ကိုဗစ်ကာကွယ်ဆေးထိုးနှံရေးနဲ့ ပတ်သက်ပြီး တပ်မတော်ထံ ဆက်သွယ်ထံ ဆက်သွယ်လာတဲ့ တိုင်းရင်းသားလက်နက်ကိုင် အဖွဲ့များ ရှိနေတဲ့ အတွက် EAOs အခြေစိုက်ရာနေရာများတွင်ပါ ကာကွယ်ဆေးထိုးပေးနိုင်ရေး နစက စီစဉ်နေတယ်လို့သိရပါတယ်။
ဆက်သွယ်လာတဲ့ အဖွဲ့အစည်းနဲ့ ပတ်သတ်ပြီး နစက ဘက်က အသေးစိတ်ထုတ်ပြန်တာတွေ မလုပ်သေးပါဘူး။
နစကဥက္ကဌ ကတော့ တိုင်းရင်းသား လက်နက်ကိုင်အဖွဲ့တွေက ၎င်းတိုနယ်မြေများအတွင်း ကာကွယ်ဆေးထိုးနှံပေး နိုင်ရေး ဆက်သွယ်လာခြင်းများ ရှိနေကြောင်းထုတ်ဖော်ပြော ဆိုထားပြီး တိုင်းဒေသကြီးနဲ့ ပြည်နယ်များ၊ ကိုယ်ပိုင် အုပ်ချုပ်ခွင့်ရ တိုင်း၊ ဒေသများက တာဝန်ရှိသူတွေကို သက်ဆိုင်ရာ EAOs နယ်မြေတွေမှာ ကာကွယ်ဆေးထိုးနှံနိုင်ရေး ကျန်းမာရေး ဝန်ကြီးဌာနက သတ်မှတ်ထားတဲ့ ဦးစားပေးအုပ်စုအလိုက် စာရင်း ပြုစု ဆောင်ရွက်ကြဖို့ မှာကြားထားတာရှိပါတယ်။
တပ်မတော်ဘက်က NCA လမ်းကြောင်းပေါ် ရပ်တည်ပြီး အကြမ်းဖက် အဖွဲ့အစည်းအဖြစ် ကြေငြာထားတဲ့ အဖွဲအစည်းတွေကလွဲလို့ ကျန်မည်သည့်တိုင်းရင်းသား လက် နက်ကိုင်အဖွဲ့ အစည်းတွေနဲ့ မဆို တွေ့ဆုံဆွေးနွေးသွားမယ်လို့ ကမ်းလှမ်းထားတာ ရှိပါတယ်။
နစက ဥက္ကဌက တိုင်းရင်းသား လက်နက်ကိုင် အဖွဲတွေကို ငြိမ်း ချမ်းရေး အမှန်တကယ် လိုချင်ပါက ငြိမ်းချမ်းရေးကို အခြေခံတဲ့ အပြုအမူ၊ အပြောဆို၊ အလုပ်အကိုင်များရှိ ရန်လိုပြီး NCA တွင် လက်မှတ်ရေးထိုးထားခြင်း မရှိတဲ့ အဖွဲတွေ အနေနဲ့လည်း NCA ပါအချက်များအား ထိန်း သိမ်းဆောင်ရွက်မည် ဆိုပါက ငြိမ်းချမ်းရေးပေါ်တွင် ပူး ပေါင်းဆောင်ရွက်ခြင်း၊ ဒီမိုကရေစီ အပေါ်တွင် ပူးပေါင်း ဆောင်ရွက်ခြင်းပင် ဖြစ်တယ်လို့ ပြောဆိုထားပါတယ်။
နောက်ပြီး လက်မှတ်ထိုးခြင်း မထိုးခြင်းထက် ပူးပေါင်းဆောင်ရွက်မှု၊
လိုက်နာဆောင်ရွက်မှု အပြည့်ရှိရန် လိုပြီး ငြိမ်းချမ်းရေးတွင် ပါးစပ်ကပြောနေ၍ မရဘဲ လက်တွေ့လိုက်ပါ လုပ်ဆောင် ရန်နဲ့ ကတိကဝတ်များ တည်ရန် လိုအပ်သလို ကိုယ်တိုင် လည်း ကြိုးစားအားထုတ်ရန် လိုတယ်လို့ နစကဥက္ကဌက ပြောဆိုထားတာရှိပါတယ်။
နိုင်ငံရေးလေ့လာ သုံးသပ်သူ တစ်ဦးက ဆွေးနွေးပွဲတွေကတော့ လုပ်ဖြစ်ကြမယ်ထင်ပါတယ်။ အခုက ကိုဗစ် နဲ့အလုပ်များနေကြတော့ သွားရေးလာရေးကိစ္စတွေလဲ အကန့်သတ်တွေရှိနေပါတယ်လို့ သုံးသပ်ပါတယ်။
ကိုဗစ်ကာကွယ်ဆေး ကိစ္စနဲ့ ပတ်သတ်ပြီးတော့လည်း သူက တရုတ်နယ်စပ် ဖက်မှာရှိတဲ့ EAOs တွေတော့ ညှိနိုင်းဆောင်ရွက်မှုတွေ လမ်းကြောင်းတွေ ရှာပြီးတော့ ကာကွယ်ဆေး ထောက်ပံ့မှုတချို့ကို ရရှိကြတယ်လို့ကြားပါတယ်လို့ ပြောပါတယ်။
ဆက်ပြီး သူက ငြိမ်းချမ်းရေးအတွက်ကတော့ မူလ NCA လမ်းကြောင်းဆိုတာထက် NCA+ ပေါ့နော် ပိုပြီး Proactive Engagement ကိုလုပ်ဖို့ တပ်မတော် ဖက်ကရော EAOs တွေဖက်ကရော Will ရှိဖို့လိုအပ်ပါလိမ့်မယ်လို့ မှတ်ချက်ပြုသုံးသပ်စကားဆိုပါတယ်။
