ဝါလကင်းလွတ်တဲ့ သီတင်းကျွတ်အခါသမယဟာ မြန်မာလူမျိုး တွေအတွက် တော့ ပျော်ရွှင်ကြည်နူးဖွယ်ရာ အချိန်ကာလလေးတစ်ခုပဲ ဖြစ်ပါ တယ်။ ဘုရားရှင်ကို ရည်မှန်း ပြီးတော့ ရောင်စုံဆီမီးတွေ မြိုင်မြိုင် ဆိုင်ဆိုင် ထွန်းညှိ ပူဇော်ကြတာကို လည်း လမ်းတိုင်း၊ အိမ်တိုင်းမှာ တွေ့ မြင်ကြရမှာပဲဖြစ် ပါတယ်။ ဒီအခါသမယမှာ ကလေးငယ်တွေက မီးရှူး မီးပန်းတွေ ပစ်ဖောက်ပြီး ပျော်ရွှင်ကြ သလို လူကြီးမိဘတွေကိုလည်း အရိုအသေအားဖြင့် သွားရောက် ကန်တော့ကြ ပါတယ်။ တူနှစ်ကိုယ်နီးဖို့အရေး မင်္ဂလာပွဲဆင်နွှဲကြမယ့် ချစ်သူစုံတွဲတွေ အဖို့ လည်း သီတင်းကျွတ်ဟာ မျှော်တလင့်လင့် ရင်ခုန်စောင့်စားကြရတဲ့လ တစ်လပါ။ ဒါကြောင့် သီတင်းကျွတ်နဲ့ ပတ်သက်တဲ့ အမှတ်တရတွေ၊ ခံစားမှု တွေက လူတိုင်းလိုလိုမှာ ရှိနေကြမယ် ထင်ပါတယ်။ အနုပညာရှင်တစ်ဦးဖြစ်တဲ့ အိမ့်ချစ် မှာရော သီတင်းကျွတ်နဲ့ ပတ်သက်ပြီး ဘယ်လို အမှတ်တရတွေ ရှိနေသလဲ ဆိုတာကို မေးမြန်းကြည့်မိပါတယ်။
”သီတင်းကျွတ်နဲ့ပတ်သက်ပြီး ငယ်ငယ်ကတော့အမှတ်တရတွေ အများကြီး ရှိတယ်။ ငယ်ငယ်ကဆို မီးရှူးမီးပန်းတွေလည်း ဖောက်တယ်။ သီတင်းကျွတ်နဲ့ ပတ်သက်တဲ့ အမှတ်တရတွေက အများကြီးပဲဆိုတော့ ပြောရင် ကုန်မှာတောင် မဟုတ်ဘူး။ သီတင်းကျွတ်ဟာ ငယ်ငယ်ကဆိုရင်တော့ အိမ့်ချစ်တို့ အတွက် ဆော့လို့ကောင်းတဲ့ အရွယ်ပေါ့။ အခုအသက်ကြီးလာတော့ ဒီလိုမျိုး သီတင်း ကျွတ်ရာသီက အိမ့်ချစ်တို့အတွက် ပွဲတွေဆိုရတာ များတဲ့လပါ။ သူများတွေ အနားယူတဲ့အချိန် အိမ့်ချစ်တို့ ပိုအလုပ်လုပ်ရတဲ့ အချိန်ပေါ့။ ဒါပေမဲ့ အလုပ် လုပ်တွေလုပ်နေရတဲ့အတွက် အိမ့်ချစ်ပျော်ပါတယ်။ အိမ့်ချစ်ကို မေးကြတယ်။ သီတင်းကျွတ်ပြီဆိုတော့ မင်္ဂလာသတင်းလေးများ ကြားရမလားဆိုတော့ မင်္ဂလာ သတင်းကတော့ အိမ့်ချစ်မှာ နေ့တိုင်းကြားနေရတာပါပဲ (ရယ်လျက်)။ စတာပါ။ အိမ့်ချစ်မှာယူစရာယောက်ျားမရှိသေးပါဘူး။ အိမ့်ချစ်အချစ်ရေးကို လည်း မစဉ်းစားချင်သေးဘူး။ မိဘကိုပဲအများကြီး လုပ်ကိုင်ကျွေးမွေးချင်သေး တယ်”လို့ အိမ့်ချစ်ကပြောပါတယ်။
အိမ့်ချစ်က လတ်တလောမှာ ကိုယ်တိုင်ရေး၊ ကိုယ်တိုင်သီဆိုထားတဲ့ အင်္ဂလိပ်သီချင်းတွေကို လာမယ့် နိုဝင်ဘာလထဲမှာ ပရိသတ်လက်ထဲ ရောက် အောင် ပို့နိုင်ဖို့အတွက် ကြိုး စားနေတယ်လို့ သိရပါတယ်။
”အိမ့်ချစ်ကိုယ်တိုင်ရေးထားတဲ့ သီချင်းလေးတွေ ထွက်ဖို့ရှိပါတယ်။အဲဒီသီချင်းခွေမှာ စုစုပေါင်း သီချင်း ၈ ပုဒ်ပါတယ်။ သီချင်းတွေကို Mixing တွေလည်း ဆွဲပြီးသွားပြီ။ ထွက်ဖို့လည်းအကုန်လုံး ပြင်ဆင်ထားပြီးပြီ။ ဘာဖြစ်လို့ မထွက်ဖြစ်သေးတာလဲဆိုရင်တော့ ဒီရက်ပိုင်းမှာ သီချင်းတွေထွက်တာ တအား များနေတာ တွေ့ရလို့ အိမ့်ချစ် ခဏစောင့်နေတာပါနောက်လ ထဲမှာ ထွက်ဖြစ် ဖို့များတယ်။ အခွေထွက်ရင်လည်း ပရိသတ်ကြီးက အားပေးကြ ပါဦး”လို့ အိမ့်ချစ် ကပြောပြခဲ့ပါတယ်။
သဲစုလှိုင်
ဓာတ်ပုံ-မင်းမင်းထွန်း
