သူတို့နှစ်ယောက်ကို မြင်ရင် အမြဲတမ်းလိုလို အချစ်တွေ ပြည့်လျှံ နေတယ်လို့ ထင်ရတဲ့ အနုပညာရှင် ချစ်သူနှစ်ဦးကတော့ ဘေဘီမောင်နဲ့ သားဂန်းပါ။ ချစ်သူသက်တမ်း ငါးလ ကျော် ခြောက်လထဲကို ဝင်နေပြီလည်း ဖြစ်ပါတယ်။ တစ်ယောက်နဲ့ တစ်ယောက် စိတ်ဆိုး၊ စိတ်ကောက် ရန်ဖြစ်ကြတာ သိပ်မရှိဘဲ နားလည်မှု ရှိ တဲ့ အချစ်ရေးကို ပိုင်ဆိုင်ထားကြပါ တယ်။ မကြာခင် အချိန်အတွင်းမှာ လည်း Valentine’s Day နီးလာပြီ ဖြစ်တဲ့ အတွက် Valentine’s Day နဲ့ ပတ်သက်တဲ့ ရင်ခုန်သံတွေကို မေး မြန်းကြည့်တဲ့ အခါမှာတော့ ဘေဘီ မောင်က …
‘ချစ်သူများနေ့ ဆိုပြီး သီးသန့် သတ်မှတ်ထားတာတော့ မရှိဘူး။ နေ့ တိုင်း အချစ်တွေနဲ့ ဖြတ်သန်းနေရ တော့ နေ့ရက်တိုင်းက ချစ်သူများ နေ့ဖြစ်နေတယ်။ ဘေဘီလည်း အသက်က ၂၇၊ ၂၈ ရှိပြီ။ တစ်ခါမှလည်း သူများကို suprise မလုပ်ဖူးဘူး။ ဝါသနာလည်း မပါဘူး။ ထူးထူးခြားခြား ro ဖို့ အစီအစဉ်လည်း မရှိပါဘူး’ လို့ ပြောပြခဲ့ပါ တယ်။
ဘေဘီမောင်ကို ဘာကြောင့် ချစ်မိတယ် ဆိုတာကိုလည်း သားဂန်း က…
‘မက တအားပွင့်လင်းတယ်။ စိတ်ထဲမှာရှိတဲ့ အတိုင်းပြောတတ်တယ်။ မနဲ့ ကျွန်တော်နဲ့ ယှဉ်ရင် မကို ကျွန်တော်က ပိုချစ်တယ်လို့ ထင်တယ်။ ပြီးတော့မက လှတယ်။ အချစ်ရေးမှာ စိတ်ကောက်တာလေး တွေရှိမှ ပျော်ဖို့ကောင်းတာ။ မက တော့ တစ်ခါတလေ စိတ်ကောက်တတ်တယ်။ ကျွန်တော်ကတော့ မကောက်ဘူး။ နှစ်ယောက်စလုံး အနုပညာလုပ်နေတဲ့ သူတွေဆိုတော့ အချိန်တော်တော်များများမှာ တူတူ ရှိနေတယ်။ တစ်ယောက်အကြောင်း တစ်ယောက် ပိုသိလာတော့ ပိုနား လည်လာတယ်။ မက ကျွန်တော်ကို တအား ဂရုစိုက်တယ်’ လို့လည်း ပြောပြခဲ့ပါတယ်။
မင်္ဂလာဆောင်ဖို့ အစီအစဉ်နဲ့ ပတ်သက်ပြီး မေးမြန်းကြည့်တဲ့အခါ ဘေဘီမောင်က…
‘ဘေဘီတို့ နှစ်ယောက်စလုံးက မပြည့်စုံဘူးလေ။ ကိုယ်တွေ နှစ်ယောက်တည်း ဆိုရင် ပွဲအကြီးကြီး လုပ်လို့ရတယ်။ ဒါပေမယ့် ဘေဘီတို့ မှာ မိဘတွေရှိတယ်။ ကိုယ့်အောက်မှာ မောင်နှစ်မတွေ၊ ကျောင်းသူ၊ ကျောင်းသားတွေရှိတယ်။ သူတို့ စား ဝတ်နေရေးကို ကိုယ်တွေက ဖြည့် စည်းပေးနေတဲ့ အခါကျတော့ အကြီး ကြီး ဆောင်လို့မရလောက်ဘူး။ မင်္ဂ လာဆောင်ကိုတော့ သူက ထားဝယ်သားဖြစ်နေတော့ ထားဝယ်လို တစ်ခါ ဆောင်မယ်။ မြန်မာ့ ရိုးရာအတိုင်း တစ်ခါဆောင်မယ်။ ဒီလောက်ပဲ လုပ်ဖြစ်မယ်။ အခုတော့ ဆောင်ဖို့ အစီ အစဉ်က မရှိသေးဘူး။ ဘေဘီတို့ အလုပ်တွေ ကြိုးစားဦးမယ်။ ဆောင်ဖြစ်တော့မယ်ဆိုရင်လည်း ပရိသတ်တွေကို ကြိုတင်အသိပေးပါ့မယ်’ လို့ ပြောပြခဲ့ပါသေးတယ်။
ခိုင်ဝါဝင်း
ဓာတ်ပုံ- မင်းမင်းထွန်း
