ကျွန်မတို့ အိမ်ဟောင်းတစ်လုံးကို ဝယ်လိုက်ကြတယ်။ လင်မယား နှစ်ယောက် သာသာယာယာလေး နေကြမယ်ပေါ့။ အိမ်ကဟောင်းတယ် ဆိုပေမယ့် အလတ်ကြီး။ ပြင်စရာ ရှိတာ နည်းနည်းပါးပါးပြင်ပြီး နံရံ ကပ်စက္ကူတွေ လဲစရာရှိတာ စိတ် ကြိုက်ပြန်လဲလိုက်ရင် သိပ်ကောင်း သွားသိပ်လှသွားမှာ။
ဒီတော့ကာ လောလောဆယ် မှာတော့ လင်မယားနှစ်ယောက်သား ထမင်းစားခန်းကို ယာယီအိပ်ခန်း လုပ်ထားပြီး အိပ်ခန်းကြီးကနေ စ ပြင်ဆင်ကြမယ်။ ကျွန်မက နံရံကပ် စက္ကူဟောင်းတွေကို ခွာဖို့တာဝန်ကျ တယ်။ သူကတော့ ပြင်တာဆင်တာ ဆေးပြန်သုတ်တာ စက္ကူအသစ်ပြန် ကပ်တာ အကုန်လုပ်မတဲ့။ အိုကေ လေ။ ကောင်းသားပဲသူ့အစီအစဉ်က။
သို့သော် အရင်အိမ်ပိုင်ရှင်က ကပ်ထားလိုက်တဲ့ နံရံကပ်စက္ကူတွေ နံရံတွေတင်မက မျက်နှာကျက်မှာ ရောပဲ။ အဲဒါတွေပြန်ခွာရမယ့်ကိစ္စ ကလည်း သိပ်တော့ မချောင်လှ ပေဘူး။ ဒါပေမဲ့ လုပ်ရတာ မဆိုး ပါဘူး။ နေလောင်လို့ ကိုယ့်အရေပြား ကိုယ်ပြန်ခွာရသလိုပဲ။
ငယ်ငယ်တုန်းကဆို အရေပြား ခွာတမ်းတောင် ကစားကြသေးတာ လေ။ နေလောင်တဲ့ အရေပြားကို အရှည်ဆုံး မပြတ်မတောက် ခွာနိုင် တဲ့သူက အနိုင်ပဲ။ ရှင်တို့ ခွာဖူးကြ တယ်မဟုတ်လား။ အနည်းဆုံး ကိုယ့်နှုတ်ခမ်းက အရေပြားလေးကို အသာဆွဲဆွဲပြီး အရေပြားလေး ပြတ်မသွားရအောင်ခွာတာမျိုးတော့ လုပ်ဖူးကြမှာပါ။ အဲဒါလည်း အရသာ တစ်မျိုးရှိပါ့။ အခုလိုဆောင်းတွင်းမျိုး ဆိုအရေပြားခွာလို့ကောင်းမှကောင်း။
အခု နံရံကပ်စက္ကူဟောင်းတွေ ခွာရတာဟာလည်း အဲသလို အရသာ မျိုးပဲ။ ဗြိခနဲ ဆွဲခွာလိုက်ရင်ရပေမယ့် မပြဲမစုတ်အောင် အသာလေး အ သက်အောင့်ပြီး တဗြစ်ဗြစ်နဲ့ ဆွဲခွာ နေရတာဟာ ပျော်စရာလည်း ကောင်း အရသာလဲရှိပါ့။
ဒါပေမဲ့ ခုနံရံကပ် စက္ကူဟောင်း တွေကို ခွာလိုက်တဲ့အခါမတော့ ထူးဆန်းတာ တစ်ခုတွေ့ရတယ်။ စက္ကူတစ်ချပ် ခွာလိုက်ပြီးတိုင်း အဲဒီ စက္ကူကို ကပ်ထားတဲ့ နေရာရဲ့ ထောင့်စွန်းလေးမှာ နာမည်တစ်ခုနဲ့ နေ့စွဲတစ်ခုစီ သံချွန်လိုမျိုးနဲ့ သစ်သား ကိုခြစ်ပြီး ရေးထားတာတွေ တွေ့ရ လေရဲ့။ တစ်ချပ်ခွာလိုက် နာမည် တစ်ခုနဲ့ နေ့စွဲတစ်ခု တွေ့လိုက်၊ နောက်တစ်ချပ်ခွာလိုက် နောက်ထပ် နာမည်တစ်ခုနဲ့ နေ့စွဲတစ်ခုတွေ့ လိုက်နဲ့ အချပ်တိုင်းအောက်မှာ အဲသလိုတွေ တွေ့ရတော့ ကျွန်မရဲ့ သိချင်စိတ်က မနေနိုင်တော့ဘူး။ ဘာလို့ နာမည်တွေနဲ့ နေ့စွဲတွေ ရေးထားရတာပါလိမ့်။ အရင် အိမ် ရှင်ဟောင်းက သူ့မိသားစုဝင်တွေ သူငယ်ချင်းတွေကို နံရံကပ်စက္ကူတွေ ကပ်ခိုင်းပြီး နာမည်တွေ အမှတ်တရ ရေးထားတာများလား။
ဒါနဲ့ ညနေဖက်ရောက်တော့ စိတ်ထဲက မှတ်လာတဲ့ နာမည် တစ်ခုကို ဂူးဂဲလ်မှာရိုက်ပြီး ရှာကြည့် လိုက်မိတယ်။ ချက်ချင်းတန်းတွေ့ တာပါပဲ။ အဲဒီနာမည်နဲ့လူဟာ ပျောက်ဆုံးနေတာ။ ဘယ်နေ့ဘယ် ရက်က ပျောက်သွားတယ်ပေါ့။ မထူး ဆန်းလှပါဘူး။ မှုခင်းသတင်းပါ။ လူ ပျောက်သတင်းပေါ့။ ဒါပေမဲ့ ဆန်း တာကတော့ရှိတယ်။ အဲဒီလူပျောက် ဆုံးသွားတဲ့နေ့ဟာ ကျွန်မခွာခဲ့တဲ့ နံရံ ကပ်စက္ကူအောက် သစ်သားပြင်မှာ လူနာမည်နဲ့တွဲပြီးရေးထားတဲ့ နေ့စွဲနဲ့ ကွက်တိဖြစ်နေတာပဲ။ ဘာကြောင့်ဆို တာ ဘယ်လိုမှကို စဉ်းစားလို့မရဘူး။
ဒါကြောင့် နောက်နေ့မတော့ ကျွန်မခွာပြီးခဲ့သမျှ နံရံကပ်စက္ကူ ဟောင်းတွေအောက်မှာ ရေးထားတဲ့ လူနာမည်တွေနဲ့ နေ့စွဲတွေကို အကုန် ကူးပြီး ဂူးဂဲလ်မှာ ရှာကြည့်လိုက်တယ်။ အကုန်လုံး လူပျောက်တွေချည်းပဲ။ နေ့စွဲတွေအကုန်လုံးကလည်း သူတို့ ပျောက်သွားတဲ့နေ့တွေချည်းပဲ။ ဒီ တော့ကာ ကျွန်မလည်း သိပ်ပြီးခေါင်း ရှုပ်မခံတော့ဘူး။ ရဲကိုပဲဖုန်းဆက်ပြီး အ ကျိုးအကြောင်းပြောပြလိုက်တော့ တယ်။
မကြာပါဘူး ရဲတွေရောက်လာ ကြတယ်။ ကျွမ်းကျင်သူ ပညာရှင် တစ်ယောက်လည်း ပါလာတယ်။ ကျွန်မက ဖြစ်ကြောင်းရယ်ကုန်စင်ကို အသေးစိပ်ထပ်ပြောပြပြီး ကျွန်မခွာ ထားတဲ့ နံရံကပ်စက္ကူတွေရော အဲဒါ တွေအောက်က နံရံမှာ သံချွန်နဲ့ ခြစ်ရေး ထားတဲ့ နာမည်တွေနဲ့ နေ့စွဲတွေကိုရော သေသေချာချာလိုက်ပြလိုက်တယ်။
ကျွမ်းကျင်သူဆိုတဲ့ နားရွက် ကားကား မျက်လုံးပြူးပြူးနဲ့လူက ကျွန်မခွာထားတဲ့ နံရံကပ်စက္ကူချပ် တွေ ကို သေသေချာချာ စစ်ဆေး ကြည့်လိုက်ပြီးတဲ့နောက် ကျွန်မကို မော့ကြည့်ရင်းက ”သေချာပါ တယ်ဗျာ။ လူပါ” လို့ပြောတယ်။ ကျွန်မလည်း သူပြောတာ နားမလည် တော့ ”ဘာလဲရှင့် လူပါဆိုတာ။ ဘာကိုပြောတာလဲ” လို့ ပြန်မေး လိုက်တယ်လေ။ ဒီအခါမှာ သူက ”ခင်ဗျား ခွာထားတာတွေလေ။ အဲ ဒါတွေဟာ လူရဲ့အရေပြားတွေလို့ ပြောတာ။ သေချာပါတယ်။ လူ့ အရေပြားတွေပါပဲ” တဲ့။
ဟက်ကာ
မှတ်ချက် – BatoutoHell
ရေးသားသော “This new old house” ကို မြန်မာလိုပြန်ရေးသည်။
