ဒီဇင်ဘာလ ၂၆ရက်နေ့ကတော့ ဒါရိုက်တာကြည်ဖြူသျှင်ရဲ့ ၄၂ နှစ်ပြည့်မွေးနေ့ပဲ ဖြစ်ပါတယ်။ ဒါရိုက်တာကြည်ဖြူသျှင်က မွေးနေ့ရက်မှာတော့ ဆရာတော်အရှင်ဆန္ဒာဓိကထံ မှာ ပန်းစေတီ၊ သိုးမွှေးစောင်၊ သိုးမွှေးအံသကိုက်၊ သိုးမွှေးဦးထုပ်(သံဃာတော်သုံး)နဲ့ သံဃာ့ အသုံးအဆောင်ပစ္စည်းများကို လှူဒါန်းခဲ့ပါတယ်။ ပန်းစေတီမှာလည်း နှင်းဆီ ပန်းပွင့်များကို ဒါရိုက်တာကြည်ဖြူသျှင်က ကိုယ်တိုင်ထိုးယက်လုပ်ထားတာဖြစ်ပါတယ်။ ဒါ့အပြင်ချောက်မြို့၊ ရွှေပါရမီ ဆေးခန်းအတွက်ကိုလည်း အလှူငွေ တစ်သိန်းကျပ် လှူဒါန်းခဲ့ပါတယ်။ ထူးခြားတဲ့တိုက်ဆိုင်မှုအနေနဲ့ ဒါရိုက်တာ ကြည်ဖြူသျှင်ရဲ့ ညီမဖြစ်သူ မနုရွှေရည်ရဲ့ မြန်မာလိုမွေးနေ့ဖြစ်တဲ့အတွက် လည်း နှစ်ယောက်အတူတူ သွားရောက်လှူဒါန်း ဖြစ်ခဲ့တယ်လို့သိရပါတယ်။
”ပုံမှန်အနေနဲ့ကတော့ သူငယ်ချင်းတွေကို မုန့်လိုက်ကျွေးဖြစ်တယ်။ ဒီနှစ် ကတော့ အသက်ကပဲ ကြီးလာလို့လားမသိဘူး။ အစ်မအနေနဲ့ စဉ်းစားဖြစ် တယ်။ ဒီနှစ်မွေးနေ့ကိုတော့ အေးအေးချမ်းချမ်းလေးဖြတ်သန်းချင်တယ် ပေါ့။ ဒါကြောင့် ဘယ်ဆိုင်မှသွားမစားဘူး။ ကျွေးရမယ့်သူတွေရှိရင်လည်း မွေးနေ့ပြီးမှကျွေးမယ်ပေါ့။ ပြောရရင် မွေးနေ့ကတော့ ဘာအလုပ်မှ မလုပ်ဘဲနဲ့ ဘုရား၊ တရားနဲ့ပဲကုန်ဆုံးချင်တာပါ” လို့ မွေးနေ့ဖြတ်သန်း မှုနဲ့ပတ်သက်လို့ ဒါရိုက်တာကြည်ဖြူသျှင်က ပြောပါတယ်။ ဆရာတော်အရှင်ဆန္ဒာဓိကထံကိုသွားရောက်လှူဒါန်းတဲ့အခါမှာတော့ ဆရာတော်က သူ့ကို စာအုပ်တစ်အုပ် လက်ဆောင်ပေးခဲ့တယ်လို့လည်း သိရပါတယ်။
”ဆရာတော်က အရဟံစေတီဆိုတဲ့ စာအုပ်လေးကိုမွေးနေ့လက်ဆောင် ပေးတယ်။ ထူးခြားတဲ့တိုက်ဆိုင်မှုက ကိုယ်က ဆရာတော်ကို လှူတာက ပန်းစေတီလေ။ ဆရာတော်က လက်ဆောင်ပေးတာ အရဟံစေတီဆိုတော့လေ။ အဲဒါလေးက ထူးခြားတဲ့တိုက်ဆိုင်မှုပေါ့။ သေချာတာကတော့ အစ်မကိုနိမိတ်တွေ ပေးနေသလား မသိဘူး။ နင်အပျိုကြီးဖြစ်မယ်။ တစ်ချိန်မှာ ဘာသာရေးနဲ့ပဲနေရမယ် ပေါ့” လို့ ဒါရိုက်တာကြည်ဖြူသျှင်က ပြောပါတယ်။ ရှေ့ခရီးကို တစ်ယောက်တည်းပဲ ဖြတ်သန်းတော့မှာလားလို့ ဒါရိုက်တာကြည်ဖြူသျှင်ကိုမေးတော့
”အဲဒီလိုမျိုးပဲဖြစ် နေတာပေါ့။ အဓိကတော့ တစ်ယောက်တည်း ဖြတ်သန်းတယ်ဆိုတာထက် လူတွေက ပြောကြတယ်။ အိမ်ထောင်မပြုရင် တစ်ကိုယ်တည်းပဲနေရမယ်ပေါ့။ အစ်မတို့ကျ တော့ တစ်ကိုယ်တည်းမဟုတ်ဘူး။ အမြဲတမ်းကိုယ်လုပ်ချင်တဲ့ အလုပ်တွေရယ်၊ ကိုယ့်ကို ချစ်တဲ့သူတွေ ကိုယ်ကချစ်တဲ့သူတွေ တရုန်းရုန်းနဲ့လေ။ တစ်ခါတလေ အိမ်ထောင်သည် တွေထက်တောင် ပိုအလုပ်ရှုပ်သေးတယ်။ အရင်တုန်းကဆိုရင် အစ်မ ရုပ်ရှင်ရိုက်ကူး ရေးတွေနဲ့ရှုပ်နေတယ်။ အဲဒီကနေမှ နိုင်ငံရေးပါ နွယ်လာတယ်။ နိုင်ငံရေး ပြီးသွားတော့ လည်း ပရဟိတကိစ္စတွေရှိလာတယ်။ အဲဒီတော့ အစ်မအနေနဲ့ကလည်း အဲဒီလိုလုပ် ရင်းလုပ်ရင်းနဲ့ အသက်ကလည်းကြီးကြီးလာတယ်။ အိမ်ထောင်ပြုဖို့အတွက်ကလည်း ကိုယ်နဲ့မဆိုင်တော့သလိုဖြစ်ဖြစ်လာတယ်။ တကယ်တမ်းကျတော့ အစ်မတို့အရွယ်တွေ က အိမ်ထောင်ပြုရမယ့်အရွယ်တွေမဟုတ်တော့ဘူး။ အိမ်ထောင်ပြုရမယ့် Date ကို တအားကိုလွန်သွားပါပြီ။ ဒါပေမဲ့ ကံပေါ့လေ။ ဖူးစာပေါ့” လို့ပြောပါတယ်။
လင်းအက္ခရာ
