မြန်မာ့လူ့ဘောင် အဖွဲ့ အစည်းမှာ ဖခင်ကို ‘အိမ်ဦးနတ်’လို့ရော ‘အိမ်ထောင်ဦးစီး’လို့ပါ ညွှန်းဆို ခေါ်ဝေါ်ကြလေ့ ရှိသလို မိသားစု တစ်ခုရဲ့ လူမှုဘဝရပ်တည်ရှင်သန် စေဖို့ ဦးဆောင် ရှာဖွေကျွေးမွေး ပြုစုပျိုးထောင်ပေးတဲ့ ကျွေးသဖခင် ကျေးဇူးရှင်လို့လည်း ဂုဏ်တင် ခေါ်ဆိုကြပါတယ်။ ဖခင်တိုင်းလိုလို မိမိသား သမီးအပေါ် ချစ်မေတ္တာ ကြီးမားစွာထားပုံချင်း တူညီကြပြီး ချစ်ပုံချစ်နည်း အသွင်သဏ္ဌာန်မှာ တော့ ကွဲပြားခြားနား ကြပေမယ့်လည်း ချစ်မေတ္တာ အနှစ်သာရ ပြည့်ဝပုံချင်းတူညီကြပါတယ်။ ဒီလိုဖခင်တိုင်းရဲ့ သားသမီးများ အပေါ် ထားတဲ့ ချစ်ခြင်းမေတ္တာဂုဏ်အင် မြင့်မြတ်ကြီးမားလှပုံကို’အဖေများနေ့’ဆိုပြီးတော့ ညွှန်းဆိုဂုဏ်တင်သတ်မှတ်ကာ ဖခင်ကျေးဇူးဆပ်တဲ့ ဝိသေသ ထူးမြတ်သော နေ့ရက်အဖြစ် တည်ရှိခဲ့ကာ နှစ်တိုင်းဇွန်လ ၁၈ ရက်နေ့ ကျရောက်တိုင်း တစ်ကမ္ဘာလုံးမှာ သားသမီးတိုင်းက ဂုဏ်ပြုကျင်းပပြီး ကြည်နူးပီတိ စိတ်အပြည့်နဲ့ ဆင်နွှဲကြလေ့ ရှိတာမို့ အဖေ့ချစ် မေတ္တာဂုဏ်ရည်များနဲ့ ကျေးဇူးတရားများအကြောင်း အနုပညာရှင်များရဲ့ ဖွင့်ဟဆိုတဲ့ စကားသံများကို စုစည်း ဖော်ပြလိုက်ရပါတယ်။
ပြေတီဦး
အဖေဆိုတာလည်း ဘဝမှာ တကယ့်ကို တန်ဖိုးဖြတ်လို့မရတဲ့ ကျေးဇူးရှင်ပါပဲ။ အဖေတွေ ရဲ့ဘဝကို ကြီးလာလေလေ ပိုပြီးနားလည်လာ လေလေ ပါပဲ။ အဖေတွေရဲ့ ခံစားချက်ကို အ သက်ကြီးလာလေလေ ပိုပြီးသိလာလေလေပါပဲ။ အစ်ကို့ရဲ့ အဖေက သားသမီးကို အရမ်းချစ်တယ်။ ဒါပေမဲ့ ချစ်ကြောင်း တစ်စက်မှ မပြတဲ့အဖေ။ စိတ်ထဲကနေ ကြိတ်ပြီး ချစ်ပြီးကြိတ်ပြီး ခံစားတဲ့အဖေ။ အစ်ကိုကကျတော့ အဖေ့လောက် မထိန်းချုပ် နိုင်ဘူး။ ပွင့်ပွင့်လင်းလင်း ရင်းရင်းနှီးနှီး၊ နွေးနွေးထွေးထွေးနဲ့ လုံးထွေးပြီးနေတယ်။ အဲဒီတော့ အဖေ့လောက်တော့သားသမီးတွေ အပေါ်မှာ သြဇာညောင်းမယ်မထင်ဘူး။ ဒါပေမဲ့ သြဇာညောင်းအောင်လို့တော့ တတ်နိုင်သမျှ နေရမှာပေါ့။
ဒါရိုက်တာ သားညီ
ကျွန်တော်ကိုယ်တိုင်လည်း အဖေတစ်ယောက်ဖြစ်နေပြီ။ ကျွန်တော့်အဖေဖြစ်လာတဲ့အချိန်မှာ ကျွန်တော့်သားကို ကျွန်တော်တအားချစ်တယ်။ အဲဒီလိုပဲကျွန်တော်အဖေလည်း ကျွန်တော့်ကိုတအားချစ်မှာပဲဆိုတဲ့ အသိတရားက အခုကျမှရတယ်။ ဒါပေမဲ့ အခုအချိန်မှာ ကျွန်တော့်အဖေမရှိ တော့ဘူး။ အဖေ့ကို ကျွန်တော် တအားလွမ်းတယ်။
ကျော်ကျော်ဗို
“အဖေများနေ့”တို့ “အမေများနေ့” တို့လို နေ့မျိုးလေးတွေ သတ်မှတ်တာက ကမ္ဘာပေါ်မှာရှိတဲ့ လူသားတွေအတွက် အားလုံးစုစုစည်းစည်းနဲ့ ဂါရဝပြုလို့ရအောင် သတ်မှတ်ထားတယ်လို့ပဲ ကိုကြံ့ထင်ပါတယ်။ မိဘဆိုတာကတော့ နေ့တွေ ဘာတွေသတ်မှတ်စရာမလိုဘဲနဲ့ တစ်ဘဝလုံးစာ ခေါင်းပေါ် တင်ထားရမယ့် အနန္တောအနန္တဂိုဏ်းဝင်ပါပဲ။ ကိုကြံ့တို့ ငယ်ငယ်က ဖေဖေက ပြုစုပျိုးထောင်ခဲ့ပေးသလိုပဲ သမီးလေး IKE ကို ကိုကြံ့တို့တွေ ပြု စုပျိုးထောင်ပေးကြမယ်။ အခုတော့ ကလေးက နည်းနည်းငယ်သေးတယ်။ အသက် ၇ နှစ်ပဲရှိသေးတယ်။ ဒါကြောင့် ကလေးရဲ့ကျန်းမာရေးနဲ့ ပညာရေးကိုပဲ အဓိကထား ဦးစားပေးနေတယ်။ နောက်ပြီး IKE လေး ရှင်သန်ကြီးပြင်းလာမယ့် ပတ်ဝန်းကျင်အနေအထား၊ လူတွေနဲ့ ပေါင်းသင်းဆက်ဆံတဲ့အခါ လိုက်လျောညီ ထွေနေတတ် ထိုင်တတ်ဖို့လည်း သင် ကြားပေးရမယ်။ ကိုကြံ့တို့ မိသားစုကတော့ ဗုဒ္ဓဘာသာကိုပဲ ကိုးကွယ်ကြသူတွေ ဖြစ်တယ်။ သမီးကို ဘုရားစာလေးတွေ သင်ပေးတယ်။ ကျက်ခိုင်းတယ်။ ကလေးရဲ့ အသိလေးတွေ တိုးလာတဲ့အခါ နောက်ထပ်နောက်ထပ် သင်ပေးမယ်ပေါ့။ အနုပညာပိုင်းနဲ့ ပတ်သက်လို့တော့ သမီးကရုပ်ရှင်တွေ ကြည့်တယ်။ သီချင်းလည်း ဆိုတာပဲ။ ခန့်မှန်းလို့ တော့ မရသေး ဘူး။ သူ့ရဲ့ဝါသနာရယ်၊ ဗီဇရယ်ပေါ် မူတည်ပြီးကိုကြံ့ တို့က ကန့်သတ်ထားတာမျိုးတွေ မထားဘူး။ သူဝါသနာပါရင် ကိုကြံ့တို့ပံ့ပိုးဖို့ အဆင်သင့်ပဲ။ မိဘတိုင်းကတော့သားသမီးတိုင်းကို အကောင်းဆုံးမျှော်လင့်ကြတယ်။ ကိုကြံ့လည်းသမီးလေးကို အကောင်းဆုံး မျှော်လင့်ပါတယ်။
ဖိုးသောကြာ
ကျွန်တော့်အတွက်တော့ အဖေများနေ့ အမေများနေ့ ဆိုတာနေ့တိုင်းပါပဲ။ သမီးလေး မရွှေသုအတွက်လည်း ဒီလိုပဲ ဖြစ်စေချင်ပါတယ်။ မိဘတိုင်းက သားသမီးတိုင်းကို အကောင်း ဆုံးဖြစ်စေချင်ကြတာပါပဲ။ ကျွန်တော်ကတော့ကံလို့ ပဲ ယုံကြည်ပါတယ်။ လူတစ်ယောက်မှာ သူမွေးကတည်းက ကံဆိုတာပါလာပြီးသားပဲ။ ဒီအပေါ်မှာပဲ ကျွန်တော်က ဖခင် တစ်ယောက်အနေနဲ့ ထိန်းကျောင်းပေးသွားဖို့ပဲ ရှိပါတယ်။
ယွန်းယွန်း
အဖေများနေ့မှာ အဖေတွေအကုန်လုံး ပျော်ရွှင်နိုင်ကြပါစေ။ တချို့ ဆို ဝေးကွာနေတဲ့ သူတွေရှိကြတယ်။ ဘယ်လောက်ပဲ ဝေးဝေးစိတ်ချင်းမဝေးဘဲနဲ့ သားသမီးတွေနဲ့အတူ ပျော်ရွှင် ကြပါစေ။ အဖေတွေရဲ့ ချစ်ပုံချစ်နည်းနဲ့ ဂရုစိုက်ပုံ စိုက်နည်းတွေ၊ စိတ်ပူပုံပူနည်းတွေက အမေတွေနဲ့ မတူဘူးဆိုတာညီမ အသက်ကြီးလေလေ တဖြည်းဖြည်းနဲ့ ပိုပိုပြီး သိလာရတယ်။ သူတို့ထုတ်မပြရင် သူတို့အဲဒီလို မခံစားရဘူးလို့ အရင်တုန်းက ထင်ခဲ့တယ်။ ဒါပေမဲ့ အခုကိုယ်တိုင်အသက် ကြီး လာတာနဲ့ အမျှသူတို့ထုတ်မပြပေမယ့် သူတို့ ရင်ထဲမှာ ဘာရှိတယ်ဆိုတာ မြင်အောင်ကြည့်တတ်လာတယ်။ အဲဒီတော့ ပိုပြီးတော့မှ ကျေးဇူးတင်တတ်လာတယ်။ ပိုပြီးတော့မှလည်း တန်ဖိုးထားတတ်လာပါတယ်။
ပေါ်ပြူလာအဖွဲ့
