ငါ က လေတိုက်ရင်လွင့်ပါသွားတဲ့ ဖုန်မှုန့်တွေဖြစ်သွားမှာ။ မင်းက တော့ ဆာဟာရ သဲကန္တာရထဲက သဲ ပွင့်တွေအဖြစ် ရောက်ရှိသွားနိုင်တာ။ မင်းဆီကို လူသူအရောက်အပေါက် နည်းလို့ မင်းဟာ ဆာဟာရသဲကန္တာ ရထဲက သဲပွင့်တွေထဲမှာ ရောနှော သွားလိမ့်မှာ။ ကန္တာရခရီးသွားတွေ ဟာ ကုလားအုပ်ကိုစီးလို့ ပူပြင်းတဲ့ သဲကန္တာရကို ဖြတ်သန်းသွားကြ တယ်။ ခရီးသွားကုန်သည်တစ်ဦးဟာ ကုလားအုပ်ကုန်းနှီးမှာ ချိတ်ထားတဲ့ ရေဘူးကိုမော့လို့ တစ်ကျိုက်သောက် လေရဲ့။ ဟိုးဝေးဝေးဆီမှာ စွန်ပလွံ ပင်၊ ပိရမစ်၊ ဗျစ်ရည်အိုး မျက်စိတဆုံး သဲပင်လယ်။ ဆာဟာရသဲကန္တာရထဲ က သဲပွင့်ကလေးတွေကိုကြည့်ပြီး ဘယ်သူမှ မင်းကို မှတ်မိတော့မယ် မဟုတ်ဘူး။ ငါကတော့ လေတိုက်ရင် လွင့်ပါသွားတဲ့ ဖုန်မှုန့်တွေလေ။ နွေ ဦးနေ့ရက်တွေဆို လေပွေဟာ လမ်း ပေါ်မှာ လျှောက်သွားလို့၊ ဖုန်မှုန့်တွေ ဟာ အရပ်မျက်နှာအသီးသီးကို လွင့် ချေပေါ့။ ငါဟာ လေထဲက ဖုန်မှုန့် မျှ သာ။ နွေဦးနေ့ရက်များရဲ့ လေပွေ ဟာ ဗာဒံပင်က နီကျင်ကျင်သစ်ရွက် တွေကို ကြွေကျစေပေါ့။ ကြွေကျသွား တဲ့သစ်ရွက်တွေကို လွင့်ပါစေပေါ့။ လွင့်ပါသွားတဲ့သစ်ရွက်ခြောက်ကို လူ တွေ မေ့လျော့စေပေါ့။ ကန္တာရထဲက သဲမှုန့်တွေပေါ်မှာ ဖြတ်သွားတဲ့ ကု လားအုပ်ခြေရာအောက်မှာ မင်းရှိ ကောင်းရှိနိုင်တာ။ သဲပွင့်တွေဟာ တစ်ခုနဲ့တစ်ခု အတူတူပဲလား။ သဲပွင့် တွေဟာ တစ်ခုနဲ့တစ်ခုမတူဘူးလား။ ဟောဒီသဲပွင့်ကလေးက ဘာကြောင့် နေရောင်ထဲမှာ တလက်လက်ဖြစ်နေ ရတာလဲ။ ငါကတော့ လေတိုက်ရင် လွင့်ပါတဲ့ဖုန်မှုန့်ပါပဲ။ လေငြိမ်နေတဲ့ အခါ ငါတို့ဟာ ကိုယ့်အဖြစ်ကိုပြန် သတိရမိကြ။ နှစ်ပရိစ္ဆေဒတွေက ငါ တို့ကို ဖုန်မှုန့်တွေအဖြစ် ပြောင်းလဲ ပစ်ခဲ့တာ။ ခုတော့ဖြင့် ငါကလေတိုက် ရင် လွင့်ပါသွားတဲ့ ဖုန်မှုန့်တွေအဖြစ် ရောက်ရှိခဲ့ပေါ့။
လေငြိမ်တဲ့ နွေဦးနေ့လယ်ခင်း တစ်ခုပါပဲ။ ငါဟာ နေရာအနှံ့ကို ရောက်ရှိခဲ့တာ။ ဒီလိုနဲ့ ပါးလျား ပျောက်ကွယ်သွားရမှာ။ ဒီလိုနဲ့ ပျောက်ကွယ်ပြီး လေမှုန်တဲ့အခါ ငါ့ ကို တစ်ဖန်ပြန်တွေ့ရမှာ။ ကိုင်းတံ ထက်ကြေ<ွကကျပြီး လေထဲလွင့်ပါ သွားတဲ့ သစ်ရွက်ခြောက်ရဲ့ ကိုယ် ထည်မှာ ငါခဏမျှကပ်ငြိရှိနေခဲ့တာ။ တချို့ရက်တွေဆို နွေဦးလေရူးက ဝုန်းခနဲဆောင့်တိုက်လာရင် ငါဟာ အဝေးကို လွင့်ပါသွားရသည်သာပင်။ ခြောက်သွေ့တဲ့နေ့ရက်တစ်ခုမှာ ငါ ဟာ လမ်းပေါ်မှာ ရှိနေနိုင်တာ။ နေ ရောင်တဝင်းဝင်း၊ ခြစ်ခြစ်တောက် ပူလောင်လာတဲ့အခါ ငါဟာ မြေသား ပြင်ထက်မှာ ရှိနေနိုင်တာ။ တိတ် ဆိတ်တဲ့မြို့ကြီးတစ်မြို့ရဲ့ မြေသား ကြမ်းပြင်မှာငါရှိနေနိုင်တာ။ ခုတော့ ဖြင့် ငါဟာစက္ကူပေါ်က ဖုန်မှုန့်က လေးမျှသာ။
နေမျိုး
