မြန်မာ့ရာဇဝင်တွင် စာပေလိုက်စား သော စာတိုပေစများကိုစုဆောင်း မှတ်သားခြင်း၌ ဝါသနာကြီးသော ‘စာတိုငညို’ ခေါ် လူငယ်ကလေး တစ်ယောက်သည် နောင်သော် စာ ပေအကျိုးကျေးဇူးကြောင့် ‘ဝန်ဇင်း ဘိုးရာဇာ’ ဘွဲ့အမည်ရ ပညာရှိ အမတ်ကြီးဖြစ်လာခဲ့ကြောင်း မှတ် တမ်းတင်ဖော်ပြခဲ့ပါသည်။ အများ အသိပါ။ စာတိုငညိုဘဝတုန်းက သူ့ ကို ရပ်ထဲရွာထဲမှာ စာရူးပေရူးဟု ခပ်နှိမ်နှိမ်ခေါ်ခဲ့ကောင်း ခေါ်ခဲ့မည် ဟုထင်သည်။ စာအုပ်ပုံထဲမှာ ခေါင်း မြုပ်နေလောက်အောင် စာဖတ်ဝါသ နာကြီးသူကို ကျွန်တော်တို့ဆီမှာ ‘စာ ကြမ်းပိုး’ဟုခေါ်ဝေါ်ကြသကဲ့သို့ အင်္ဂ လိပ်တွေကလည်း Bookworm ဟု ခေါ်ဝေါ်ကြသည်။ စာအုပ်များ အ နှောင့်ရှိကော်ကို စားသောက်လေ့ ရှိသော အင်းဆက်ပိုးကောင်ကို Bookworm ဟုခေါ်ဝေါ်ရာမှ မြန် မာလို စာကြမ်းပိုး ဟူသော ဝေါဟာရ ပေါ်လာခြင်းလည်း ဖြစ်ကောင်းဖြစ် မည်။ ‘စာကြမ်းပိုး’ (စာဂျပိုး) ဝေါဟာ ရတီထွင်သူကို ဤနေရာမှ ချီးကျူး လိုက်ပါရစေ။
သိုးဆောင်း ဘာသာတွင်Bookish ဟူသော ဝေါဟာရရှိသည်။ သူကတော့ စာကြီးပေကြီးတွေကိုသာ အထူးအာရုံစိုက်ဖတ်ရှုသူကို ရည် ညွှန်းသည်။ မြန်မာတွေက ထိုသူမျိုး ကို ‘စာအုပ်ကြီးသမား’ဟု လှောင်သံ သဲ့သဲ့ဖြင့် ခေါ်ဝေါ်တတ်ကြသည်။ လှောင်သံပါလာရခြင်းမှာ စာအုပ် ကြီးသမားသည် အပျော်ဖတ်စာပေ Pulp-fiction စွဲလမ်းသူများကို အထင်သေးလေ့ရှိသောကြောင့် အပျော်ဖတ်စာပေသမားများက တန် ပြန်ထိုးနှက်ခြင်းဖြစ်သည်။
လွန်ခဲ့သောနှစ်ပေါင်း ၃ဝ ကျော်လောက်တုန်းက ကျွန်တော့် မှာ အသိမိတ်ဆွေ ‘စာကြမ်းပိုး’ တစ် ယောက်ရှိခဲ့ဖူးသည်။ ထိုစာကြမ်းပိုး မှာ ကျွန်တော်နှင့် တစ်ရပ်တည်းနေ၊ တစ်ကျောင်းတည်းထွက်ဖြစ်ကြသော် လည်း သူ့ဖခင်က အရာရှိကြီးတစ် ယောက်ဖြစ်၍ သည်ကောင်က နည်းနည်းသွေးနားထင်ရောက်၊ ခြေ ဖျားထောက်ချင်သည်။ သည်တော့ ကိုယ့်မာနနှင့် ကိုယ်နေသော ကျွန် တော်ကလည်း သည်ကောင့်ကို အနူ တစ်ယောက်အလား သဘောထား ၍ ခပ်ဝေးဝေးက ရှောင်သည်။
အထက်တန်းကျောင်းမှ ထွက်ခဲ့ ကြပြီးနောက် ၁ဝ နှစ်ကျော်ကြာခဲ့ သောအခါ ကျွန်တော်သည် စာပေ လောက၌ နေရာကလေးတစ်ခု ကတ် သီးကတ်သတ်ရလာခဲ့ပြီးဟိုအကောင် (အော် …မေ့လို့။ သူ့နာမည်က သန်းဝေ။ သူ့ဖခင်နာမည်က ဦး အောင်ထူး။) သန်းဝေက မယားက အပစ်ခံရသည့် ‘မယားပစ်’သန်းဝေ ဖြစ်နေပြီ။ တစ်ခုလပ်သန်းဝေသည် မိဘအိမ်မှာ ပြန်နေပြီး ဘာအလုပ်မှ မလုပ်ဘဲ ယောင်ခြောက်ဆယ်ယောင် ကိုးဆယ်ယောင်စိန်မင်းသား ကြီးဖြစ် နေသည်။ ထိုမျှသာမဟုတ် သန်းဝေ သည် အိမ်ထောင်ပျက်သွား၍ စိတ် ညစ်ခြင်းကို အကြောင်းပြကာ ယမ ကာမှီဝဲရာက အရက်စွဲပြီး ယစ်ထုပ် ကြီး လုံးလုံးဘဝရောက်နေသည်။ ကျွန်တော်ကကော ..ဘာထူးသေး သနည်း။ ‘ဈာန်'(အရက်)ဝင်မှ Óဏ် ရွှင်သည်ဟုဆိုကာ စာရေးရင်း သေ ရည်မော့၊ သေရည်မော့ရင်း စာရေး ရာက ‘စာသမားတစ်ပိုင်း ယမကာ လုလင်တစ်ပိုင်း’ ဖြစ်နေသည်။ ဝန်ခံ ရလျှင် ကျွန်တော်သည် စာရေးဆရာ မဖြစ်ခင် ယစ်ထုပ်ဖြစ်နေခဲ့ပါသည်။
ထိုခေတ်က ‘စာအုပ်အငှားဆိုင်’ ခေတ်ကောင်းနေရာ သန်းဝေသည် ထွက်သမျှ လစဉ်ထုတ်မဂ္ဂဇင်းများကို တစ်အုပ်မကျန် ငှားဖတ်ပြီး အားအား ရှိ သေရည်ဆိုင်နှင့် လက်ဖက်ရည် ဆိုင်မှာ အချိန်ဖြုန်းနေသည်။ မဂ္ဂဇင်း တွေကို လျှောက်ဖတ်ပြီး အရက်တန် ခိုးနှင့် အာဝဇ္ဇန်းရွှင်ကာ စာကြောင်း ပေကြောင်းတွေကို အာပေါင်အာ ရင်းသန်သန်ကြွားလုံးထုတ်လျက်ရှိ သည်။ ကျွန်တော်သည် စာတစ်လုံးမှ မရေးဘဲ စာပေစကားတွေ ဖြီးဖြန်း နေသော သန်းဝေကို တွေ့ရ၊ သူ့အ သံကို ကြားရလျှင် အကုသိုလ်စိတ် ပွားလာသဖြင့် သူရှိရာ အရက်ဆိုင် တွေ လက်ဖက်ရည်ဆိုင်တွေကို ဝေး ဝေးက ရှောင်ပါသည်။ မရှောင်သာ ဘဲ မျက်နှာချင်းဆိုင်တွေ့လျှင်တော့ လက်ထဲမှာ အမြဲတမ်းစာအုပ်တစ် အုပ်ကိုင်ထားသော သန်းဝေကို ..
“ဟေ့ သန်းဝေ။ စာအုပ်စာပေ တို့ မိတ်ဆွေလုပ်လှချည်လား”ဟု ရိ တိတိနှုတ်ဆက်တတ်သည်။
“ဟေ့ကောင်၊ ငါ့ကို သန်းဝေလို့ မခေါ်နဲ့။ ငါ့နာမည်သန်းဝေထူး။ ကဗျာဆရာ သန်းဝေထူး။ မော်ဒန် ကဗျာဆရာ သန်းဝေထူး”
စာကြမ်းပိုးက လေလုံးထွား၊ လေသံမာနေတော့ ကျွန်တော်ရယ် လည်း ရယ်ချင် စိတ်ထဲကလည်း မခံ ချင်ဖြစ်မိသည်။
“ဟာ၊ မင်းဘယ်တုန်းကများ မော်ဒန်ကဗျာဆရာသန်းဝေထူးဖြစ် သွားတာတုံး။ သန်းဝေထူးဆိုတဲ့ ကဗျာဆရာနာမည်ကို မဂ္ဂဇင်းတွေထဲ မှာလည်း ငါမမြင်မိပါလားကွာ .. . “
“မဂ္ဂဇင်းမှာပါမှ ကဗျာဆရာ လားကွ။ ရတုဘုရင် နတ်သျှင်နောင် ဟာ မဂ္ဂဇင်းမှာ ပါဖူးလို့လား ဟင် …
သည်ကောင်က မဖူးတဖူးနှင့် ရမ်းတမ်းတမ်းပြောတော့ ကျွန်တော် က အလျှော့ပေးပြီးနောက်ဆုတ် သည်။ စာရူးပေရူးတစ်ယောက် အရက်မူးလျှင် စာသမားအစစ်တွေ စိတ်ဆင်းရဲရပြီသာမှတ်။
“နောက်ကို ငါ့ကို သန်းဝေထူး လို့ခေါ်ပါ။ မော်ဒန်ကဗျာဆရာ သန်း ဝေထူးဆိုတာလည်း မှတ်ထားလိုက် ပါ”ဟု သည်ကောင်က အော်ကြီးဟစ် ကျယ်လှမ်းပြောလိုက်သေးသည်။
အရင်းနှီးအခင်မင်ဆုံး ဝါသနာ တူ သူငယ်ချင်း ရေအေး (နောင်သော် ကဗျာဆရာ၊ ဗီဒီယိုရုပ်ရှင်ဇာတ် ညွှန်းရေးဆရာ ရေသီတာဧ)နှင့် တွေ့သည့်အခါ ကျွန်တော်ကသတင်း ပေးလိုက်သည်။
“ဟို ငနဲတော့ ရူးသွားပြီကွ။ သူ့နာမည် သန်းဝေမဟုတ်တော့ဘူး တဲ့။ သန်းဝေထူးတဲ့။ မော်ဒန်ကဗျာ ဆရာ သန်းဝေထူးတဲ့”
“အလကား အရက်ကြောင် ကြောင်နေတာပါကွာ “
ရေအေးက မူးတူးတူး မင်တင် တင်နှင့် မှတ်ချက်ချသည်။ ထိုစဉ်က ကျွန်တော် ရေအေးနှင့် သန်းဝေတို့ မှာ တူတာတစ်ခုတော့ ရှိသည်။ သေ ရည်ကြိုက်တဲ့ ငမိုက်သားတွေ ဖြစ်နေ ကြခြင်းပင်။ ကျွန်တော်က သန်းဝေ တစ်ယောက် ‘ဝ’မရှိဘဲ ‘ဝိ’လုပ်နေ ခြင်းကို ဘာမှမပြောသော်လည်း ရေ အေးက သန်းဝေကို ကြည့်မရ။
“အဲ့ကောင် လူကြီးသားသမီး လုပ်နေပြီး ကာရိုက်တာမကောင်း ဘူး။ ရပ်ကွက်ထဲက စာပေဝါသနာ ပါတဲ့ လူငယ်တွေကို ခပ်တည်တည် နဲ့ ညာစားနေတယ်။ မဂ္ဂဇင်းတွေမှာ ကဗျာပါအောင် ထည့်ပေးမယ်ဆို ပြီး ကဗျာစာမူတွေ တောင်းတယ်။ စာ မူသွားပို့ပေးမယ်ဆိုပြီး ဘတ်စကားခ နဲ့ ထမင်းဖိုးတောင်းတယ်။ အယ်ဒီ တာတွေကို လက်ဖက်ရည်တိုက်ရ မယ်ဆိုပြီး ချာတိတ်တွေဆီက လက် ဖက်ရည်ဖိုးပါတောင်းတယ်။ ပြီး တော့ ဘတ်စကားခိုးစီးပြီး ရန်ကုန် ထဲကို သွားတယ်။ ရန်ကုန်က အယ် ဒီတာတွေ၊ ကဗျာဆရာတွေက ဒီ ကောင်မြို့ပြင်ကတောင် လာရတယ် ဆိုပြီး သနားတာနဲ့ လက်ဖက်ရည် တိုက်ကြတယ်။ သူသယ်လာတဲ့ကဗျာ စာမူတွေကိုလည်း အားနာပါးနာနဲ့ ယူထားလိုက်ကြတယ်။ ဒီကောင့်ကို ဆုံးမမှ ဖြစ်တော့မယ်”
ဤသို့ဖြင့် တစ်နေ့တွင် အရက် သောက်ထားကြပြီး သွေးကြွနေကြ သည့် ကျွန်တော်နှင့် ရေအေးတို့ သည် မူးကြောင်ရူးကြောင်ဖြစ်နေ သော သန်းဝေနှင့် လမ်းထိပ်မှာ ထိပ် တိုက်တိုးကြသည်။
“ကလေးတွေကို ညာစားပြီး ကလေးတွေပေးတဲ့ ပိုက်ဆံနဲ့ အရက် သောက်ပစ်နေတဲ့ ကလိန်ကကျစ် သန်းဝေ”ဟု ရေအေးက ရန်စ စကား ပြောရာက ထိုးလုလုကြိတ်လုလုဖြစ် နေကြသည့် ကျွန်တော်တို့ သုံး ယောက်မှာ အနီးရှိ အရပ်ဝတ်နယ် ထိန်းရဲတွေကို သတိမပြုမိခဲ့ကြပါ။
သုံးယောက်စလုံး ရဲစခန်း ရောက်သွားကြသည်။ ကျွန်တော်နှင့် ရေအေးမှာ ရဲစခန်းနှင့်မစိမ်း။ မော် ဒန်ကဗျာဆရာ သန်းဝေထူးဆိုသော စာရူးကတော့ မျက်နှာကလေး ဆီး ရွက်လောက်သာရှိတော့သည်။ ရဲ အရာရှိက အလုပ်အကိုင်များကို မေး သောအခါ ကျွန်တော်က ‘စာရေး ဆရာ’ဟု ဖြေပြီး ရေအေးက ‘ကဗျာ ဆရာ’ဟုဖြေသည်။ သန်းဝေအလှည့် ရောက်တော့ သည်ကောင်သွေးရူး သွေးတန်းနှင့်ဖြေချလိုက်သည်။
“ကျ …ကျ…ကျွန်တော် က …ကဗျာကုန်သည် …”
“တောက်တီးတောက်တဲ့ ကဗျာ ကုန်သည်တဲ့ကွာ”ဟုဆိုကာ ရဲအရာ ရှိသည် မျက်ရည်ထွက်အောင် ရယ် မောပါတော့သတည်း။ ။
ကြူးနှစ်
