ဒုတိယတစ်ကိုယ်တော်စီးရီးခွေ ထွက်ရှိဖို့သီချင်းတွေရေး၊ သီချင်းတွေ အသံသွင်းနဲ့ ကြိုးစားနေတဲ့ ရွှေထူးတစ် ယောက် သူ့ရဲ့ စီးရီးခွေကို ၁ဝ လပိုင်း (သို့မဟုတ်) ၁၁ လပိုင်းလောက် ထွက်ရှိဖို့မှန်းထားကြောင်း ပြောပါတယ်။ ရွှေထူးကို မေးဖြစ်တဲ့ အကြောင်းအရာတစ်ခုကတော့ ပွဲတွေမှာ “ခေးကြောင့်” သီချင်းဆိုပြီဆိုရင် ကဖြစ်တဲ့ အကအကြောင်းကိုပါ။ အရပ်ရှည်ရှည်နဲ့ကတဲ့ သူ့အကကလည်း ပရိသတ်တွေကြားမှာ နာမည်ကြီးခဲ့ပါတယ်။
” ကျွန်တော့်အကကိုကြည့်ပြီး သူတို့ပျော်ကြတယ်။ ဝမ်းသာတယ်ဆိုတော့လည်း ကျွန်တော် ဝမ်းသာပါတယ်။ အဲဒီအတွက်ကြောင့်လည်း ကျွန်တော် “ခေးကြောင့်’ ဆိုတိုင်း အဲဒီလို တွန့်လိမ်ကောက်ကွေးနေအောင် ကဖြစ်တယ်။ ဘာပဲဖြစ်ဖြစ် ကလန်ကလားကြီးနဲ့ ဒီလိုမျိုး တွန့်လိမ်ကောက်ကွေးနေအောင်ကတာဆိုတာလည်း မြင်ရတဲ့သူအဖို့ ပေါတော တောနဲ့ ချစ်ဖို့ကောင်းမယ်ထင်ပါတယ်။ အဲဒါကြောင့်ပါ” လို့ ရွှေထူးက ပြောပါတယ်။ အရပ် ၆ပေ၁လက်မရှိတဲ့ ရွှေထူးကိုအရပ်ရှည်တဲ့သူတစ်ယောက်အနေနဲ့ ဘာတွေအား သာချက်ရှိသလဲလို့ မေးတဲ့အခါ ” ကျွန်တော်ကတော့ ကားစီးရင်ဒူးမလွတ်တာ၊ လေယာဉ် စီးရင်ဒူးမလွတ်တာ၊ အဝတ်အစားဝယ်လို့ရှိရင် မတော်တာ၊ တိုနေတာ၊ သေးနေတာတို့ ကျွန်တော်အမြဲတမ်း ကြုံရတယ်ပေါ့နော်။ အားသာချက်ကတော့ ဘယ်နေရာပဲ သွားသွား၊ဘယ်သူ့ကိုမဆိုကျွန်တော်လှမ်းမြင်ရတယ်ပေါ့နော်(ရယ်လျက်)” လို့ ပြောပြခဲ့ပါတယ်။
မျိုးမောင်
