လူရွှင်တော် ကောင်းကျော် အနေနဲ့ လူရွှင်တော်အနေနဲ့ အောင်မြင်မှုတွေရရှိပြီးမှသာ သရုပ်ဆောင်ဘက်ကို ခြေချဖြစ်ခဲ့တယ်လို့ သိရပါတယ်။ သူ့အနေနဲ့ ရုပ်ရှင်ထုတ်လုပ်ရေးတွေရှိတဲ့ ကျောက်တံတားမြို့နယ်က ၃၅လမ်းထဲကို အမြဲတမ်းရောက်ဖြစ်ခဲ့ပြီး သူ့ကိုဇာတ်ကားတွေမှာ ပါဝင်သရုပ်ဆောင်ဖို့ခေါ်ရိုက်နိုးနိုးနဲ့ လာရောက်ဖြစ်ခဲ့ပေ မယ့်လည်း ပရိသတ်တွေမသိသေးတဲ့ ကာလဖြစ်နေတဲ့အတွက် ဘယ်သူကမှခေါ်မရိုက်ခဲ့ကြဘူးလို့ ကောင်းကျော်က သူ့ရဲ့သရုပ်ဆောင်ဘဝအစကို ပြန်လည်ပြောပြခဲ့ပါတယ်။
”လူမသိသေးတော့ ကျွန်တော့်ကို ဘယ်သူကမှလည်း အဖက်မလုပ်ကြဘူး။ အလကားရိုက်ကူးပေးပါ့မယ် ဆိုတာတောင်မခေါ်ဘူး။ ရူမဝအငြိမ့် ပေါက်ပြီးတော့ နာမည်ကြီးသွားတဲ့အခါကျမှ အဲဒီအရှိန်နဲ့ သရုပ်ဆောင်ဘက်ကို ရောက်ခဲ့တာ။ ကိုယ်ကသာ နာမည်မကြီးခင်က ဟာကွာငါတို့ကို နှိမ်တယ်လို့ခံစားခဲ့ရပေမယ့် ဟိုဘက်ကကြည့် မယ်ဆိုတော့လည်း ဟုတ်တာပဲလေ။ ဘာကြောင့်လဲဆိုတော့ ဗီဒီယိုရုပ်ရှင်ဆိုတာက ရောင်းကုန်တစ်ခုအနေနဲ့ နာမည်ရှိတဲ့သူမှ ရောင်းကုန်တင်ပြီးတော့ သွားရတာကိုး။ နာမည်ရှိတဲ့လူနဲ့ နာမည်မရှိတဲ့လူနဲ့ ကောင်းခြင်းမကောင်းခြင်းကို ခဏဖယ်ထား ဒီနာမည်ပေါ်မှာ သွားရတဲ့အနေအထားတစ်ခုဖြစ်တဲ့အတွက် သူတို့ဘက်ကကြည့်တော့ လည်းမှန်တယ်။ကိုယ်တွေဘက်က ကြည့်တော့လည်း ကိုယ်တွေကခံစားရတာပေါ့လေ။ နာမည်ရှိလာတော့လည်း ဒီနောက်ကိုလိုက်ကြတာပဲ။ ဒီနေရာမှာ အနာခံတယ်ဆိုတဲ့အပိုင်းမှာလည်း တစ်ခါတလေမှာ ကိုယ့်ဇာတ်ရုပ်ကြောင့်မို့လို့ ငွေကြေးကို အနစ်အနာ ခံပြီးတော့ တန်ရာတန်ကြေးမဟုတ်သော်ငြားလည်း ကိုယ့်အတွက်နေရာရရှိရေးအတွက် ထိုြးေ<ွကလိုက်ရ တဲ့အပိုင်းတွေရှိတယ်။ တကယ်အရှိန်အဝါရှိပြီးသားလူတွေကကျတော့ ဘယ်သူကတော့ ဘယ်နေရာ လိုက်တယ်၊ ဘယ်သူကတော့ ဘယ်နေရာအိုကေတယ်ဆိုတဲ့သူ့တန်းတစ်ခုတော့ရှိတယ်။ တန်းတစ်ခု မရှိခင်မှာ ကြိုးစားရတာတော့ ပင်ပန်းတယ်။ ခရီးတစ်ခုမရောက်ရှိခင် ရောက်အောင်သွားရတဲ့ လမ်းခရီးမှာတော့ တော်တော်ကိုပင်ပန်းတယ်”လို့ သရုပ်ဆောင်ခရီးအစကို ဟာသရုပ်ဆောင် ကောင်းကျော်က ပြောပြပါတယ်။
လင်းအက္ခရာ
