နိုင်ငံတကာကျောင်းသားများအတွက် “Job Fair for International Students 2021” အလုပ်အကိုင်ပြပွဲအား တောင်ကိုရီးယားတွင် ကျင်းပပြုလုပ်မည်
ရန်ကုန်၊ စက်တင်ဘာ ၁၅
နိုင်ငံတကာရှိ ကျောင်းသားများအတွက် “Job Fair for International Students 2021” အလုပ်အကိုင်ပြပွဲကြီးအား တောင်ကိုရီးယား နိုင်ငံ၊ ဆိုးလ်မြို့၊ ဂန်မ်နမ်ရှိ SETEC 3 Hall တွင် Hyundai Mobis Co.,Ltd အပါအဝင် တောင်ကိုရီးယား ကုမ္ပဏီပေါင်း(၇၀) ကျော်ခန့် ပါဝင်မည်ဖြစ်ပြီး အဆိုပါပွဲအား အောက်တိုဘာလ (၁၂)ရက်မှ (၁၃)ရက်အထိ ကျင်းပပြုလုပ်သွားမည်ဖြစ်ကြောင်းသိရသည်။
ယင်းပြပွဲတွင် ကားကုမ္ပဏီများ၊ Service ပိုင်းနှင့်ဆိုင်သောလုပ်ငန်းများ၊ Start-up business များနှင့် Software နှင့်နည်းပညာပိုင်းဆိုင်ရာ ကုမ္ပဏီများ အစရှိသော ကုမ္ပဏီပေါင်းများသွာပါဝင်ပြသမည်ဖြစ်ကြောင်းသိရသည်။
ထို့နောက် အဆိုပါပွဲအား မြန်မာနိုင်ငံ အပါအဝင် အပြည်ပြည်ဆိုင်ရာမှ တောင်ကိုရီးယားတွင် ပညာလာရောက် သင်ကြားနေကြသော ကျောင်းသားများ အားလုံး လျှောက်ထားနိုင်ပြီး စိတ်ပါဝင်စားသူ မြန်မာကျောင်းသား၊ ကျောင်းသူများ အနေဖြင့် Website Link မှလည်း စက်တင်ဘာ (၂၃)ရက်နေ့မတိုင်မီ ကြိုတင် စာရင်းသွင်းလျှောက်ထားနိုင်ကြောင်း သိရသည်။
