မာပြည်အဝှမ်းမှ အမြို့မြို့ အနယ်နယ်တိုင်းရှိ အစိုးရ စာသင်ကျောင်းများမှာ မေလ ၂၅ ရက်နေ့ က စတင်ကာ ကျောင်းသား၊ ကျောင်းသူများ ကျောင်းအပ်နှံမှု လက်ခံဆောင်ရွက်ပေးနေကြပြီး ဇွန် လ ၁ရက်နေ့မှာတော့ ၂ဝ၁၇-၂ဝ၁၈ အခြေခံပညာသင်နှစ် ကျောင်းဖွင့် ချိန်ရောက်ရှိမယ်ဖြစ်ပါတယ်။ ဒီလို ကျောင်းဖွင့်ချိန်ရောက်ပြီဆိုရင် ကျောင်းသား၊ ကျောင်းသူများ၊ စာ သင်ကျောင်းတိုင်းလိုလို ကြည်နူးစရာ ကောင်းလှတဲ့ စည်ကားသိုက်မြိုက် လူအုပ်တန်းမြင်ကွင်းရိပ်ကိုရှုမငြီးဖွယ် မြင်တွေ့ကြရစမြဲဖြစ်ပါတယ်။ ဒါကြောင့်ကျောင်းဖွင့်ချိန်ကို ကိုယ် တိုင်ဖြတ်သန်းခဲ့ကြပြီး ငယ်ဘဝက ပင် ကျောင်းသားဘဝမှတ်မှတ်ထင် ထင် ပုံရိပ်သွင်များအကြောင်း ပြန်ပြောင်းပြောကြတဲ့ အနုပညာရှင် တို့ရဲ့ ကျောင်းဖွင့်ချိန် ကြည်နူးစိတ် စကားသံများ စုစည်းဖော်ပြလိုက်ရပါတယ်။
ဒေါင်း
ကျောင်းဖွင့်ပြီဆိုရင် ငယ်ငယ်က စာရေးကိရိယာ လေးတွေ၊ ပစ္စည်းအသစ်လေးတွေ ဝယ်ကြတယ်။ ကျွန်တော်လည်း ဒီလိုဝယ်ရတာ သဘောကျတယ်။ ဒါလေးတွေ ဝယ်ပြီ ကိုယ်လက်ထဲ ရောက်လာပြီဆိုရင် ကျောင်းအရမ်း ဖွင့်ချလာပြီ၊ ကျောင်းကိုအမြန်သွားချင်လာပြီ။ သူငယ်ချင်းတွေကိုလည်းြ<ွကားချင်တယ်။ ဒါကလည်း ကလေး တိုင်းရဲ့ ခံစားချက်ပေါ့။ တတ်ြ<ွကတယ်၊ စိတ်လှုပ်ရှားတယ်။ သူငယ် ချင်းတွေနဲ့ တွေ့ပြီးပျော်တယ်။ ဒါဟာလည်း ကလေးဘဝရဲ့ အမှတ်တရတွေပေါ့။ သူငယ်ချင်းတွေနဲ့လည်း ဘောလုံးကန်တဲ့အချိန်၊ အားကစား လုပ်တဲ့အချိန်၊ ဆော့ကြရင်းနဲ့ ဆရာမ ဆူတဲ့ အချိန်တွေကလည်း အမှတ်တရပါပဲ။
အေးဝတ်ရည်သောင်း
အမဘဝမှာ အပျော်ဆုံးက တက္ကသိုလ်ကျောင်းထက် ငယ်ငယ်က တက်ရောက်ခဲ့တဲ့ ကျောင်းက ပိုပျော်ဖို့ ကောင်းခဲ့တယ်။ ထဘီဝတ်ရမယ့် အချိန်တောင် ဘောင်းဘီက ဝတ်နေတုန်းပါပဲ။ ၅တန်း၊ ၆တန်း အထိကို ထဘီကောင်းကောင်းမဝတ်ဘူး။ ကျောင်းတုန်း က ကြိုက်မယ့်သူ လည်း မရှိသလို၊ ရည်းစားလည်းမရှိဘူး။ သူငယ်ချင်းတွေက ကျောင်း တုန်း က ပေပေ တေတေနေတယ်ဆိုပြီးတောင် နောက်ကြတယ်။ သူငယ်ချင်းတွေနဲ့လည်း ဆင်တူတွေ ဝတ်၊ ဖိနပ်တွေဆင်တူစီး၊ ကချင်လွယ်အိတ်တွေလည်း ဆင်တူလွယ်ကြတယ်။သတိရစရာတွေလည်းအများကြီးပဲ။ တစ်နေ့ကတောင်သစ်ပင်လေး တွေနဲ့ ကျောင်းရှေ့မှာဓါတ်ပုံရိုက်ခဲ့သေးတယ်။
ရွှေရေးထင်ထင်
ငယ်ငယ်တုန်းက ကျောင်းတက်ချိန်မှာပျော်စရာတွေ အများကြီးရှိခဲ့တယ်။ ရယ်စရာ ဖြစ်ရပ်လေးတွေလည်း အများကြီး ရှိခဲ့တယ်။ ကျောင်းတုန်းက စာစီစာကုံး ပြိုင်ပွဲလေးတွေ ရှိတယ်။ ဒီပွဲလေးတွေမှာ ဝင်ပါတယ်။ ပြိုင်ကြတယ်။ ဒါပေမယ့် ရွှေရေးက ငယ်ငယ်ကဆိုရင် စာလုံးပေါင်း အရမ်းမှားတယ်။ ရှမ်းတယ်။ စာစီစာကုံးမှာ စာအကြောင်းအရာဖွဲ့နွဲ့မှုမှာမှန်တယ်၊ ကောင်းတယ် ဆိုပေမယ့် စာလုံးပေါင်းမှားတဲ့အခါ မေမေအမြဲ သတိပေးရတယ်။ စာလုံးပေါင်း မရှမ်းအောင်၊ မမှားအောင် အိမ်မှာ လေ့ကျင့်တဲ့ကြားက “ထင်ရှားတဲ့ပုဂ္ဂိုလ်ကြီး” လို့ ရေးတဲ့နေရာမှာ “ထင်ရှာတဲ့ ပုဂ္ဂိုလ်ကြီး” လိုမျိုး စာလုံးပေါင်းမှားတဲ့အပေါ်မှာ ဟာသလေးတွေ ဖြစ်သွားခဲ့ရတဲ့ အမှတ်တရလေးတွေလည်း အများ ကြီးပါ။
ခင်ဝင့်ဝါ
ကျောင်းတက်တုန်းက အရမ်းပျော်တယ်။ ၅တန်း၊ ၆တန်း၊ ၇တန်း လောက်တုန်းကဆို အရမ်းပျော် တယ်။ ကျောင်းတက်တဲ့ကာလတိုင်း ပျော်တယ်။ ခြောက်လပိုင်း ၁ ရက် နေ့ဆိုရင် အပျော်ဆုံးပါပဲ။ ကျောင်း စတက်ရတာကိုး။ ဗလာစာအုပ်အသစ်၊ ကျောပိုးအိတ်အသစ်၊ အင်္ကျီ အသစ်နဲ့ကျောင်းတက်ရတဲ့ ဖီလင်က အရမ်းပျော်ဖို့ကောင်းတယ်။ ကလေးတွေလည်း ပျော်ကြမယ်လို့ ထင်တယ်။ သူငယ်ချင်း တွေနဲ့လည်းတွေ့ရမယ်ဆိုတာ သိ နေတယ်။
ချမ်းမေမြတ်နိုး
၆ လပိုင်းဆိုရင် ကျောင်းတွေဖွင့်ပြီး။ ကျောင်းဖွင့်တော့မယ် ဆိုရင်ပျော်တယ်။ ကျောပိုးအိတ်တွေ၊ ကွန်ပါဘူးတွေ အသစ်ရတယ်။ ပစ္စည်း အသစ်လေးတွေရတယ်။ အိမ်မှာလည်းဂျီကျလို့ အကောင်းဆုံးပဲ။ ဟိုဟာဝယ်ပေး၊ ဒီဟာဝယ်ပေး ဆိုပြီး ကျောင်းတက်ဖို့ကို ပူဆာတယ်။ မှတ်မှတ်ရရ ကျောင်းပထမဆုံးနေ့ဆိုရင် အမြဲတမ်းမိုးတွေရွာတယ်။ မိုးကာ အင်္ကျီလေးတွေ၊ ထီးလေးတွေနဲ့ ကျောင်းတက်နေတဲ့ အချိန်လေးတွေကိုအမြဲအမှတ်ရနေပါတယ်။ ဒီလို ကျောင်းတက်နေရတဲ့ ဘဝလေးကို လည်းအမြဲ သတိရတယ်။ ပြန်ပြီးတော့လည်း လွမ်းနေမိတယ်။
ပေါ်ပြူလာအဖွဲ့