မိန်းကလေးအဆိုတော် အယောက် ၂ဝ ကျော် ကြီးစဉ်ငယ်လိုက်နဲ့ ရိုက်ကူးထားတဲ့ တင်ဇာမော်ရဲ့ ‘ပုထုဇဉ်’ သီချင်း Music Video က တော်တော်လေးကောင်းသလို တော်တော် လေးလည်း ပေါက်ခဲ့ပါတယ်။ ဒီသီချင်းကို တင်ဇာမော်ကိုယ်တိုင်လည်း သဘောကျသလို ရိုက်ကူး ပုံဖော်ပေးသူ ဒါရိုက်တာ ထူးပိုင်ဇော်ဦးရဲ့အိုင်ဒီယာကိုလည်း သဘောပေါက်ကြောင်း တင်ဇာမော် ကပြောပါတယ်။
”ပရိသတ်တိုင်း၊ ပရိသတ်တိုင်းက အနုပညာရှင်တစ်ယောက်တည်းကို အားလုံးက တညီ တညာတည်းကြိုက်ချင်မှလည်း ကြိုက်မယ်။ မကြိုက်တဲ့ပရိသတ်လည်း ကြိုက်မယ်။ ပြောချင်တာ ကတော့ ကျွန်မတို့ အဆိုတော်တွေက သူတို့နဲ့ ဆိုင်ရာ ဆိုင်ရာ ပရိသတ်တွေကို ကိုယ်စားပြုတယ်။ ပရိသတ်က ကြားချင်တဲ့ ခံစားချက်တွေကို ကျွန်မတို့က ပုံဖော်ပြီး ဆိုပြတယ်။ မက် ဆေ့ခ်ျတွေကို ပရိသတ်တွေဆီ ရောက်အောင်ပို့တယ်။ ပရိသတ်တွေကလည်း အဲဒီခံစားချက်တွေကို သူတို့ဆီ ရောက်ရင် ပျော်တယ်။ ကျေနပ်တယ်။ ဝမ်းနည်းပူဆွေးမှုတွေရှိရင်လည်း သက်သာတယ်။ ပျော်စရာရှိရင်လည်း အတူတူပျော်ရတယ်။ ဆိုတော့ အဆိုတော် အယောက်တိုင်း၊ အယောက်တိုင်းက သူတို့ကို ချစ်ခင်အားပေးတဲ့ပရိသတ်တွေကို ကိုယ်စားပြုတယ်။ နောက်တစ်ခါကျတော့ ဒီသီချင်းလေးမှာ ပုထုဇဉ်ဆိုတဲ့ ခေါင်းစဉ်က လူသားအားလုံး နဲ့ဆိုင်တယ်။ အဲဒီအတွက်ကြောင့် အဆိုတော်တွေအများကြီးက သူတို့ရဲ့ ပရိသတ် အများကြီး ပုံစံအမျိုးမျိုး၊ မတူတဲ့ပရိသတ်ကို ကိုယ်စားပြုချင်တဲ့ အိုင်ဒီယာပါ။ ဆိုတော့ ဒီအိုင်ဒီယာကို ကျွန်မနားလည်တယ်။ နားလည်တဲ့အတွက် ကျွန်မ လက်ခံတာပါ” လို့ တင်ဇာမော်ကပြောပါတယ်။
တင်ဇာမော်ရဲ့ တင်ဇာမော် ၂ တုန်းကလည်း ‘ရင်ထဲကပျိုးခင်း’ ကို မိန်းကလေးအဆိုတော် ၆ယောက်နဲ့ အတူတူ ရိုက်ခဲ့ဖူးတယ်လို့ ဆိုတဲ့ တင်ဇာမော်က သူမရဲ့ ‘ပုထုဇဉ်’ သီချင်း MTV ကို Copy ဆိုပြီးပြောကြတဲ့ အပေါ် ဘယ်လိုဖြေရှင်းလဲဆိုတော့…
”သူပုံဖော်မယ့်အကြောင်းလေးတွေ၊ ကင်မရာ အယူအဆလေးတွေ ကို အိမ်မှာ ကျွန်မတို့ ခဏခဏတွေ့ ပြီးတော့ တိုင်ပင်ကြတယ်။ ကျွန်မကတော့ သိပ်နားမလည်ပါဘူး။ ရိုက်ကူးရေးပိုင်းတွေ၊ ကင်မရာအယူအဆပိုင်းတွေကိုလေ။ သူကတော့ ရှင်းပြတယ်။ သူရှင်းပြတဲ့ပုံစံလေးကိုလည်း အစ်မ သဘောကျတယ်။ ကျွန်မကတော့ ဒီသီချင်းလေးက ကိုထူးပိုင်ဇော်ဦးက သူ့စိတ်တိုင်းကျ ရိုက်ကူးရ တာဖြစ်တဲ့အတွက် သူကျေနပ်တယ်လို့လည်း ယုံကြည်ထားပါတယ်။ တစ်ခါတလေ ကျရင်လောကကြီးမှာ အိုင်ဒီယာတူတတ်တာတွေလည်း ရှိတတ်ပါတယ်။ အဲဒီလိုမျိုး တူတယ်ဆိုရင်လည်း ဒါ တိုက်ဆိုင်မှုပေါ့လေ။ ပရိသတ်အနေနဲ့ကလည်း အမျိုးမျိုး ဝေဖန်ပိုင်ခွင့်ရှိပါတယ်။ သူတို့က ဒါဟာ ကူးချတယ်လို့ပြောရင်လည်း ပြောလို့ရသလို တစ်ဖက်ကလည်း ဒါသူတို့ အိုင်ဒီယာတူတာပါလားလို့ ပြောရင်လည်းရပါတယ်။ တကယ်လို့ တခြားမူရင်းကို အတိအကျ Angles တွေကအစယူတယ်ဆိုလို့ရှိရင် တော့ ကျွန်မလည်း အဲဒီအထိတော့ သေသေချာချာနားမလည်တဲ့အတွက် မပြော နိုင်ပါဘူး” လို့ တင်ဇာမော်က ပြောပြခဲ့ပါတယ်။
မျိုးမောင် ၊
ဓာတ်ပုံ – အောင်ဇော်မင်း
