မင်းသားတော့မင်းသား

ပြီးခဲ့သည့် ဇွန်လ ၂၉ ရက်နေ့က ရုပ်ရှင်သရုပ်ဆောင် နေတိုးသည် ဒဂုံ မြို့သစ်မြောက်ပိုင်း တော်ဝင်အိမ်ရာ၊ (၄၁) တိုးချဲ့ရပ်ကွက်၊ မြတ်လေးလမ်း တွင် (ကျပ် ”သိန်းပေါင်းတစ်သောင်း” အကုန်အကျခံကာ)Story Book Movie Studio ရုပ်ရုင်စတူဒီယိုကြီး တစ်ခု ဖွင့်လှစ်လိုက်သော သတင်းကို ဖတ်ရှုလိုက်ရသည်။ ”ကောင်းပေစွ” ဟု စိတ်မှ ရေရွတ်မိပါ၏။

Story Book ဆိုသောအမည် ကိုဘဝင်မကျသော်လည်း သူ့အဓိပ္ပာယ် နှင့် သူတော့ရှိသည် ထင်ပါ၏။ ကြားဖူးနားဝ ရှိနေမည့် စကားလုံးက Story Book ဖြစ်ပါ၏။ ရုပ်ရှင် ဇာတ်လမ်း၊ ကြော်ငြာများ ရိုက်ကူး ရာတွင် ရုပ်ပုံအနေအထားပြ စာရွက် ပေါ်တွင် ဆွဲထားသော အရုပ်များကို ခေါ်ဝေါ်ခြင်း ဖြစ်သည်။ သူ၏ Story Book က ကလေးများအတွက် ”ဇာတ်လမ်း ရုပ်ပြစာအုပ်”ဟု ခေါ် ဆိုရမည် ထင်၏။ သူ့အဓိပ္ပာယ်နှင့် သူတော့ ရှိပေလိမ့်မည်။

”နှင်းဆီပန်း” ကို မည်သို့ပင် ခေါ်ဆိုစေကာမူ အမွှေးနံ့သည် ရှိစမြဲ ဆိုသည့်ပမာ ရုပ်ရှင်စတူဒီယို၏ အမည်ကို မည်သည့်အမည်ကိုပဲ ပေး စေကာမူ ရုပ်ရှင်လောကအတွက် တော့ အကျိုးရှိစေမည်ဟု ယုံကြည်မိ ပါ၏။ သရုပ်ဆောင်နေတိုးကိုယ်တိုင် ၌ကလည်း ရုပ်ရှင်လောကအတွက် အကျိုးရှိနိုင်လိမ့်မည်ဟူသော ယုံ ကြည်ချက်ဖြင့် ဤစတူဒီယိုကို တည် ဆောက်လိုက်ခြင်း ဖြစ်ပေလိမ့်မည်။ သူ့အနေဖြင့် စီးပွားရေးသက်သက် လုပ်မည်ဆိုလျှင် မိန်းမကြိုက်အလှ ကုန်လုပ်ငန်း၊ အဝတ်အထည်၊ လူသုံး ကုန်ပစ္စည်းစသည်တို့တွင် သူ့အမည် သုံး၍ အရင်းအနှီးပြုနိုင်ပါသည်။ အနုပညာရှင်တစ်ဦးအနေနှင့် သည့် ထက်ဆိုးဝါးစွာ စီးပွားရှာဦးမည် ဆို ပါက ကာရာအိုကေဆိုင်တွေ၊ ဘီယာ ဆိုင်တွေ ထောင်ကာ အိုစာမင်းစာ စီးပွားရှာနိုင်ပါလိမ့်မည်။ သို့သော် သူသည် သူ့ကို ကျွေးမွေးခဲ့သော ရုပ် ရှင်လောက အကျိုးကို ငဲ့ကြည့်ပုံရ ၏။ သူစုဆောင်းရရှိထားသော ငွေ အရင်းအနှီးကို ရုပ်ရှင်လောကအကျိုး ငှာ သုံးစွဲလိုက်လေသည်။ ကောင်း လေစွ ကောင်းလေစွ။

သရုပ်ဆောင် နေတိုးကို အ ကြောင်းပြု၍ ယခင် ခေတ်အဆက် ဆက် သရုပ်ဆောင်ကြီးများ၏ ရုပ် ရှင်လောကအပေါ် ပြန်လည်လုပ် ကျွေးသမှု ပြုကြသည်များကို ပြန်စဉ်း စားကြည့်မိသည်။ တကယ်တော့ သရုပ်ဆောင်နေတိုးကဲ့သို့ မကြာသေး မီအချိန်ကပင်လျှင် ရုပ်ရှင်အပေါ် ကျေးဇူးသိတတ်ခဲ့သူ သရုပ်ဆောင် တစ်ဦးရှိခဲ့ဖူးပါ၏။ အခြားသူမဟုတ်။ သရုပ်ဆောင် လွင်မိုးဖြစ်ပါ၏။ လွင် မိုးသည် လွန်ခဲ့သော ၁ဝ နှစ်ကျော် ခန့်က ရုပ်ရှင်လောကအတွက် အ လွန်တန်ဖိုးကြီးလှသော ခေတ်မီ ရုပ် ရှင်ကင်မရာ (Arriflex BL3) ကို ဝယ်ယူထူထောင်ခဲ့ဖူးသည်။ အစစ ခေတ်နောက်ကျနေသော မြန်မာ့ရုပ် ရှင် စက်မှုပိုင်းဆိုင်ရာကို သတ္တိ ကောင်းကောင်းဖြင့် ခေတ်မီ ကင် မရာတစ်လုံးကို ဝယ်ယူပြီး မြန်မာ့ရုပ် ရှင်လောကကို အင်အား ဖြည့်တင်း ပေးခဲ့ဖူးသည်။ ကံဆိုးချင်တော့ဖလင် ခေတ် ကုန်ဆုံးပြီး ဒီဂျစ်တယ်ခေတ် သို့ ပြောင်းလာသည်။ သူ့ကင်မရာ ကြီးမှာ အသုံးပြု၍ မရတော့။ သူ သည် လက်မလျှော့သေး။ ရုပ်ရှင်ရုံ ၁ဝဝ စီမံကိန်းဖြင့် ရုပ်ရှင်ရုံ ၁ဝဝ ဆောက်လုပ်ရန် ကြိုးစားနေသည်။ ဝိုင်းဝန်းအားပေးဖို့ ကောင်းပါ၏။

ရုပ်ရှင်အပေါ် ကျေးဇူးသိတတ် ပြီး ရုပ်ရှင်လောကကို ပံ့ပိုးပေးသော ရုပ်ရှင်သရုပ်ဆောင်ဆိုသည်က ခပ် ရှားရှား ဖြစ်လေသည်။ ရုပ်ရှင်လော က သာယာလျှင် ပူးပေါင်း၍ ရုပ်ရှင် လောက ဖွံ့ဖြိုးနေလျှင် စားသောက် သွားမည့် ”သာပေါင်းညာစား” ရုပ် ရှင်သမားအမည်ခံ ထုတ်လုပ်သူတွေ၊ ပညာရှင်အမည်ခံသူတွေ များစွာ တွေ့ခဲ့ဖူးသည်။ ရုပ်ရှင်လောကကို ဖက်တွယ်၍ သေအတူ ရှင်မကွာနေ ချင်သူက အလွန် နည်းပါးလှသည်။ အထူးသဖြင့် ရုပ်ရှင်နှင့် စီးပွားဖြစ်သူ တော်တော်များများ ငွေထုပ်ကို ပိုက် ကာ ရုပ်ရှင်လောကကို ကျောခိုင်း သွားတတ်ကြသည်။ ရုပ်ရှင်လောက အကျိုးငှာ မည်သို့ ပံ့ပိုးပေးလျှင် ကောင်းမည်နည်းဟု မစဉ်းစား။လှည့်၍ပင် မကြည့်ကြ။ တစ်ခါတစ် ခါ ရုပ်ရှင်လောကသားများကိုပင် မ ကောင်း ပြောတတ်ကြသေး၏။ ခက် ရချည့်။

ရုပ်ရှင်သရုပ်ဆောင်များသည် ဝင်ငွေအကောင်းဆုံး လူတန်းစားဖြစ် ခဲ့ကြသည်။ သူတို့ထဲက ကြီးပွားသူ များပြားသည်။ သို့သော် ရုပ်ရှင်လော က အတွက် ပြန်လည်ပံ့ပိုးမှု သိပ်မရှိ လှ။ မြန်မာ့ရုပ်ရှင်ပထမဆုံး သရုပ် ဆောင် မောင်ညီပုကတော့ မြန်မာ့ ရုပ်ရှင်လောကကြီး တိုးတက်ရေး အ တွက် ‘တောမြိုင်စွန်းက လွမ်းအောင် ဖန်’ ဆိုသော ရုပ်ရှင်ကားကို တကယ့် ပြင်ပရှုခင်းများတွင် ငွေကုန်ကြေးကျ ခံကာ ရိုက်ကူးခဲ့ကြောင်း၊ မေမြို့ ရေ တံခွန်ကြီးများကြားတွင် ခက်ခက်ခဲခဲ စွန့်စွန့်စားစားရိုက်ခဲ့ရပုံ၊ ဥစ္စာစောင့် မလေး ရေတံခွန်ထဲတွင် ပေါ်လိုက် ပျောက်လိုက်ဖြစ်ပုံကို Cut Tricks နည်းကိုသုံးကာ ဒီဗရေး (Debrie Camera) ကင်မရာဖြင့် ရိုက်ခဲ့ရပုံ၊ ရန်ကုန်မြို့ ကြည့်မြင်တိုင် ယခု အရိုး ဆေးရုံကြီး နေရာတွင် မြန်မာအဆွေ အေဝမ်းမှ ရုပ်ရှင်စတူဒီယိုဆောက် လုပ်ခဲ့ကြပုံများကို ပြောပြခဲ့ဖူးသည်။ အေဝမ်း ရုပ်ရှင်ကုမ္ပဏီသည်လည်း ကောင်း၊ ဗြိတိသျှဘားမား ရုပ်ရှင် ကုမ္ပဏီသည်လည်းကောင်း၊ ရန်ကုန် ရုပ်ရှင်၊ ပဲရော့ရုပ်ရှင်၊ ဆွေဗမာ ရုပ် ရှင်၊ မဟာဝိဇ္ဇာဓိုရ်၊ အမျိုးသားရုပ် ရှင်၊ အောင်ရုပ်ရှင်အစရှိသည်ဖြင့် ရုပ်ရှင်ကုမ္ပဏီကြီးများသည် ကိုယ်ပိုင် စက်အဖွဲ့၊ ကိုယ်ပိုင် ရုပ်ရှင်ခြံ၊ ကိုယ် ပိုင် ရုပ်ရှင်စတူဒီယိုကြီးများဖြင့် မြန် မာ့ရုပ်ရှင်ကို ဖွံ့ဖြိုးတိုးတက်လာ အောင် အသီးသီး ကြံဆောင်လာခဲ့ ကြသည်။ အသံတိတ်မှသည် အသံ ထွက် ရုပ်ရှင်ဖြစ်အောင်၊ ဆေးရောင် စုံဖြစ်အောင်၊ မြင်ကွင်းကျယ် ဖြစ် အောင် ကြိုးပမ်းခဲ့ကြသည်။ ကိုယ် ထူကိုယ်ထ ကြိုးစားခဲ့ကြခြင်းများ ဖြစ်သည်။

ရုပ်ရှင်သရုပ်ဆောင်များထဲမှ ရုပ်ရှင်မင်းသားကဲ့သို့ စတိုင်နှင့် မနေ ဘဲ ရုပ်ရှင်လောက အကျိုးဖွံ့ဖြိုး အောင် ထူးထူးခြားခြား ကြံဆောင် သည့် ရုပ်ရှင်သရုပ်ဆောင်များထဲတွင် ရာဇဝင်မင်းသား ခင်မောင်ညွန့်၊ မင်္ဂလာညွန့် ရုပ်ရှင်ကုမ္ပဏီမှ (ငဘ ရုပ်ရှင်မင်းသား) အေဝမ်းညွန့်မောင် တို့ကိုလည်း မှတ်တမ်းတင် ရမည် ဖြစ်လေသည်။ ရာဇဝင်မင်းသား ခင် မောင်ညွန့်သည် အလောင်းတော်ရာမ ကဲ့သို့သော ဆေးရောင်စုံ ရုပ်ရှင် ကားကြီးကို ဂျပန်နိုင်ငံအထိ သွား ရောက် ရိုက်ကူးကာ မြန်မာ့ရုပ်ရှင် လောကကို ရုပ်ရှင်ပညာများ တိုးပွား စေခဲ့သလို အေဝမ်းညွန့်မောင်သည် လည်း မြင်ကွင်းကျယ် ရုပ်ရှင်တီထွင်မှု များ ပြုလုပ်ခဲ့သည်။ စက်မှု ဝါသနာ ပါသော စတန့်မင်းသား ကျော်မိုးကို လည်း သူနှင့်အတူ မြန်မာ့ရုပ်ရှင် လောက အဆင့်မြင့်မားလာရေး အ တွက် စည်းရုံးကာ နှစ်ယောက်သား ကြိုးစားခဲ့ကြသည်။

မြန်မာ့ရုပ်ရှင်လောက ခေတ်မီ အောင် ကြံဆောင်ခဲ့သည့် ရုပ်ရှင် သရုပ်ဆောင်များထဲတွင် မင်းသား ကျော်ဆွေသည်လည်း တစ်ဦး အပါ အဝင် ဖြစ်ခဲ့သည်။ ရုပ်ရှင်ကင်မရာ အမြင်၊ မြင်ကွင်းကျယ်၊ ယမ်းဖောက်ခွဲ မှု အစရှိသော ရုပ်ရှင်နှင့် ပတ်သက် သော ပညာများကို (မိမိစရိတ်ဖြင့် မိမိ) ဂျပန်ပြည်တွင် သွားရောက်လေ့ လာပြီး မြန်မာ့ရုပ်ရှင်လောကအတွက် ထူးထူးခြားခြား အမြင်ဆန်း အသွင် သစ်၍ ခေတ်မီသော ရုပ်ရှင်ကား များကို ဖန်တီးပေးခဲ့သူ ဖြစ်လေ သည်။ (ပုလဲမျက်ရည်၊ ဒဏ်၊ မြတ် နိုးသူ၊ တခြားကမ္ဘာက ချစ်သူ)

အထက်ဖော်ပြပါ ရုပ်ရှင်သရုပ် ဆောင်များသည် ရုပ်ရှင်လောက၏ လိုအပ်မှုကို မည်သူကမှ ခိုင်းစေခြင်း မဟုတ်ဘဲ မိမိတို့ စိတ်စေတနာ အ လျှောက် လုပ်ဆောင်ခဲ့ကြသူများ ဖြစ်ကြသည်။ ပရိသတ်နှင့် ရုပ်ရှင် လောက အကျိုးအတွက် ဘာဆု လာဘ်၊ ဘာဂုဏ်ထူးကိုမှ မမျှော်မှန်း ဘဲ စေတနာသန့်သန့် ဝါသနာပြင်း ပြင်းဖြင့် ဆောင်ရွက်ခဲ့ကြသူများ ဖြစ်ကြလေသည်။ နိုင်ငံတော်အစိုးရ အဆက်ဆက်ကလည်း ¤င်းတို့၏ ကြိုးပမ်းမှုအတွက် မည်သည့် အ ထောက်အကူမှ ပေးခဲ့ခြင်းမရှိပါချေ။ ဥစ္စာရင်လို ဥစ္စာရင်ခဲဆိုသည့် စကား နှင့်အညီ ကိုယ့်ရုပ်ရှင်လောက အ တွက် ကိုယ့်စေတနာနှင့် ကိုယ်ဖန်တီး ခဲ့ကြသူများသာ ဖြစ်ကြသည်။

ယခု သရုပ်ဆောင်လွင်မိုးတို့ သရုပ်ဆောင် နေတိုးတို့သည်လည်း မိမိစေတနာအလျောက် မိမိ ရုပ်ရှင် လောကအတွက် ဆောင်ရွက်နေကြ သည်ဟု မြင်မိပါ၏။ သူတို့သည် မရောင်ရာ ဆီလူးနေခြင်း မဟုတ်၊ အပိုသက်သက် နှမ်းဖြူးနေကြခြင်း မဟုတ်၊ ကိုယ့်ရုပ်ရှင်လောက ဖွံ့ဖြိုး တိုးတက်စေခြင်း အလို့ငှာ ကိုယ် တတ်နိုင်သလောက် စွမ်းအားနှင့် စေတနာသက်သက် ဆောင်ရွက်နေ ကြခြင်း ဖြစ်လေသည်။

ယခုဖော်ပြခဲ့သော သရုပ် ဆောင်များ နည်းတူ မြန်မာ့ရုပ်ရှင် လောကကြီး ဖွံ့ဖြိုးတိုးတက်ရေး အတွက် စွမ်းဆောင်ခဲ့သည့် သရုပ် ဆောင်များ ဖော်ပြရန် ကျန်ရှိနေခဲ့ပါ လျှင် တောင်းပန်အပ်ပါ၏။ ထိုသူ များကဲ့သို့ပင် (သရုပ်ဆောင်မို့ အနေ သာချည်း ဖြစ်ပါလျက်) ကိုယ့်လောက အတွက် ကွက်လပ်ဖြည့်ပေးသူ သရုပ် ဆောင်များကို ဤစာစုဖြင့် ဂုဏ်ပြု အပ်ပါသည်။ လက်ရှိလုပ်ကိုင်နေကြ သော လွင်မိုးတို့၊ နေတိုးတို့၏ လုပ် ငန်းများလည်း ဖွံ့ဖြိုးပါစေကြောင်း ဆန္ဒပြုအပ်ပါ၏။ သို့သော် …

ဒါရိုက်တာကြည်စိုးထွန်း