ဖေဖော်ဝါရီ ၁ရက်နောက်ပိုင်း နိုင်ငံရေး အပြောင်းအလဲတွေဖြစ်ပြီးနောက်ပိုင်း မြန်မာပြည်မှာ အလုပ်သမား ၁.၂ သန်းကျော် အလုပ် လက်မဲ့ဖြစ်ခဲ့ရပြီး ဆင်းရဲနွမ်းပါးမှုမြင့်တက်လာနေကြောင်း အပြည်ပြည်ဆိုင်ရာ အလုပ်သမားအဖွဲအစည်း (ILO) မှ ထုတ်ပြန်ထားပါတယ်။ILO ရဲ့ခန့်မှန်းချက်အရ ၂၀၂၀ခုနှစ် နောက်ဆုံး ၃လနဲ့ ယှဉ်ရင် ၂၀၂၁ခုနှစ် ဧပြီ၊မေ၊ဇွန် (၃) လအတွင်း အလုပ်ခန့်ထားနှုန်းမှာ ၆%သာ ရှိပါတယ်။ ထပ်ပြီး ၂၀၁၉ နောက်ဆုံး( ၃) လနဲ့ယှဉ်ပါက အလုပ်သမားအားလုံးရဲ့ ၁၅% မှာ အလုပ်လက်မဲ့ဖြစ်သွားရပြီလို့ ILO ကထုတ်ပြန်ထားပါတယ်။
အရှေ့တောင်အာရှမှာ အဆင်းရဲဆုံးနိုင်ငံတွေထဲကတခုဖြစ်တဲ့ မြန်မာနိုင်ငံဟာ လွန်ခဲ့တဲ့ ၂လအတွင်းမှာ ကူးစက်နှုန်းပိုမိုမြန်ဆန်တဲ့ ကိုဗစ် ၁၉ ဒယ်လ်တာမျိုးကွဲ ကူးစက်မှုပြန့်ပွါးမှုကို ထိန်းချုပ်ရန်လည်း ခက်ခဲလာနေပြီး နိုင်ငံရေးအခြေအနေအပြောင်းအလဲကြောင့် စီးပွါးရေး အများစုမှာလည်း ရပ်ဆိုင်းသွားခဲ့ပြီ ဖြစ်ပါတယ်။
အပြည်ပြည်ဆိုင်ရာ အလုပ်သမား အဖွဲအစည်းရဲ့ဖော်ပြချက်အရ နိုင်ငံရေးအကျပ်အတည်းသည် ကိုဗစ်၁၉ ကြောင့် ခက်ခဲနေသော စီးပွါးရေးကို ပိုမိုဆိုးရွားစေခဲ့ မတည်မငြိမ်ဖြစ်စေခဲ့ပြီး ကိုဗစ်အလွန်ပြန်လည်ကောင်းမွန်လာမည့် နိုင်ငံ့စီးပွါးရေးအခြေအနေကိုလည်း ရပ်သွားစေခဲ့ခြင်းဖြစ်သည်။
စီးပွါးရေးလုပ်ငန်းနယ်ပယ်အစုံမှာ အလုပ်အကိုင်အခွင့်အရေး အများဆုံး ဆုံးရှုးနေရတဲ့အထဲမှာ ဆောက်လုပ်ရေးလုပ်ငန်း မှ ၃၅% ၊ အထည်ချုပ် လုပ်ငန်းမှ ၃၁% နှင့် ခရီးသွားဝန်ဆောင်မှုလုပ်ငန်းမှ ၂၅% အသီးသီးဖြင့် ထိခိုက်ဆုံးရှုးမှု အများဆုံးဖြစ်ခဲ့ပြီး အမျိုးသမီးတွေ ဟာ အမျိုးသားတွေထက် ပိုပြီး အလုပ်အကိုင်အခွင့်အလမ်းများဆုံးရှုံးနေကြောင်း ILO ကဖော်ပြထားပါတယ်။
