ကျင်းပပြုလုပ်ခြင်းမရှိတာ ကြာခဲ့ပြီဖြစ်တဲ့ မြန်မာနိုင်ငံရုပ်ရှင်အစည်း အရုံးသင်းလုံးကျွတ်ညီလာခံကို လာမည့်ဒီဇင်ဘာလအတွင်း ကျင်းပပြုလုပ် သွားဖို့ ပြင်ဆင်နေကြောင်း ဥက္ကဋ္ဌဦးဇင်ဝိုင်းက ပြောပါတယ်။
”ဆယ်စုနှစ်ပေါင်းများစွာ မကျင်းပနိုင်ခဲ့တဲ့ မြန်မာနိုင်ငံရုပ်ရှင်အစည်း အရုံးရဲ့ သင်းလုံးကျွတ်ညီလာခံကို ကျင်းပဖို့အတွက် အလွှာအသီးသီးကနေ အခုကတည်းက ပြင်ဆင်နေကြပါပြီ။ ကျွန်တော်တို့ ဒီဇင်ဘာလ ၁၂ ရက်နေ့ကို ကျင်းပဖို့ရည်မှန်းထားပါတယ်။ အဲဒီအတွက်ကိုလည်း အခုကြိုတင်ပြင်ဆင်မှု တွေလုပ်နေပါပြီ။ ကျွန်တော်တို့ အမျိုးသားကဇာတ်ရုံမှာ ကျင်းပမှာဖြစ်ပါတယ်” လို့ သိရပါတယ်။ အောက်တိုဘာ ၆ ရက်နေ့က နေစပြီးတော့ စတင်တာဝန် ယူခဲ့တဲ့ မြန်မာနိုင်ငံရုပ်ရှင်အစည်းအရုံး အလုပ်အမှုဆောင်သစ်ရဲ့ သက်တမ်း ဟာ တစ်လနီးပါးရှိခဲ့ပြီဖြစ်ပါတယ်။ ဥက္ကဋ္ဌအဖြစ် တာဝန်ယူထားတဲ့ ဦးဇင်ဝိုင်း အနေနဲ့ မြန်မာနိုင်ငံ ရုပ်ရှင်အစည်းအရုံးရဲ့အမှုဆောင်သစ် တစ်လတာကာလ ဖြတ်သန်းမှုအတွင်းမှာ လောကသားတွေအနေနဲ့ ဘာတွေတောင်းဆိုကြသလဲ၊ ဘယ်အရေးကိစ္စတွေကို စတင်ကိုင်တွယ်နေပြီလဲဆိုတဲ့ မေးခွန်းတွေကို ဦးဇင် ဝိုင်းနဲ့ တွေ့ဆုံခိုက် မေးမြန်းဖြစ်တဲ့အခါ…
”ကျွန်တော်တို့မှာ တိုးလို့တန်းလန်းကျန်ခဲ့တဲ့ကိစ္စတွေရှိပါတယ်။ ဥပမာ ပေါ့-ကျွန်တော်တို့ မြန်မာနိုင်ငံအတွင်းရှိနေတဲ့ ရုပ်ရှင်ရုံပေါင်းနဲ့ ရိုက်ကူးပြီး ရုံတင်ဖို့စောင့်ဆိုင်းနေတဲ့ ရုပ်ရှင်ကားပေါင်းက ၂၄ဝ နီးပါးလောက်ရှိပါတယ်။ ဒီကိစ္စကြီးကလည်း အလွန်ကိုကြီးမားတဲ့ပြဿနာပါ။ ဒီဇာတ်ကားများ ရုံတင် နိုင်ဖို့အရေး အကြပ်အတည်းလို့ခေါ်ရမယ့် သဘောရှိပါတယ်။ ဒီအကြပ် အတည်းကိုသာ မှန်မှန်ကန်ကန်မဖြေရှင်းနိုင်ဘူးဆိုလို့ရှိရင် ရုပ်ရှင်လောက တစ်ခုလုံး ရပ်ဆိုင်းသွားဖို့ရှိပြီးတော့ နိုင်ငံတော်အထိပါ ရိုက်ခတ်သွားနိုင်တဲ့ စီးပွားရေးအကြပ်အတည်းတစ်ခုပါ။ ဒါကိုလည်း ကျွန်တော်တို့ လက်ရှိဖြေရှင်းဖို့ ကြိုးစားနေပါတယ်။ ခရီးတစ်ဝက်တော့ရောက်နေပါပြီ။ နောက်တစ်ခုကတော့ ကျွန်တော်တို့ မြန်မာနိုင်ငံ ရုပ်ရှင်အစည်းအရုံးကနေပြီးတော့မှ တင်ထားတဲ့ ရုပ်ရှင် ဥပဒေကိစ္စပါ။ ဒီရုပ်ရှင်ဥပဒေကလည်း ၂ဝ၁၂ခုနှစ် လောက်ကတည်းက စတင်လာတာ အခု၂ဝ၁၇ အထိရှိပြီ။ ၅နှစ်တာကာလ မပြတ်သေးပါဘူး။ ဒါကိုလည်း ကျွန်တော်တို့က လက်ရှိကိုင်တွယ်ပြီးတော့မှ လုပ်ကိုင်နေရပါတယ်” လို့ ဦးဇင်ဝိုင်းက ပြောပြခဲ့ပါတယ်။
မျိုးမောင်