ကဗျာဆရာနှင့် ကဗျာဖြစ်ခြင်း အ ကြားမှာ တစ်ခုခုခံနေလျှင် ဘာ ဆက်လုပ်သင့်သည်ကို စဉ်းစားကြည့် မိပါသည်။ ကဗျာသည် နယ်နိမိတ် ကန့်သတ်ချက်မရှိအောင် ကျယ်ဝန်း သည်ဟုလည်း စဉ်းစားကြည့်ဖူးသည်။ ဘာကိုမျှ အဓိပ္ပာယ်သတ်မှတ်၍မရ သော အခြေအနေကိုလည်း ကြုံဖူး သည်။ သီအိုရီများကြောင့် ကဗျာပို ကောင်းလာသည်ကိုလည်း ဆင်ခြင် ကြည့်နိုင်ခဲ့သည်။ သီအိုရီကြောင့် ကဗျာသာမက ကဗျာဆရာရဲ့ဘဝပါ ပျက်စီးသွားနိုင်ကြောင်းကိုလည်း ပြောလိုသည်။ ကဗျာကိုဖွင့်ဆိုဖို့ ကြိုး စားကြည့်နေသူတစ်ယောက်ကိုတွေ့ လျှင် ခွေးအ, ကြီးလှည်းနင်းခံရပုံကို သတိရနိုင်သည်။ ကဗျာကို အမွှမ်း တင်လွန်းရင်း ကဗျာတန်ဖိုးက ဘာမျှ မရှိတော့တာလည်း ကြုံတွေ့ရတတ် ပါသေးသည်။ ကဗျာရေးသူ ဘာသာ စကားနှင့် ကဗျာဆက်စပ်သည်ကို တော့ လက်ခံထားကြပါလိမ့်မည်။
ဒါက အနုပညာပစ္စည်းတစ်ခု၊ ဒါက အနုပညာမဟုတ်တဲ့ အရာဝတ္ထု တစ်ခု။ ဒါပေမဲ့ အနုပညာမဟုတ်တဲ့ အရာဝတ္ထုထဲမှာ အနုပညာရှိနေနိုင် သည်ဆိုတဲ့ ကြောက်စဖွယ်အခြေအ နေကို ကြုံဖူးသည်။
ကဗျာရေးသူ ဘာသာစကား ကဗျာဆက်စပ်ပုံကို အမြဲသတိရစေ ချင်သည်။ ရိုးသားသောသူ ကဗျာ ဆရာဖြစ်နိုင်သည်။ သေရည်တစ်ခွက် ငှဲ့ကာ ကဗျာတစ်ကြောင်းရေးနိုင် သည့် သာဓကများလည်း ရှိခဲ့သည်။ ဒါပေမဲ့ ထပ်ပြောပါရစေ။ ရိုးသား သောသူသာ ကဗျာဆရာဖြစ်နိုင် သည်။ ဒီကနေ့ ကျွန်တော်တို့ကဗျာ တွေကိုဖတ်ပြီး ခင်ဗျားစိတ်ဓာတ်ကျ သွားနိုင်သည်။ ဒါကဗျာတွေလားဟု မေးနိုင်သည်။ မှန်ပါသည်။ ဒါဟာ ကဗျာတွေပါပဲ။ မိုးသားမည်းမည်း အောက်မှာ ပေါက်ဖွားကြရတယ်လို့ မိုးဝေးကလား၊ ဇေယျာလင်းကလား ရေးခဲ့သည်။ ကဗျာဆရာနှင့် ကဗျာ ဖြစ်ခြင်းအကြားမှာ တစ်ခုခုခံနေလျှင် ဟု အထက်တွင် ဆိုခဲ့ပါသည်။ ထို တစ်ခုခုမှာ ဘာဖြစ်မလဲ။ ရိုးသားမှု ရှားပါးလာခြင်းဖြစ်ပါသည်။ ဘာ ဆက်လုပ်သင့်ပါသလဲ။ ကျွန်တော် ကြိုက်နှစ်သက်သဖြင့် မကြာမကြာ ထုတ်ပြောမိသော စကားတစ်ခွန်း ရှိ သည်။ စံညိမ်းဦးက ပြောခဲ့တာပါ။ ဘာမျှမရေးတော့တာဟာ အနုပညာ တဲ့။ ရှိသမျှကဗျာအားလုံးကို ပေါင်း ဆုံလိုက်လျှင် တစ်ခုတည်းရသည်။ ထိုအရာမှာ ရိုးသားမှုပင်ဖြစ် သည်။ ကျွန်တော် ထွန်းပရဲ့ကဗျာ တွေကို ဖတ်ကြည့်ပါသည်။ ထွန်းပ သည် ရိုးဖြောင့်သောသူဖြစ်သည်ဟု မှတ်ချက်ပြုလိုသည်။ သူ့ကိုမနာ ကျင်ပါစေနှင့်။ သို့ရာတွင် မတတ်နိုင် ပါ။ ထွန်းပ၏ကဗျာများကို မျှော်လင့် နိုင်ပါသည်။
ခင်မင်ရသော ကဗျာဆရာ(ကို) ထွန်းဝေမြင့်၏ တိုက်တွန်းချက် ကြောင့် ဤစာစုငယ်ကို ရေးဖြစ်ခဲ့ သည်။ ကဗျာဆရာ (ကို) ထွန်းပနှင့် လည်း စကားပြောခွက်မှ တစ်ဆင့် စကားအနည်းငယ်ပြောဖြစ်ခဲ့သည်။ သူ့စကားသံက ခပ်ဝဲဝဲ၊ အောက်သား တွေ စကားဝဲပုံမျိုးဖြစ်သည်။ လူရိုးလူ ဖြောင့်တစ်ယောက်နဲ့ စကားပြောနေ ရင်း သူဘာပြောနေသည်ဆိုတာကို မနည်းဘဲ နားစိုက်ထောင်ခဲ့ရသည်။ ကဗျာနှင့်စပ်လျဉ်းသော ရင်းနှီးခင် မင်မှုတစ်ခုပါ။
နေမျိုး
