တမ္ပဒီပဘောလုံးကွင်းရဲ့ ဘောလုံး ပွဲစဉ်တွေဟာ ပရီးမီးယားလိဂ်ပွဲ စဉ်တွေလို ကြီးကျယ်ခမ်းနားမှုတွေ မရှိလှပေတဲ့၊ သူ့ကွင်း သူ့ပရိသတ်နဲ့ တော့ အမြဲကို ဟန်ကျနေကြတာ ခင် ဗျ။
တမ္ပဒီပသား ကဗျာဆရာတစ် ဦးဖြစ်တဲ့ စောဘရန်ဘောကတော့ သူတို့ဘောလုံးကွင်းလေးကို “အလွမ်း ပေါသော ဘောလုံးကွင်းလေး”လို့ အမြဲတင်စားတတ်လေ့ရှိပါတယ်။
ဘယ် ဘောလုံးကွင်းပဲဗျာ။ ဘယ်ကလာ အလွမ်းပေါရမှာလဲလို့ ပြောရင် ပြောသူဟာ တမ္ပဒီပသား ဖြစ်ဦး၊ ဒီလူဟာ ဒီဘောလုံးကွင်း လေးနဲ့ပတ်သက်ပြီး ကုန်စင်အောင် (ကုန်စင်အောင် …) မခံစားဖူး လို့သာ ဖြစ်မယ်လို့ စောဘရန်ဘော စွပ်စွဲမှာ သေချာတယ်။
ကဲ …ဘောကွင်းလေးကို လွမ်းကြည့်ရအောင်။ ဘောကွင်းလေး က မြို့ရဲ့ တောင်ဘက်အစွန်က သင်္ချိုင်းကုန်းတစ်ခုရဲ့ ဘေးမှာရှိပါ တယ်။ ကွင်းပုံစံလည်း ဘောလုံး ကွင်းဟူသမျှနဲ့ မတူဘူး။ စမူဆာပုံ မြေကွက်မှာ ချုံရှင်းပြီး ဘောလုံးကွင်း တည်ထားတာမို့ ကွင်းက လေးထောင့် မကျဘူး။ ရွဲ့စောင်းစောင်း၊ ဒီအထဲ ကွင်းရဲ့ မြေပြင်ကလည်း အရှေ့ဘက် က ‘မြင့်’ပြီး အနောက်ဘက်က နိမ့် ဆင်းသွားတာဆိုတော့ နောက်တန်း ဘောလုံးသမားတွေက ဘောလုံးရှေ့ ရောက်ပြီဆိုရင် ဘောလုံးကို မမြင် ရတော့ဘူး။ အနိမ့်အမြင့်ကလည်း အဲသလောက်။ ကုန်းပေါ်တစ်ပိုင်း ချောက်ကမ်းပါးတစ်ပိုင်း ကွင်းလေ။
ဒီကွင်းမှာ ညီတာဆိုလို့ ဘာမှမရှိ ဘူး။ ဂိုးတိုင်တောင် မြေအနိမ့်အမြင့် မတူလို့ ဂိုးတိုင်လည်း မညီဘူးပေါ့။ ကွင်းရဲ့ ဘေးစည်းမျဉ်းတွေကို ပေါက် ပြားနဲ့ ပေါက်၊ ထုံးဖြူးပြီး ‘လိုင်း’ဖော် ထားပေမယ့် လိုင်းက တောင်မြောက် တည့်တည့်မဟုတ်တော့ ဘောလုံးဆွဲ ပြေးတဲ့အခါ ဘောလုံးသမား ကွင်း အပြင်ရောက်တဲ့အခါ ရောက်သွား တာပေါ့လေ။ ခက်တာက ဆွဲပြေး သွားတဲ့ ဘောလုံးသမားဟာ ကစား ရင်း၊ သူကွင်းအပြင်ရောက်သွားတာ ကို သူကိုယ်တိုင်လည်း မသိဘူး။ တစ် ဖက်အသင်းက ကောင်တွေလည်း မသိဘူး။ ပရိသတ်တွေလည်း မသိ ဘူး။ ဒါပေမဲ့ ကန်တော့ ကန်နေကြ တာပါပဲ။
အဲ …စောဘရန်ဘောပြော တဲ့ ‘အလွမ်းပေါသော ကွင်းကလေး’ အဖြစ် နာမည်တွင် လာပုံကို ပြောရ ဦးမယ် …
အလွမ်းပေါပုံက ဒီလို …
ရွဲ့ စောင်းစောင်း ကွင်းကလေးနဲ့ အရှေ့ ဘက် သုံးပုံတစ်ပုံလောက်မှာ သရက် ပင်ကြီးတစ်ပင်ရှိသေးတယ်။ သရက် ပင်က ကွင်းထဲမှာ တစ်ခါတရံဘော လုံးသမားတွေ သရက်ပင်လှည့်ပတ် ကစားကြရတာမျိုးလည်း ရှိတယ်။ ပြီး တော့ ဒီသရက်ပင်က စောဘရန် ဘောနဲ့ သူ့အပေါင်းအသင်းတွေရဲ့ ပွဲကြည့်စင်အဖြစ် အသုံးပြုကြတယ် ခင်ဗျ။ အစပိုင်းကတော့ ဒီသရက် ပင်ပွဲကြည့်စင်ဟာ စောဘရန်ဘော တို့ အုပ်စုသက်သက်ရဲ့ ပွဲကြည့်စင် ပေါ့။ နောက်ပိုင်းဘောပွဲကို သရက် ပင်တက်ကြည့်တဲ့ ပရိသတ်က များ လာတယ်။ ဒီလို ‘များ’လာတာက လည်း အခြားကြောင့် မဟုတ်ဘူး။ သရက်ပင်အုပ်စုရဲ့ လေးပုံက ထူး ခြားလို့၊ ပြီးတော့ တစ်နေ့တခြား ထူး ခြားတာတို့ များလာတာလို့ ပြောရ မယ်။ သရက်ပင်အုပ်စုရဲ့ အားပေး ပုံကလည်း ကြည့်ဦး။ ကွင်းထဲက ဘောလုံးရဲ့ အခြေအနေနဲ့ သူတို့ အားပေးပုံတွေက ဟာမိုနီမဖြစ်ဘူး။ မကြာခဏလွဲချော်နေတတ်တယ်။ လွဲ ချော်တယ်ဆိုတာ ဘောလုံးက ကွင်း ပြင်ရောက်ပြီး အောက်ဆိုက်နေ တယ်။ သရက်ပင်ပေါ်က အုပ်စုက ‘ဂိုး’လို့ ဝိုင်းအော်လို အော် … ကွင်းထဲက ဘောလုံးက ကော်နာဖြစ် ဖြစ်နေပြီ။ သရက်ပင်ပေါ်က ‘ဆွဲ ကွ …ဆွဲ …ဟုတ်ပြီ။ ဒီအတိုင်း ဆွဲလို့ အော်လို အော် …အဲသလို အလွဲတွေအများကြီး။ အဲအလွဲတကာ့ အလွဲထဲမှာ ‘အကြီးဆုံးအလွဲ’ကို ပြော ရဦးမယ်။
ဂိုးစည်းရှေ့မှာ နှစ်ဖက်အသင်း သားတွေ အသည်းအသန်ဖြစ်နေတုန်း နောက်တန်းဘောသမားတစ်ယောက် က ဘောလုံးနဲ့ ရှင်းထုတ်လိုက်တာ၊ ဘောလုံးက ကွင်းပြင်ရောက်၊ ပြီး တော့ မြေနိမ့်ပိုင်းအတိုင်း အောက် လှိမ့်ပြေး၊ ကွင်းနံဘေး ကားလမ်း ကျော်ပြီး ကားလမ်းဘေးက ရေ မြောင်းထဲ ဘောလုံးကျပြီး ဘောလုံး က ရေစီးနဲ့အတူ အောက်ဘက်မျောပါ သွားရော …။
ကွင်းထဲမှာ ဘောလုံးမရှိတော့ ဘူး။ ဒါပေမဲ့ သရက်ပင်ပေါ်က အုပ်စုကတော့ ဘောလုံးပွဲကို ပြင်း ပြင်းထန်ထန်ကို အားပေးကြဆဲ၊ သူ တို့အားပေးကြပုံက ကွင်းထဲမှာ အကြိတ်အနယ်ကစားနေကြတာကို အားပေးပုံမျိုး။ ကွင်းထဲမှာ ဘောလုံး မဲ့။ ဘောလုံးလိုက်ဆယ်တဲ့လူတွေ လည်း ပြန်ရောက်မလာသေးဘူး။ ဒါ ပေမယ့် သရက်ပင်ပေါ်က ပရိသတ် ကတော့
“ဟုတ်ပြီ …ဆွဲ …ဆွဲ”
“ဟုတ်တယ် …အဲဒါအမှန်ပဲ …”
“ကိုင်း …ရှူးလိုက်တော့ ရှူး လိုက်တော့”
“ဟုတ်ပြီ …ဟုတ်ပြီ …”
“ဂိုး …”
‘ဂိုး’ဆိုတဲ့ တညီတညာတည်း အော်လိုက်တဲ့ အသံကြီးနဲ့အတူ ‘ဝုန်း’ ဆို သရက်ပင်ကိုင်းကြီး ကျိုးကျသွား တယ်။ သရက်ပင်ကိုင်းပေါ်က လူ ၅ဝ လောက်လည်း ကိုင်းနဲ့အတူ အောက်ကို ပြုတ်ကျကုန်တော့တယ်။ အား …အီး ဆိုတဲ့ အသံတွေ ထွက်ကုန်တယ်။
ဘောလုံးကတော့ ကွင်းထဲ ပြန် မရောက်သေးဘူး။ မနက်ဖြန်ဘော လုံးကွင်းဘေးက သင်္ချိုင်းထဲ အမြဲ လာ ချိန်းကြတဲ့ ဟို …သမီးရည်း စားအတွဲ …လာမှလာရဲပါတော့ မလား။
စောဘရန်ငြိမ်း
