အလုပ်ကိုင်တွေရှားလို့ အလုပ်လွယ်ကူစွာရနိုင်မယ့် ကုန်ထမ်းတဲ့အလုပ်ကို လုပ်ခဲ့တဲ့ ကိုကိုဇော်
ကိုဗစ်ကာလ ကျန်းမာရေးအခြေအနေတွေကြောင့် လုပ်ငန်းတော်တော်များ ရပ်နားထားရတဲ့အချိန်မှာ အဆင်မပြေမှု များဖြစ်နေတဲ့ အချိန် မှာ အလုပ်ရတာ လွယ်ကူတဲ့ ကုန်ထမ်းအလုပ်ကို လုပ်ကိုင်နေသူက အသက်၃၀နှစ်ရှိတဲ့ ကိုကိုဇော်ပဲဖြစ်ပါတယ်။ ကုမ္ပဏီ အလုပ်တွေ နားထား ရတဲ့အချိန်မှာ မိသားစုစားဝတ်နေရေးကြောင့် ကုန်ထမ်းအလုပ်ကို လုပ်ကိုင်ဖြစ်တဲ့အကြောင်းကို အခုလိုပဲပြောပြခဲ့ပါတယ်။
“ ကိုဗစ်ကာလအလုပ်တွေနားထားတော့ ကုမ္ပဏီမှာကလည်း သွားလျှောက်လို့မရ၊အလုပ်ကလည်း မရှိတာနဲ့ စိတ်တွေညစ်နေတဲ့အချိန်မှာ ရရာအလုပ်ကို ဝင်လုပ်မယ်ဆိုပြီး ဒီကုန်ထမ်းတဲ့အလုပ်ကိုဝင်လုပ်ဖြစ်တယ်။စစလုပ်တဲ့အချိန်မှာတော့ သူငယ်ချင်းတွေနဲ့တွေ့ရင် ရှက် တယ်။ မျက်နှာကိုအဝတ်ပတ်ပြီး ကုန်ထမ်းတယ်။ ဒါပေမယ့်နောက်ကျတော့လည်း ကိုယ်လုပ်တဲ့အလုပ်က သမ္မာအာဇီဝကျတဲ့ အလုပ်ပဲ ဖြစ်တဲ့ အတွက်မရှက်မကြောက်ဘဲ ကုန်ထမ်းခဲ့တယ်။ မိသားစု စားဝတ်နေရေးကလည်း ရှိတော့ အလုပ်လုပ်မှ စားရမယ့် အခြေအနေ ဆိုတော့ မလုပ်မဖြစ်တော့ ရရာအလုပ်ကို လုပ်ကိုင်ပြီး စားသောက်နေပါတယ်။ အဓိကက ရိုးရိုးသားသားနဲ့ လုပ်ကိုင်စားသောက်တဲ့ အလုပ် မှန်သမျှမှာ ဂုဏ်ရှိတဲ့အတွက် ဒီကုန်ထမ်းတဲ့ အလုပ်လုပ်ရတာကို မရှက်ပါဘူး။” လို့ပြောပါတယ်။
