ရန်ကုန်မြို့နေ ဦးမောင်မောင်ညွှန့် + ဒေါ်တင်နွယ်အေး (Golden Moon Construction Co; Ltd) တို့ရဲ့ သားလတ် မောင်ထက်ဦးလှိုင်နဲ့၊ ရန်ကုန်မြို့နေ အကယ်ဒမီဦးလွင်မိုး + ဒေါ်မေသူတို့ရဲ့ သမီးကြီး ယွန်းဝတီလွင်မိုးတို့ရဲ့ မင်္ဂလာမော်ကွန်းတင်လက်မှတ် ရေးထိုးပွဲကို ဇန်နဝါရီလ ၄ ရက်၊ လွတ်လပ်ရေးနေ့ မနက် ၁ဝနာရီက Melia Hotel မှာ ပြုလုပ်ခဲ့ပါတယ်။ အကယ်ဒမီလွင်မိုးရဲ့ သမီးကြီး ယွန်းဝတီလွင်မိုးက အသက်၁၉နှစ် ရှိပြီဖြစ်ပြီး မကြာသေးမီက သြစတြေးလျနိုင်ငံက တက္ကသိုလ်တစ်ခုမှာကျောင်းတက်ဖို့အတွက် Foundation အောင်မြင်ထား သူ ဖြစ်ပါတယ်။ သူမရဲ့ချစ်သူ ထက်ဦးလှိုင်ကလည်း အသက်၁၉နှစ်ရှိပြီး သူမနဲ့အတူ သြစတြေး လျနိုင်ငံမှာ ကျောင်းတက်နေသူပဲဖြစ်ပါတယ်။ ယွန်းဝတီလွင်မိုးတို့ ချစ်သူနှစ်ဦးက လွန်ခဲ့တဲ့ ၆လ က နှစ်ဖက်မိဘများရှေ့မှောက်မှာစေ့စပ်ကြောင်းလမ်းထားတာဖြစ်ပြီးမင်္ဂလာပွဲကိုတော့ ၂ဝ၁၈ ခုနှစ်မှာ ပြုလုပ်ခဲ့တာဖြစ်ပါတယ်။ မင်္ဂလာဆောင်ပြီး သွားရင်လည်း ပညာဆက်လက် သင်ကြား သွားမှာဖြစ်ပြီး ဇန်နဝါရီလကုန်မှာ သြစတြေးလျနိုင်ငံကို ပြန်သွားမှာဖြစ်ကြောင်းသိရပါတယ်။
တူမဖြစ်သူရဲ့ မင်္ဂလာပွဲနဲ့ပတ်သက်ပြီး ဘကြီးဖြစ်သူ ဒါရိုက်တာမောင်သီက ” Surprise” ပေါ့ဗျာ။ သူတို့က မနှစ်ကတည်းက စေ့စပ်ထားကြတာပဲ။ မနှစ်ကတည်းက သူတို့က လက်ထပ်ဖို့ပြောတယ်။ ဒီနှစ်ကျတော့ အတင်းပူဆာတော့ လက်ထပ်ပေး လိုက်တာပေါ့။ ကျွန်တော်တို့အမြင်မှာတော့ ကလေးလေးပဲရှိသေးတာပေါ့။ ခေါ်တာကိုကခေးခေးကိုး။ ဖေ့စ်ဘုတ်ခ်မှာတော့ ပွစိတက်နေတာ ပေါ့။ အပြင်မှာလည်း သတင်းတွေကမျိုးစုံပြောနေတာပဲ။ တကယ်တော့ အစောကြီးကတည်းက မိဘတွေကလည်း သိထားပြီးသားတွေပါ။ အစောကြီးကတည်းကလည်း စေ့စပ်ကြောင်းလမ်းပြီးသားတွေပါ။ ဒီနှစ် ကျောင်းသွားတက်တယ်။ ဒီမှာပြန်လာပြီး လက်ထပ်တယ်ပေါ့။ မင်္ဂလာဆုတောင်းပေးချင်တာကတော့ ဇနီးမောင်နှံနှစ်ဦး ကျန်းမာ ချမ်းသာစွာနဲ့ သာသနာအကျိုး၊ လောကီလောကုတ္တရာ နှစ်ဖြာသော အကျိုးဆောက်ရွက်နိုင်ကြပါစေ။ ရွှေလက်တွဲမြဲကြပါစေ။ ရာသက်ပန်မြဲကြပါစေ” လို့ မင်္ဂလာဆုတောင်း ပေးခဲ့ပါတယ်။ လွင်မိုးရဲ့သူငယ်ချင်းဖြစ်သူ ငှက်ပျော်ကြော်ကလည်း “ဒီကလေးက ကျွန်တော်တို့ လေးယောက် လက်ပေါ်မှာကြီးပြင်းလာတယ်ဆိုလည်း မမှားပါဘူး။ လွင်မိုးဇာတ်ကားရိုက်ကူးချိန်တိုင်း အမြဲတမ်းလိုက်နေကျကလေးပါ။ ဒါပေမဲ့ အခု ၁၉နှစ်နဲ့ အိမ်ထောင်ကျသွားတယ်ဆိုတော့ နှမြောတော့နှမြောတယ်။ ဝမ်းလည်းသာတယ်။ ဘာလို့လဲ ဆိုတော့ ဒီလိုမျိုးအဆင်ပြေပြေ ချောချောမွေ့မွေ့နဲ့ စည်စည်ကားကားလေး ဖြစ်သွားတဲ့အတွက် ဝမ်းသာတယ်။ နှမြောတယ်ဆိုတာက ၁၉နှစ်ဆိုတော့ နည်းနည်းတော့ နှမြောတာပေါ့။ ဒါပေမဲ့ဒါတွေက ဘယ်သူကမှ ရှောင်လို့မရတာ။ စောစောစီးစီးအိမ်ထောင်ပြုလိုက်တယ်ဆိုတော့လည်း စောစော စီးစီးဘဝကို ဘယ်လိုရင်ဆိုင်ရမယ်ဆိုတာသိသွားတာပေါ့။ ထက်ဦးလှိုင်နဲ့ ယွန်းဝတီလွင်မိုးတို့ဘဝမှာ ရှေ့ဆက်ပြီးလျှောက်လှမ်းရမယ့်လမ်းလေးက အခက် အခဲတွေမြောက်မြားစွာနဲ့ စိန်ခေါ်မှုတွေ အားလုံးကို ကျော်လွှားနိုင်ပါစေလို့ ဆုတောင်းပေးပါတယ်” လို့ ဆိုပါတယ်။ ထက်ဦးလှိုင်နဲ့ ယွန်းဝတီလွင်မိုးတို့ရဲ့ မင်္ဂလာညစာ စားပွဲကိုတော့ အဲဒီနေ့ ည ၇နာရီက Melia Hotel မှာပဲ ပြုလုပ်ခဲ့ပါတယ်။
ခိုင်ဝေလွင်
ဓာတ်ပုံ- အောင်ဇော်မင်း