ကျွန်တော်တို့ မြန်မာ့လူ့ဘောင် အဖွဲ့အစည်းအနေနဲ့ ဘာဝါဒ ညာဝါဒ မစဉ်းစားမိခင် ဟိုစနစ် ဒီ စနစ် မသိရှိသေးခင် နိုင်ငံရေးဆိုတာ ကို မိသားစုအရေးဖြစ်တဲ့ အိမ်တွင်းမှု နိုင်ငံရေးလုပ်ကာ စတင်လိုက်ကြပါစို့ လား။ အိမ်တွင်းမှုနိုင်ငံရေးဆိုတာ ကိုယ့်မိသားစု အရေး နေရေးထိုင်ရေး၊ စားရေးသောက်ရေးဆိုတဲ့ ဘဝ ရပ် တည်မှုအခြေအနေခိုင်မာပြီး တည် ငြိမ်အေးချမ်းရေးအတွက် တာဝန်ယူ လုပ်ကိုင်ခြင်းပဲဖြစ်ပါတယ်။ ကိုယ့် မိသားစုအရေးဆိုရာမှာဘက်တစ် ဘက်တည်း ကြည့်တတ်တဲ့ အတ္တဆန် စွာ ကိုယ့်မိသားစုအကျိုး စီးပွားတွန်း ထိုး ရှေ့တန်းတင်ခြင်းမျိုး မဟုတ်ရပါ ဘူး။ ရပ်ကျိုးရွာကျိုး သယ်ပိုးစိတ်ရော အိမ်နီးနားချင်းမိတ်ဆွေနဲ့ ဆွေမျိုး သားချင်းများပါ တတ်နိုင်သမျှ ဖြည့် ဆည်းကူညီဖေးမပေးလို စိတ်လည်း မိမိတို့ စိတ်သန္တာန်ထဲမှာ သန္ဓေတည် ကိန်းအောင်းနေရပါမယ်။
လုပ်စရာအလုပ်အကိုင်မရှိဘူးဆိုတဲ့စိတ်၊ ရေသာခိုစိတ်၊ မှီခိုနေထိုင် လို စိတ်၊ အချောင်သမား စိတ်၊ မကောင်းမှုလုပ်ရပ် အားပြုတဲ့စိတ် မိုက်စိတ်ရိုင်း မကောင်းစိတ်၊ အကျင့် ယုတ်စိတ် စတာတွေကို လူတိုင်း ကိုယ်စီ မထားကြ မမွေးဖွားကြစေချင် ပါတယ်။ ဒါမှလည်း အိမ်တွင်းမှု နိုင်ငံရေးကို အခြေခံက အစပြုကာ အားကောင်းဖြစ်တည်ရှိလာစေမှာ ဖြစ်သလို လူ့ဘောင်အဖွဲ့အစည်း အတွင်းမှာလည်း စွန့်စားလို စိတ် အမှန်တရားမြင်တတ် ချစ်တတ်စိတ် နဲ့ ဘဝတန်ဖိုးမြှင့်တင်ပေးလိုစိတ်၊ တန်ဖိုးထားတတ်စိတ်တို့ ဖွံ့ဖြိုးထွန်း ကားလာကာ ဥာဏ်ပညာ အသုံးချရာ ယဉ်ကျေးတဲ့လူ့ဘောင်အဖွဲ့အစည်းအဖြစ် တည်ရှိလာစေမှာဖြစ်ပါတယ်။
အိမ်တွင်းမှုနိုင်ငံရေးရဲ့ အနှစ် သာရကတော့ လူတိုင်းကိုယ်စီအနေ နဲ့ တာဝန်ယူစိတ်၊ တာဝန်သိစိတ်ရှိကြ ခြင်းပဲ ဖြစ်ပါတယ်။ တာဝန်ယူစိတ် တာဝန်သိစိတ်ဆိုတာ မိဘတိုင်းရော သားသမီးတိုင်းပါ လူမှုဘဝ အခြေခံ ကျကျ လိုက်နာပြုကျင့်ကြရမယ့်အရာ တွေလို့ မှတ်ယူထားရပါ့မယ်။ မိဘ တိုင်းအနေနဲ့ မိမိသားသမီးတို့ လူမှု ဘဝကို ပစ္စုပ္ပန် ကာလအတွက်ရော အနာဂတ်ကာလအတွက်ပါ လူသား တို့ ပကတိလူမှုတာဝန်ကျေပွန်စွာ ပြု စုပျိုးထောင်ပေးကြရမှာဖြစ်ပါတယ်။ ဒီလိုပြုလုပ်ကြတဲ့အခါ မိဘတိုင်း အနေနဲ့ ပြင်းထန်တဲ့စေခိုင်းတိုက် တွန်းမှု၊ ဖိနှိပ်ချုပ်ချယ်တင်းကျပ်မှု၊ ရိုက်နှက်ဆုံးမမှုစတဲ့ ရုပ်ပိုင်းဆိုင်ရာစိတ်ပိုင်းစေရာ ထိခိုက်နာကျင်စေ မယ့် အပြုအမူတွေ လုပ်ရပ်တွေ ရှောင်ရှားကြရပါမယ်။ ဒီနေရာမှာ တချို့ဆင်းရဲနွမ်းပါးကြသူများနဲ့ ချမ်းသာ ကြွယ်ဝသူများဆိုပြီးတော့ လူ တန်းစားအလွှာနှစ်ခုအဖြစ် လူမှုဘဝ အနေအထားကွာခြားမှုရှိနေပေမယ့်အိမ်တွင်းမှုနိုင်ငံရေးလုပ်ဆောင်မှုမှာ ခြားနားကွာခြားမှုမရှိပါဘူး။
ဆင်းရဲနွမ်းပါးသူများကလည်း ပစ္စည်းဥစ္စာ မပြည့်စုံပေမယ့် အနေဆင်းရဲအစား အသောက်ဆင်းရဲကြပေမယ့် စိတ် ဓာတ် မဆင်းရဲ အသိဥာဏ် မဆင်းရဲ ကြဖို့က အိမ်တွင်းမှုနိုင်ငံရေးရဲ့ အဓိ ကလိုအပ်မှုသော့ချက်ပဲဖြစ်ပါတယ်။ ဆင်းရဲတွင်းနက်ကြတဲ့ အခြေခံ လူ တန်းစားအလွှာအတွင်းမှာ အကျင့် ပျက်၊ အကျင့်ဆိုး၊ မကောင်းမှုဒုစရိုက် အပြုအမူလုပ်ရပ်တွေဟာ အချိန် မရွေးဖြစ်တည်ရှိစေပြီး ဘေးထွက်ဆိုး ကျိုးဖြစ်စေပါတယ်။ ဒါကြောင့်မို့ ဒီ လိုမကောင်းမှုဒုစရိုက်အပြုအမူလုပ်ရပ်များရော အကျင့်ပျက် အကျင့်ဆိုး များပါ မြန်မာ့လူ့ဘောင်အဖွဲ့အစည်း အတွင်းမှာ သန္ဓေတည်ကိန်းအောင်းမတည်ရှိစေရအောင် လူရယ်လို့ သိ တတ်စအရွယ်ကတည်းက မိဘတိုင်းအနေနဲ့ မိမိသားသမီးတွေကိုဆိုဆုံးမ လမ်းညွှန်ပြမှုတွေ လုပ်ဆောင်ကြရ ပါမယ်။ ဒီလိုပြုမူလုပ်ဆောင်ကြခြင်း တို့ကနေ မိမိတို့ လူ့အဖွဲ့အစည်း အတွင်းမှာ တစ်ဦးချင်းစိတ်ပိုင်းဆိုင် ရာ ရုပ်ပိုင်းဆိုင်ရာ ကောင်းမွန်မှုတို့ကို အသိဥာဏ်အားကောင်းမှုနဲ့ မြှင့်တင် ပေးကာ လူ့ဗာလ အကျင့်စရိုက်ဆိုး များ၊ မကောင်းမှုဒုစရိုက်လုပ်ရပ်များ ကင်းရှင်းစေပြီး အေးချမ်းတည်ငြိမ် ဂုဏ်သိက္ခာရှိသော လူ့ဘောင်အဖွဲ့ အစည်းတစ်ရပ် ဖြစ်ထွန်းတည်ရှိစေ မယ်ဖြစ်ပါတယ်။ အဲဒီလိုမိသားစု လူမှုဘဝအတွက် အိမ်တွင်းမှု နိုင်ငံ ရေးလုပ်ဆောင်မှုကို ချမ်းသာကြွယ်ဝ သူများ လူတန်းစားအလွှာအနေနဲ့လည်း လုပ်ဆောင်ကြရမယ်ဖြစ်ပါတယ်။
အိမ်တွင်းမှုနိုင်ငံရေး လုပ် ဆောင်ကြရာမှာ မိမိတို့ မိသားစု အတွင်းရော မိမိတို့ လူ့အဖွဲ့အစည်း အတွင်းပါ ဒေသန္တရလူမှုဘဝ နေထိုင် ရှင်သန်မှုနဲ့ ယဉ်ကျေးမှုဆိုင်ရာ ရိုးရာ ဓလေ့ထုံးတမ်းများ၊ ဘာသာတရား အဆုံးအမများ၊ စာရိတ္တပိုင်းဆိုင်ရာ မြှင့်တင်ပေးတဲ့ ဗုဒ္ဓဓမ္မစာပေနဲ့ ရသ သုတစာပေတို့ အပါအဝင် စာပြော အရပ်ပြောပုံပြင်များ၊ ဟာသများ စတာတွေကို လက်ဆင့်ကမ်းဖြန့်ဝေငှ ပေးကြဖို့ကလည်း အဓိကကျပါတယ်။ ကျွန်တော်တို့ မြန်မာ့လူ့ဘောင် အဖွဲ့ အစည်းဟာ နောက်ခံသမိုင်းရာဇဝင် ခမ်းနားကြီးမားကျယ်ပြောလှပြီး စာရိတ္တနဲ့ ကိုယ်ကျင့်အဘိဓမ္မာကောင်း မွန်မှုတို့အပေါ် စံထားတန်ဖိုးထားတဲ့ လူမှုဝန်းကျင်ပဲဖြစ်ပါတယ်။ ဒါ ကြောင့် ရုပ်ပိုင်းဆိုင်ရာ ဖွံ့ဖြိုးအား ကောင်းခြင်းထက် စိတ်ပိုင်းဆိုင်ရာ ဖွံ့ဖြိုးအားကောင်းရေးအတွက် အလေးထား စွမ်းဆောင်ကြတာ ခေတ်အဆက်ဆက်ကပင် ဖြစ်ပါ တယ်။ အဲဒီလို အခြေခံကအစ အား ကောင်းဖွံ့ဖြိုးကာ စံတန်ဖိုးမြင့်မား လာခဲ့တဲ့ မြန်မာ့လူ့ဘောင်အဖွဲ့အစည်း ဟာ ၁၉၈၈ ခုနှစ်က အစပြုကာ ဒီနေ့အထိနယ် ပယ်စုံအလွှာစုံမှာ အစစအရာရာ လူမှုကျင့်ဝတ်စံနှုန်း ပျက်စီးယိုယွင်းကွယ်ပျောက်သွားကြပြီလို့ ဆိုရပါမယ်။ ဒါကြောင့်မို့ ၂၁ ရာစု မြန်မာ့ လူ့ဘောင်အဖွဲ့အစည်း အတွင်းမှာ သဘာဝအခြေခံပကတိ အလှတရား စံတန်ဖိုးများရော ခေတ် ကာလအလိုက် ဖြစ်တည်ရှိရမယ့် လူသားစွမ်းဆောင်ရည်များပါ ပြန် လည်ရှင်သန်အားကောင်းစွာဖြစ် တည်စေဖို့ အိမ်တွင်းမှုနိုင်ငံရေး လုပ် ဆောင်ရမယ့် အချိန်ကျရောက်နေပြီ ဖြစ်ပါတယ်။
ဒီလိုပဲ မျက်မှောက် ခေတ် မြန်မာ့လူ့ဘောင် အဖွဲ့အစည်း အတွင်းမှာလည်း ဒီမိုကရေစီစနစ်နဲ့ ဒီမိုကရက် တစ်လူ့အဖွဲ့အစည်း တည်ဆောက်ဖို့ စတင်နေကြပြီဖြစ်ပါ တယ်။ အဲဒါကြောင့် ဒီမိုကရေစီစနစ် တည်တံ့ ခိုင်ခံ့စေဖို့ အိမ်တွင်းမှု နိုင်ငံရေးဟာ မြန်မာ့လူ့ဘောင်အဖွဲ့ အစည်းအတွင်းမှာ ဖြစ်ထွန်းတွင် ကျယ်အား ကောင်းစွာတည်ရှိလာစေ အောင် လုပ်ဆောင်ကြရမယ်ဖြစ်ပါ တယ်။ ဒီနေရာမှာ မြန်မာ့လူ့ဘောင်အဖွဲ့ အစည်းအတွင်းမှာ ဆင်းရဲသား လူ တန်းစားအလွှာ များပြားစွာတည်ရှိ နေတာမို့ အတတ်ပညာရပ်ထက် အသိဥာဏ်မြင့်မားလာစေဖို့ အလေး ပေးကာ အသိပညာဖြန့်ဝေငှခြင်းမျိုးနဲ့ လူမှုဘဝမြှင့်တင် ပေးကြရမယ်ဖြစ်တာ ကြောင့် အိမ်တွင်းမှုနိုင်ငံရေးဟာ မရှိ မဖြစ် လိုအပ်ချက်တစ်ခုအဖြစ် လုပ် ဆောင်ကြရမယ့်အရာ ဖြစ်နေပါပြီ။
အိမ်တွင်းမှုနိုင်ငံရေးလုပ် ဆောင်ကြတဲ့အခါ လိုအပ်တဲ့အခြေခံ အကြောင်းတရားများကတော့ ခေတ် မျက်ခြည်မပြတ် နေထိုင်ရှင်သန်မှု ပြု လုပ်ခြင်း၊ လက်ရှိလူမှုဘဝရဲ့ အဓိက လိုအပ်ချက်၊ ဒုက္ခတရားကိုဖြေရှင်းနိုင် ဖို့ အသိဥာဏ်နဲ့ ယှဉ်တဲ့လုပ်ရပ်များ၊ ရိုးသားမှုနဲ့ စာရိတ္တ ကောင်းမွန်ခြင်း လူမှုဘဝခံယူချက်၊ အမှန်တရားကို ချစ် မြတ်နိုးခြင်း၊ မတရားမှုနဲ့ မကောင်းမှု များ ရှောင်ကြဉ်ခြင်း၊ လက်တွေ့ကျကျ အခက်အခဲဖြေရှင်းခြင်း၊ အကြောက် တရားကင်းမဲ့ရေးစတာတွေပဲ ဖြစ်ပါ တယ်။ အမှန်တကယ် ပြောရရင် အစကတည်းက ဖြစ်တည်ရှိခဲ့တဲ့ ရိုး ဂုဏ်ကို မြန်မာ့လူ့ဘောင်အဖွဲ့အစည်း အနေနဲ့ ပြန်လည်ထိန်းသိမ်းသင့်ဖို့ လိုအပ်တာပဲဖြစ်ပါတယ်။ကျွန်တော် တို့ မြန်မာ့လူ့ဘောင်အဖွဲ့ အစည်း အတွင်းမှာ ဘာသာရေးဆိုင်ရာ လောကကျင့်ဝတ် လမ်းညွှန်ပြဆိုရာ လောကနီတိနဲ့ ၃၈ ဖြာမင်္ဂလာ တရားတော်များတည်ရှိခဲ့သလို ပညာ ရေးလောကဆိုင်ရာ လူမှုကျင့်ဝတ် လမ်းညွှန်ပြဆိုရာ ပြည်သူ့နီတိတို့ တည်ရှိပြီးသား ဖြစ်ပါတယ်။
ဒီလို အခြေခံကျင့်ဝတ်စံနှုန်း ကောင်းများ လမ်းညွှန်ပြသမှုတွေ ရှိပြီးသားဖြစ်တဲ့ မြန်မာ့လူ့ဘောင် အဖွဲ့အစည်းအတွင်းမှာ အိမ်တွင်းမှု နိုင်ငံရေးလုပ်ဆောင်ဖို့ရာ အင်မတန်မှ သင့်လျော်မှန်ကန်မှု လူမှုစွမ်းဆောင် ရည်ကောင်းပဲဖြစ်ပါတယ်။ ဒီလိုပဲ လူ့အဖွဲ့အစည်းအတွင်းမှာ ထုနဲ့ထည် နဲ့ အကောင်းဘက် ဦးတည်ရွေ့မှုများ အားကောင်းစွာ ဖြစ်ထွန်းစေမှာဖြစ် သလို မကောင်းမှုလုပ်ရပ်များ၊ ခိုးဆိုး လုယက်ဒုစရိုက်လုပ်ရပ်များ၊ လူသတ် မှုများ၊ မုဒိမ်းကျင့်မှုများစတဲ့ လူ့ ဘောင်လောကကို ရုပ်ဆိုးအကျည်း တန်စေမယ့် ဆိုးကျိုးများထဲကနေ ဆွဲ တင်ကယ်မပေးနိုင်မှာဖြစ်ပါတယ်။
အိမ်တွင်းမှု နိုင်ငံရေးဆိုတာ အချိန်ကို စီမံခန့်ခွဲကာ မိသားစု အတွင်း သူ့တာဝန်ကိုယ့် တာဝန်ခွဲယူ ကြခြင်းလို့လည်း ပြောရင် ရပါတယ်။ မနက်အိပ်ရာထတဲ့အခါ ဗုဒ္ဓဘာသာ မြန်မာလူမျိုးတွေဖြစ်တာမို့ ဘုရား ရှိခိုးသူ၊ အိမ်ခြံတွင်း မနက်ခင်း သန့်ရှင်းလုပ်သူ၊ မိသားစုစားရေး သောက်ရေးအတွက် ချက်ပြုတ်သူ၊ ရေဖြည့်သူ၊ လုပ်ငန်းခွင်ဝင်သူ၊ ပညာ သင်ယူသူဆိုပြီး မိုးလင်းမိုးချူပ် တာဝန် ကိုယ်စီခွဲဝေပေးရပါမယ်။ ဒါမှလည်း မိမိကိုယ်ကိုယ် ယုံကြည်စိတ်၊ မိသားစု အပေါ် တာဝန်ယူနိုင်စိတ်၊ မိမိဘဝတန်ဖိုးမြှင့်တင်ပေးစိတ်စတဲ့လူတော်လူကောင်း စိတ်တွေကို လူရယ်လို့ သိတတ်စအရွယ်ကတည်းက စိတ် နှလုံးသားထဲ သန္ဓေတည်ရှိလာမယ် ဖြစ်ပါတယ်။ အိမ်ထောင်စု တစ်ခုမှာ ဘိုးဘွား၊ အမိအဖ၊ ညီအစ်ကို မောင်နှမအစ်မ ညီမ၊ တူ တူမ မြေး မြစ် တီတွတ်ဆိုပြီးတော့ရှိတာမို့ မိသားစု အနာဂတ်စီမံကိန်းလုပ် ဆောင်ကာ မျိုးဆက် လက်ကမ်း အဖြစ် ကောင်းမွေထားရစ်ခဲ့ကြရပါ မယ်။
မိသားစုအတွင်းမှာ ဥစ္စာ မပြည့်စုံဆင်းရဲတာထက် စိတ်ဓာတ် မဆင်းရဲဖို့က အဓိက ကျပါတယ်။ ဒါမှလည်း လူ့ဘောင်အဖွဲ့ အစည်း ဟာ ယဉ်ကျေးတဲ့ လူ့အဖွဲ့အစည်း အဖြစ် တည်ရှိစေမှာဖြစ်ပါတယ်။ ဒီ နေရာမှာ မိသားစုအတွင်းမှာ မိဘက မိဘကျင့်ဝတ်နဲ့ ညီစွာ တာဝန်ကျေ ပွန်ကြရမယ်ဖြစ်သလို သားသမီးတို့ ကလည်း သားသမီးကျင့်ဝတ်နဲ့ ညီစွာ တာဝန်ကျေပွန်ကြရပါမယ်။ မိဘနဲ့ သားသမီးတို့ကြားမှာ အနာဂတ် အာမခံချက်ရှိမယ့် အပြန်အလှန် မေတ္တာစိုက်ပျိုးမှုရှိဖို့ လိုအပ်ပါတယ်။ မျိုးဆက်လက်ကမ်းကြတဲ့အခါ မိမိတို့ ကိုးကွယ်ယုံကြည်ရာ ဘာသာတရား အဆုံးအမများကိုလည်း ကိုယ်တိုင် တတ်သိမြင် သိခြင်းမျိုးနဲ့ မျှဝေပေး ကာ မိသားစုကောင်းကျိုးမှ အစပြုလို့ ရပ်ရွာကောင်းကျိုး၊ နိုင်ငံကောင်းကျိုး တို့နဲ့ လောကကောင်းကျိုးပြုရမယ် ဆိုတာမျိုး သိစိတ်ထားနိုင်ဖို့ဆီ ဦး တည်စေအောင် လုပ်ဆောင်ပေးကြရ ပါမယ်။ ဒါမှသာ အကြောက်တရား ကင်းဝေးပြီး ဥာဏ်ပညာနဲ့ မိမိဘဝ တည်ဆောက်မှု အားကောင်းစေတဲ့ အိမ်တွင်းမှု နိုင်ငံရေး တည်ရှိစေမှာ ဖြစ်ပါတယ်။ အိမ်တွင်းမှု နိုင်ငံရေး ကနေ ပညာတတ် လူ့အဖွဲ့အစည်းကို ခြေကုပ်ယူကာတည်ဆောက်ပြီး ခေါင်း ဆောင် ကောင်းတွေ လူမှုနယ်ပယ် အသီးသီးမှ မွေးထုတ်ပေးနိုင်မယ် ဖြစ်ပါတယ်။
အိမ်တွင်းမှု နိုင်ငံရေး တည် ဆောက်မှုက မွေးဖွားပေးလိုက်တဲ့ စိတ်ယဉ်ကျေးမှုနယ်ပယ်မှ ယူနစ် တစ်ခုတည်း ပေါင်းစည်းခြင်း အ ပေါင်း လက္ခဏာဖြစ်တည်ရှိလာစေပါ မယ်။ မျိုးဆက်လက်ကမ်းကြရာမှာ ဥစ္စာအမွေ ပေးဖြည့်ဆည်းခြင်းမျိုး ထက် အသိဥာဏ်ပညာနဲ့ အတတ် ပညာတို့ကို ဖြည့်ဆည်းပေးအမွေ ထားရစ်ခဲ့ခြင်းမျိုးက လူ့လောကအ တွက် အနာဂတ် တည့်မတ်ပေးခြင်း ပဲဖြစ်ပါတယ်။ မြန်မာ့လူ့ဘောင်အ ဖွဲ့အစည်းအတွင်းမှာ ဆင်းရဲခြင်းနဲ့ ချမ်းသာခြင်းတို့ ကွာဟချက် မညီမျှ မှုတို့က အတော်စကားပြောအများဆုံး အဓိက ပြဿနာရပ် အဖြစ်ဆုံး လူမှု ဘဝအကြောင်းအရာမျိုးပါပဲ။
ဒီလိုပဲ အလုပ်အကိုင်အခွင့်အလမ်းမရှိခြင်းဆိုတာကလည်း လောကငရဲကျ ရောက်သလိုဖြစ်နေတယ်။ ဒါတွေကို ကိုယ်တိုင်တာဝန်မဖြေရှင်းဘဲ ဘိန်း စားတွေလို သူရဲဘောကြောင် လက် ရှောင်နေကြသူတွေရှိသလို မှီခိုစိတ်နဲ့ ဆင်ခြေပေးစိတ်တို့အား ကြီးမားနေ ကြသူတွေလည်း ရှိနေပါတယ်။ အဲဒီ လို စိတ်ထားမျိုး လုပ်ရပ်မျိုးတွေကို မြန်မာ့လူ့ဘောင်အဖွဲ့အစည်းအ တွင်းမှ အပြီးအပြတ် ဖယ်ရှားပစ်ဖို့ အထူးလိုအပ်တာမို့ အိမ်တွင်းမှု နိုင်ငံ ရေးဟာ မြန်မာပြည်သူပြည်သားများ အတွက် အဓိကကျနေပါတယ်။ကျွန် တော်တို့မြန်မာပြည်သူပြည်သားတွေ ဟာ အချိန်သူဌေးများဖြစ်နေကြပြီးအိမ်ကျယ်ကျယ်ခြံကျယ်ကျယ်နဲ့ အများစုက နေထိုင်နိုင်ကြပါတယ်။ ဆင်းရဲချမ်းသားကွာဟမှုနဲ့ မျိုးဆက် ကွာဟမှုတို့ပဲရှိနေတယ်မဟုတ်လား။
ရှေးလူကြီးသူမ ပြောစကားဖြစ်တဲ့ အိမ်နောက်ဘေးဈေးဆိုင်တည်ဆိုပြီးဆိုရိုးစကားရှိနေတယ်လေ။ ဒါ ကြောင့်အလုပ်နဲ့ ပတ်သက်လာရင် ကိုယ့်အရိပ် ကိုယ်ပြန်စိုက်ပျိုးပြီး လောကကြီးဆီက အခွင့်အရေး ကောင်းတွေကို အချိန်ကာလ လျော် ညီ မှန်ကန်စွာအမိအရ ဖမ်းဆုပ်ရယူ ထားတတ်ကြရပါမယ်။ မိသားစု အ ချင်းချင်း သင့်မြတ်ချစ်ခင်ရမယ်။ညီ အစ်ကိုမောင်နှမအချင်းချင်း ဖြည့် ဆည်းကူညီပေးရမယ်။ ဆွေမျိုးညာ တကာကိုလည်း တတ်နိုင်သလောက် ထောက်ပံ့ပေးရပါမယ်။ ဒီလိုတစ် ယောက် ကိုယ်တစ်ယောက် လူသား ဆန်တဲ့ စိတ်တို့နဲ့ အနာဂတ်ဘဝ ပေါင်းကူး တံတားတည်ဆောက်ခြင်း ကား အိမ်တွင်းမှုနိုင်ငံရေးပြယုဂ် ကောင်းပင် ဖြစ်ပါတယ်။
အိမ်တွင်းမှုနိုင်ငံရေးဟာ လူ့ ဘောင်အဖွဲ့အစည်းကို ဓမ္မ၊ ဥာဏ် ပညာ၊ အတတ်ပညာတို့နဲ့ အနာဂတ် ဘဝတည်မတ်ပေးခြင်းမျိုး ဖြစ်တာမို့
လူတိုင်းကိုယ်စီ ကိုယ့်တာဝန်ကိုယ် တိုင် ကျေပြွန်အောင် ယူကြရမယ် ဖြစ်ပါတယ်။ အမှန်တရားအတွက် အသက်စတေးရလည်း လူလောက ကောင်းကျိုးရှေ့ရှုကာ ရွက်ဆောင် ရဲစိတ်၊ အကြောက်တရားမရှိဘဲ အမှားကို ရဲဝံ့ပြတ်သားစွာ ဆန့်ကျင် ဖယ်ရှားပစ်စိတ်တို့ရှိကြရပါမယ်။ အဲဒီအခါစာရိတ္တပျက်ပြားခြင်း၊ ခိုး ဆိုးလုနိုက် ဓားပြတိုက်တဲ့ မကောင်းမှု လုပ်ရပ်များ ထူပြောခြင်း၊ အကြမ်း ဖက်လူသတ်ဝါဒ၊ အဓမ္မဝါဒ၊ မုဒိမ်း ကျင့်လူသတ်စတဲ့ မာဖီးယားဂိုဏ်း ဆန်စွာ အုပ်စုဖွဲ့ ရက်စက်အနိုင်ကျင့် သတ်ဖြတ်ခြင်း၊ ရာဇဝတ်မှုထူပြောပြီး တရားဥပဒေကြီးမိုးမှု ကင်းမဲ့ကာ လူ့ ဘောင်အဖွဲ့အစည်းအား ခြိမ်း ခြောက်နေခြင်းတို့ အပါအဝင် လူ့ အဖွဲ့အစည်းကို အနာဂတ်အမှောင်တိုက်သွင်းမှုတို့ကနေ ကင်းရှင်းဝေး စေမှာဖြစ်သလို လူတိုင်းကိုယ်စီ ကိုယ့်အားကိုယ်ကိုး ကိုယ့်ဘဝတန်ဖိုး ကိုယ်တိုင်မြှင့်တင်တဲ့ စိတ်ပိုင်းဆိုင် ရာ ရုပ်ဆိုင်ရာဖွံ့ဖြိုးအားကောင်းတဲ့ ယဉ်ကျေးသော လူ့အဖွဲ့အစည်းဖြစ် တည်ရှိလာစေမှာ ဖြစ်ပါတယ်။
အိမ် တွင်းမှုနိုင်ငံရေးနဲ့လူအဖွဲ့အစည်း အတွင်းမှ မရှိခြင်း၊ မပြည့်စုံခြင်း၊ ဆင်းရဲခြင်းတို့ အစား မရှိတာရှိလာ အောင် လုပ်ဆောင်ရမယ်။ မပြည့်စုံ တာ ပြည့်စုံလာအောင် အလုပ်လုပ် ဖြည့်ဆည်းစွမ်းဆောင်ကြိုးပမ်းကြရမယ်။ ဆင်းရဲတာ မဆင်းရဲအောင် ဥာဏ်ပညာသုံးစွမ်းဆောင်ရမယ်ဆို တဲ့ အသိတရားစိတ်ဓာတ်အောင်နိုင် ရေးရယူကြပြီး လူတိုင်းလူဖြစ်ရကျိုး နပ်အောင် မိမိကိုယ်ကိုယ်ပြန်မြင် နိုင်ကြကာ ပစ္စုပ္ပာန်တည့်တည်ကြည့် ဆိုတဲ့ဗုဒ္ဓဘုရား ဟောကြားမြတ် စ ကားအတိုင်း လူသားဘဝ တန်ဖိုးမြင့် မားအောင် စွမ်းဆောင်ပါလို့ တိုက် တွန်းရေးသားလိုက်ရပါတယ်။
လင်းထိပ်သျှင်
