အလင်းရောင် ခေါင်းဆောင်အနေနဲ့ ပါဝင် သရုပ်ဆောင်ထားတဲ့ 3 Girls ရုပ်ရှင် ဇာတ်ကားရုံတင်ပြသတာ တစ်ပတ်ကျော်ခဲ့ပြီဖြစ်ပြီး ပရိသတ် တွေရဲ့ အားပေးမှု တွေလည်း ရရှိနေပါတယ်။ အလင်းရောင်အနေနဲ့ ထုတ်လုပ်ရေးတစ်ခုနဲ့ စာချုပ် ပြသာနာတွေဖြစ်ခဲ့ပြီး အနုပညာ အလုပ်တွေ တစ်နှစ်ကျော် နားပြီးနောက်မှာ ဒါရိုက်တာ ၀ိုင်းနဲ့ လက်တွဲကာ ပထမဦးဆုံး ခေါင်းဆောင်အနေနဲ့ ရိုက်ကူးခဲ့ရတဲ့ ရုပ်ရှင် ဇာတ်ကားပဲဖြစ်ပါတယ်။စီနီယာ မင်းသမီးတွေဖြစ်တဲ့ ဖွေးဖွေး ၊ အိချောပို ၊ ပိုင်ဖြိုးသု တို့နဲ့ ပထမဦးဆုံးဆုံးပြီး ရိုက်ကူးခဲ့ရတာကြောင့်လည်း ရှိန်နေခဲ့တာမျိုး လည်း ရှိကြောင်း အလင်းရောင်က ပြောပြပါတယ်။ဒီ ဇာတ်ကား ရိုက်ကူးတဲ့ အချိန်မှာတော့ အကောင်းဆုံးကြိုးစားခဲ့ပေမယ့် လိုအပ်ချက်တွေလည်း ရှိခဲ့တယ်လို့ ဆိုတဲ့ အလင်းရောင်က…
“ဒီဇာတ်ကားရိုက်ကူးတုန်းက ဖိအား တော်တော်များခဲ့တယ်။ ဒါရိုက်တာကလည်း ကိုဝိုင်းဖြစ်နေတာရယ် ၊ ကိုဝိုင်းကလည်း တစ်ဆင်းန်နဲ့ တစ်ဆင်းန် ရသလောက် မရရ အောင် ရိုက်တာ ဆိုတော့ မင်းသမီးတွေက လည်း ကိုယ်နဲ့ တစ်ခါမှ သရုပ်မဆောင်ဖူးဘူးဆိုတော့ စီနီယာတွေ ဆိုတော့ ရှိန်လည်း ရှိန်တာနဲ့ pressure တွေ ကတော့ အများကြီး ရှိ တယ်။ကျွန်တော် အဲဒီတုန်းက ရိုက်ကူးတဲ့ အတိုင်းအတာ နဲက အတတ် နိုင်ဆုံး အကောင်းဆုံးလုပ်ခဲ့တယ်။ဒါပေမဲ့ အနုပညာရှင် တစ်ယောက်ရဲ့ လောဘပေါ့။ကျွန်တော်ပြန်ကြည့်တဲ့ အချိန်မှာငါ ဒီနား လေးမှာ ဒီထက်ပိုပြီး လုပ်လိုက်ရင် ဘယ်လိုကောင်းသွားမယ်ဆိုပြီးတော့ အဲဒီလိုမျိုးတော့ ကားတွေရိုက်လာတဲ့ အတွေ့အကြုံ များလာလေ ကိုယ်ရဲ့ အရင်တုန်းက ဇာတ်ကားတွေကြည့်ရင် ကိုယ့်လိုအပ်ချက်တွေကို ကိုယ့်ဘာသာကိုယ်သိပါတယ်။ဒါပေမဲ့ ကိုယ်တတ်နိုင်တဲ့ သရုပ်ဆောင် ချက်နဲ့ အတူ ကိုယ်လုပ်နေရတဲ့ အလုပ်ပေါ်မှာတော့ အဲဒီအချိန်ကတော့ အကောင်းဆုံးစိတ်နှစ်ပြီး ကြိုးစားပြီးလုပ်ထားတဲ့ အတွက် ကိုယ့်ကိုယ်ကိုယ်လိုအပ်ချက် တွေရှိနေပေမယ့်လည်း နောက်ထပ် အများကြီး ထပ်ပြီး ကြိုးစားမယ်ဆိုတဲ့ စိတ်ဖြစ်ပါတယ်လို့” ပြောပါတယ်။
၂၀၁၇ ခုနှစ်ကတော့ အလင်းရောင်အတွက် ကံကောင်းခဲ့တဲ့ နှစ်တစ်နှစ်ပါ။ ဒါရိုက်တာဝိုင်းနဲ့ ရုပ်ရှင် ဇာတ်ကား၎ကား လောက်ထပ်ပြီး ရိုက်ကူးခဲ့ရသလို တခြား ထုတ်လုပ်ရေးတွေနဲ့လည်း ခေါင်းဆောင်မင်းသားအနေနဲ့ ဇာတ်ကားတွေရိုက်ကူးခွင့် ရခဲ့တယ်လို့ဆိုပါတယ်။အနုပညာအလုပ်တွေကို အကောင်းဆုံးဖြစ်အောင် ကြိုးစားလုပ်ပေမယ့် အောင်မြင်ဖို့အတွက်ကတော့ သူ့ရဲ့ ကံပေါ်မှာလည်း မူတည် ကြောင်းကို အလင်းရောင်က…
“ကျွန်တော်တို့ အနုပညာအလုပ်ဆိုတာ စန်းရယ် ကံရယ် လည်းအများကြီး အထောက်အပံ့လိုသေးတယ်။အောင်မြင်တယ်။မအောင်မြင်ဘူးဆိုတာက ကျွန်တော်ကို ပရိသတ် အားပေးမှုအပေါ်မှာ မူတည်တယ်။ ကျွန်တော့်ကြိုးစားမှုနဲ့ကံပေါ့။ ကျွန်တော့်ကံကတော့ ဘယ်လိုလာမလဲမသိသေးဘူး” လို့ပြောပါတယ်။
ခိုင်ဝေလွင်
ဓာတ်ပုံ- မင်းမင်းထွန်း
