လင်းလင်းက ဇနီးဖြစ်သူ ချစ်သုဝေရဲ့ မွေးနေ့မှာ မွေးနေ့လက်ဆောင် အဖြစ် စန္ဒရားအဖြူရောင်လေး ပေးခဲ့ပါတယ်။ သမီးလေးတွေနဲ့အတူ စန္ဒရား တီးချင်တယ်ဆိုတဲ့ ဇနီးဖြစ်သူရဲ့စကားကို မှတ်သားထားခဲ့ပြီး မွေးနေ့ လက်ဆောင်အဖြစ် ပေးခဲ့တာလို့ လင်းလင်းက ဆိုပါတယ်။ ဇနီးဖြစ်သူအတွက် မွေးနေ့ဆုတောင်းအနေနဲ့ လင်းလင်းက …
“သူက သမီးတွေနဲ့ ပတ်သက် ရင် တအားတာဝန်ကျေတဲ့ မိခင်၊ ဒီထဲ မှာပဲ စိတ်နှစ်ပြီးတော့ ရှိသမျှအလုပ်တွေတောင် မလုပ်ဘဲနဲ့ ဖျက်ပြီးတော့ သမီးတွေနဲ့ ဘဝကို နှစ်ထားတာဆိုတော့ မွေးနေ့ ဆုတောင်းကို သူနဲ့ သူ့သမီး တွေနဲ့ပဲတွဲပြီး ဆုတောင်းပေးချင်တယ်။ သမီးနှစ်ယောက်နဲ့ သူနဲ့ ဖြစ်ချင်တာတွေ လုပ်ချင်တာတွေ မှန်သမျှအားလုံး ဖြစ်ပါစေ၊ အဆင်ပြေပါစေ၊ အောင်မြင်ပါစေ လို့ပဲ ဆုတောင်းပေးချင်တယ်” လို့ ပြောပါတယ်။ လင်းလင်းက ဗုဒ္ဓဘာသာကို ကိုးကွယ်ပြီး ချစ်သုဝေက ခရစ်ယာန်ဘာသာကို ကိုးကွယ်တာဖြစ်တာကြောင့် ဘာသာ မတူပေမယ့်လည်း နားလည်မှု အပြည့်ရှိတဲ့ ဇနီးမောင်နှံလို့ ဆိုရမှာပါ။ သမီးလေးနှစ်ယောက်ကို ဘယ်ဘာသာဝင် ဖြစ်စေချင်လဲဆိုတာကိုတော့ လင်းလင်းက…
“ကျွန်တော်က ဖီးလ်ဖြစ်တယ်။ အယူဝါဒခံစားမှုတွေနဲ့ ပတ်သက်ရင် ကိုယ့်ကိုယ်ကိုယ်က အစ လွတ်လွတ်လပ်လပ်ပဲ ထားတယ်။ ကိုယ်ကိုယ်တိုင် လည်း ၂၀ဝ၇၊ ၂၀ဝ၈ ဝန်းကျင်မှာ ဘာသာမဲ့တစ်ယောက်ဖြစ်ဖူးတယ်။ ကိုယ့်ဘာသာကိုယ်ခံစားမှုတွေ များပြီးတော့ အယူဝါဒတစ်ခုပေါ်မှာ သံသယ တွေပွားခဲ့တယ်။ ရွှေဝါရောင် အရေးအခင်းအပြီးမှာပေါ့။ အဲဒါနဲ့ ပတ်သက်ရင် သူများကို ဘယ်လိုဆိုပြီး တစ်ခုခုပြောဖို့ နေနေသာသာ ကိုယ့်ကိုယ်ကိုယ်တောင် တော်တော် ပြင်ဆင်နေရတုန်းပဲ။ ဟိုးတလောက ဘုန်းကြီးဝတ်တယ်။ ဖား အောက်တောရမှာ ဝတ်ချင်တယ်ဆိုပြီး သွားဝတ်တယ်။ ကိုယ့်ကိုယ်ကိုယ်တောင် ပြောရရင် တစ်သက်လုံး တောင် ပြင်ဖို့ဆင်ဖို့ ပြီးဖို့ မလွယ်ဘူး။ ကိုယ့်သားသမီး ကိုပဲဖြစ်ဖြစ် မိန်းမကိုပဲ ဖြစ် ဖြစ်၊ တခြားသူတစ်ယောက် ကိုပဲ ဖြစ်ဖြစ် သွားပြီးတော့ ဝေဖန်ပိုင်းခြား ဆုံးဖြတ်တာ မျိုး မပြောနိုင်ဘူးထင်တယ်။ လူတစ်ဦးတစ်ယောက်က သူ့ အယူဝါဒ၊ သူ့ဘာသာတစ်ခုနဲ့ တောင်မှ ပြီးပြည့်စုံဖို့မပြောနဲ့ အဆင်သင့်ဖြစ်ဖို့ တစ်သက် လုံး ပြင်ဆင်နေရတာမျိုး၊ ကြိုက်တာလုပ်ပါလေ့စေ” လို့ ပြောပါတယ်။ လင်းလင်းက သူ့အနေနဲ့ သမီးလေးတွေက ယုံကြည်အားကိုးပြီး ဆိုးတိုင် ပင်ကောင်းတိုင်ပင် ပြုလုပ် နိုင်တဲ့ ဖခင်မျိုးပဲဖြစ်ချင်တယ် လို့ ဆိုပါတယ်။
ခိုင်ဝေလွင်
ဓာတ်ပုံ- အောင်ဇော်မင်း
