မြန်မာနိုင်ငံ ကိုယ်စားပြု Mobile Legend Bang Bang app ကနေ အသစ်ထပ်မံ ထွက်ရှိလာ တဲ့ မြန်မာနိုင်ငံ ကိုယ်စားပြု Hero Character မိတ်ဆက်ပွဲကို နိုဝင်ဘာ လ၂၁ ရက်နေ့က မြန်မာပလာဇာမှာ ကျင်းပပြုလုပ်ခဲ့ပါတယ်။
”မြန်မာနိုင်ငံအပါအဝင် ကမ္ဘာတစ်ဝန်းမှာ ပြုလုပ်ကျင်းပတဲ့ Mobile Legend Game က မြန်မာနိုင်ငံ အတွက် Hero ထုတ်ပေးတဲ့ ပထမဦးဆုံး ဂိမ်းလည်းဖြစ်တယ်။ အခုလို ကျင်းပရခြင်းဟာ လူငယ်တွေရဲ့ E-Sport နဲ့ပတ်သက်တဲ့ အိမ်မက်တွေကို အကောင်အထည် ဖော်လာနိုင်စေတယ်။ မြန်မာကိုယ်စားပြု Hero ကို အောင်မြင်စွာထုတ်ပေးလာနိုင်ခြင်း E-Sport လောကမှာ အောင်မြင်မှု တစ်ခုလည်းဖြစ်တယ်။ မြန်မာနိုင်ငံမှာ Mobile Legend ကစားတဲ့သူတွေ များတယ်။ ကစားနေသူတွေရဲ့ Gaming အတွေ့အကြုံတွေလည်းများတော့ Hero Character သာ ဂိမ်းထဲ မှာပါရင် ဒီထက်ကောင်းတာ ဘယ်ရှိ ပါ့တော့မလဲဆိုပြီး ထုတ်ဖြစ်သွားတာ ပါလို့ တာဝန်ရှိသူတစ်ဦးက ပြောပြခဲ့ ပါတယ်။ အဆိုပါမိတ်ဆက်ပွဲကို သရုပ် ဆောင်မြင့်မြတ်ကလည်း ဂုဏ်ပြု တက်ရောက်ပေးခဲ့ပါတယ်။
ခိုင်ဝါဝင်း
