နှစ်စဉ်ပြုလုပ်မြဲဖြစ်တဲ့ ပဲခူးရွှေ မောဓော ဘုရားဗုဒ္ဓပူဇနိယပွဲတော်ကြီးကို မတ်လ ၂၄ ရက် နေ့ကနေ ဧပြီလ ၇ ရက်နေ့အထိ ၁၅ ရက်တာ ကျင်းပပြုလုပ်မှာဖြစ်ပါတယ်။ အရင်နှစ်တွေ တုန်းကတော့ ပွဲတော်ကာလကို ၁ဝ ရက်သာပြုလုပ် ခဲ့ပေမယ့် အခုနှစ်ကတော့ပဲခူးရွှေမောဓော ဘုရား ဗုဒ္ဓပူဇနိယပွဲတော်ကြီး နှစ် ၂၆ဝဝ ပြည့်ဖြစ်တဲ့ အတွက် ၁၅ ရက်တာ ကျင်းပပြုလုပ်ခြင်းဖြစ်တယ်လို့ သိရပါတယ်။
အခုနှစ်မှာတော့ ရုံအမှတ် ၄ မှာ မြို့ရွှေမန်းသားဖိုးချစ်တို့ဇာတ်၊ ရုံအမှတ် ၁ မှာ ဟန်ဇာမိုးဝင်း၊ တင်ဇာမိုးဝင်းတို့ရဲ့ စံပြသဘင်၊ ရုံအမှတ် ၃ မှာ စွမ်းဇာနည်တို့က ကပြသွားမှာဖြစ်ပါတယ်။ ပဲခူးဘုရားပွဲတော်ရဲ့ ဇာတ်ရုံလေလံကြေး ကျပ် ၅၅ သိန်းနဲ့ ရုံအမှတ် ၄ အတွက် မြို့ရွှေမန်းသား ဖိုးချစ်ကရရှိခဲ့ပြီး ရုံအမှတ် ၁ နဲ့ ၃ ကိုတော့ သိန်းကျပ် ၅ဝ နဲ့ စံပြသဘင်နဲ့ စွမ်းတို့ကရရှိခဲ့ကြပါတယ်။ ပွဲတော်ကို ၁၅ ရက်တာ ပြုလုပ်မှာဖြစ်ပေမယ့် ဇာတ်သဘင်ဖျော်ဖြေမှုကတော့ ၁ဝ ရက် တာသာ ကပြတင်ဆက်ခွင့်ရရှိထားကြောင်း သိရပါတယ်။
“ပွဲတော်စည်ကားခြင်း၊ မစည်းကားခြင်းဆိုတာက လူတွေရဲ့စီးပွားရေးပေါ်မှာလည်း မူတည်ပါတယ်။ လူတွေရဲ့ စီးပွားရေးအဆင်ပြေတယ်ဆိုရင်တော့ ပွဲတော်ကစည်ကားတာပဲလေ။ အဓိကတော့ တောင်သူတွေ ပဲဈေးတွေကောင်း မယ်၊ စပါးဈေးတွေ ကောင်းမယ်၊ သီးနှံတွေအထွက်တိုးမယ်ဆိုရင် ပွဲတော်က တအားစည်ကားပြီလေ”လို့ အခုနှစ် ဘုရားပွဲတော် စည်ကားခြင်း၊ မစည်ကားခြင်း အခြေအနေကို ဇာတ်ကန်ထရိုက် ကိုကျော်ဇေယျကပြောပါတယ်။ ပဲခူး ဘုရားပွဲတော်ကြီးဆိုတာကတော့ ဇာတ် အဖွဲ့တိုင်းအတွက် အားထားရာပွဲတော်ကြီးတစ်ခုပဲဖြစ်ပါတယ်။ ဇာတ်အဖွဲ့ အတွေအနေနဲ့ ပွဲတော်ကြီးမှာ ကပြတင်ဆက်ဖို့အတွက် အသီးသီး ကြိုတင်ပြင်ဆင်မှုတွေ လုပ်ဆောင်နေကြပြီလည်း ဖြစ်ပါတယ်။
လင်းအက္ခရာ
