ပရိသတ်တွေ အခုအချိန်ထိ ကြီးကြီး၊ ငယ်ငယ်အကုန်လုံး ကြိုက်နှစ်သက်ကျတဲ့ အနုပညာရှင်ကတော့ အကယ်ဒမီများရှင် နေအောင်ပါ။ သင်္ကြန်မိုး ဇာတ်ကားထဲက ကိုငြိမ်းမောင်အဖြစ်နဲ့ ပရိသတ်တွေရဲ့ ချစ်ခင်နှစ်သက်မှုကို အခုချိန်ထိ ရရှိပိုင်ဆိုင်ထားသူလည်း ဖြစ်ပါတယ်။ အခုအချိန်မှာ အနုပညာ အလုပ်တွေလုပ်ရင် ဇာတ်ကားတွေကို ရွေးချယ်ရိုက်ကူးတယ်ဆိုတာကို နေအောင်က ”ဇာတ်ကားတွေရိုက်ရင် ကျွန်တော်က ဇာတ်ကို ဖတ်ကြည့်တယ်။ သူဌေးကြီးတစ်ယောက် သမီးလေးရှိတဲ့ မုဆိုးဖို။ ပြီးတော့ သမီးက ကျောင်းတက်တယ်။ နိုင်ငံခြားသွားတယ်။ ပိုက်ဆံချမ်းသာတဲ့ မုဆိုးဖိုကြီးဖြစ်တဲ့အတွက် ပွေ တယ်။ အဲဒီလိုဇာတ်ရုပ်မျိုးဆိုရင် ကျွန်တော်မရိုက်ချင်ဘူး။ လျှာပေါ်မြက်ပေါက်ရင် ပေါက်ပါစေ။ ကျွန်တော်မရိုက်ဘူး။ Public ကိုကောင်းတဲ့ message ကျွန်တော် ပေးချင်တယ်။ တိုင်းသူပြည်သား၊ ညီ အစ်ကိုမောင်နှမအချင်းချင်းကြည့်လို့ ရမယ့်ဟာမျိုး ဖြစ်ရမယ်။ message ကောင်းကောင်းပေးနိုင်ရမယ်။ ဖျော်ဖြေရေးဆိုတာ သူတို့အတွက် အသိ ပညာယူစရာတွေ။ အဲဒါကို ကျွန်တော်တို့က ကောင်း တာတွေပေးမှ အဆင်ပြေမှာလေ”ဆိုပြီး ပြောပြခဲ့ပါတယ်။ မြန်မာ့ရုပ်ရှင်လောက တိုးတက်လာတယ်ဆိုတာကိုလည်း ”အခုမြန်မာ့ရုပ်ရှင်လောက တိုးတက်လာတဲ့အတွက် ဝမ်းသာတယ်။ နောင်လာ၊ နောင် သား၊ တက်လာမယ့်မျိုး ဆက်သစ်တွေအတွက် ဂုဏ်ယူစရာပါ။ အခုနောက်ပိုင်း မင်းသား၊ မင်းသမီးတွေက သိပ်တော်တဲ့ ကလေးတွေ၊ ထာဝရမန္တလေးဇာတ်လမ်းတွဲ ကတည်းကစတာ။ အောင်မင်းခန့်တို့၊ အခုပျားရေအိုင်ဆို အောင်ရေချမ်းလေးကို တော်တော်လေးသဘောကျတယ်။ ဇာတ်လမ်းတွဲတွေက ကားကြီးထက်ကို ဇာတ်လမ်းကိုရွေးချယ်ပြီး သေချာရိုက်ထားတာ။ မြန်မာကားတွေ ပေါကားလို့ပြောရင်လည်း ပြောမှာပေါ့နော်။ မြန်မာကားတွေက ပေါကားမဟုတ်ပါဘူး။ ဇာတ်လမ်း ဇာတ်ကွက်နဲ့ မင်းသား မင်းသမီး အသစ်ကလေးတွေရော၊ အဟောင်း တွေရော အကုန်ကြိုးစားကြပြီးတော့ အချိန်ပေးပြီး ပိုက်ဆံ အကုန်အကျ ခံပြီးတော့ ရိုက်ထားရတာ။ မြန်မာ့ရုပ်ရှင်လောကက အများကြီး တိုးတက်လာတယ်။ပြောင်းလဲလာတယ်” လို့လည်း နေအောင်က ပြောပြခဲ့ပါသေးတယ်။ အကယ်ဒမီဆုပေးပွဲနဲ့ ပတ်သက်ပြီး တော့လည်း နေအောင်က ”အခုအကယ်ဒမီ ဆုပေးပွဲက ကျွန်တော်တို့ခေတ်ကို မီလာပြီ။ ကျွန်တော်တို့ခေတ်တုန်းက ဇာတ်ကား ၁ဝဝ၊ ၁၂ဝ မှာ တစ်ကားတည်း ရွေးပြီးတစ်ဆုပေးတာ။ အခု အကယ်ဒမီ စာရင်းဝင်တာက ၈၃ ကားဆိုတော့။အပြိုင်အဆိုင်တွေများမှ လူက ကြိုးစားတာ၊ တိုး တက်တာ ဆိုတော့လေ။ ကောင်းပါတယ်။ တကယ်တော်ကြတဲ့ ကလေးတွေရမှာပါ” လို့လည်း ပြောပြခဲ့ ပါသေးတယ်။
ခိုင်ဝါဝင်း