(Unicode)
ရန်ကုန်တိရစ္ဆာန်ဥယျာဉ်မှ ဆင်မကြီးမိုမို အသက်ရှင်ကျန်းမာလျက်ရှိ
ရန်ကုန်တိရစ္ဆာန်ဥယျာဉ်မှ ဆင်မကြီးမိုမို ဆုံးပါးသွားပြီဆိုသည့် သတင်းများထွက်ပေါ်လျက်ရှိနေရာ ယင်းမှာ မဟုတ်မှန်ကြောင်း ရန်ကုန်တိရစ္ဆာန်ဥယျာဉ်တာဝန်ရှိသူကပြောသည်။
“ဘာမှမဖြစ်ပါဘူး။ဖေ့ဘုတ်ပေါ်မှာတော့ ဆင်မကြီးမိုမိုဆုံးသွားတယ်ဆိုပြီး သတင်းတွေတက်နေတယ်။တောထဲက မိုမိုကြီးသေသွားတယ်။ အသက်ရေးထားတာလည်း ၇၃နှစ်။ဒီမှာက အသက်က ၆၈နှစ်ပဲ ရှိသေးတယ်လေ။နာမည်တူတာလေ။အဲ့ဒါက။ဘာမှကိုမဖြေရှင်းတော့ဘဲ ဒီအတိုင်းပဲနေနေတာ။ ဒီက ဆင်မကြီးမိုမိုက မနေ့ တစ်နေ့ကပဲ မွေးနေ့လုပ်ထားတာလေ။နောက်ပြီး မြို့ပေါ်က မိုမိုက တောထဲ ဘယ်လိုလုပ်ရောက်မှာလဲ”ဟု ၎င်းကပြောသည်။
မြန်မာဝီကီပီးဒီးယားက မိုမိုသည် ရန်ကုန်မြို့ တိရစ္ဆာန်ဥယျာဉ်မှ ဆင်မတစ်ကောင်ဖြစ်ကာ သူမ၏ ထူးခြားလှသော အသိဉာဏ်စွမ်းရည်ကြောင့် ပြည်သူများအကြားတွင် ဆင်ဟုပြောလျှင်ပင် မိုမိုနှင့်တွဲမြင်သည်အထိ ကျော်ကြားသည်။ သူသည် ရန်ကုန်တိရစ္ဆာန်ဥယျာဉ်သို့ လာရောက်လည်ပတ်သော ကြည့်ရှုလေ့လာသူများအား နှစ်ပေါင်းများစွာတိုင်အောင် ဖျော်ဖြေပေးခဲ့သည်။ နှစ်ပေါင်း ၅၀ကျော်ကြာ ဖျော်ဖြေပေးခဲ့ပြီး ၂၀၁၆ခုနှစ် အောက်တိုဘာလတွင် အနားယူခဲ့သည်ဟု ဖော်ပြထားသည်။
ဆင်မကြီးမိုမိုအား ၁၉၅၃ခုနှစ်တွင် ဖွားမြင်ခဲ့၍ လက်ရှိတွင် အသက် ၆၈နှစ်ပြည့်သွားပြီဖြစ်သည်။
မိုမို၏ အသက်၆၀ပြည့်မွေးနေ့မှစ၍ နှစ်စဉ်အောက်တိုဘာလတွင် သူ၏မွေးနေ့ပွဲကို ရန်ကုန်တိရစ္ဆာန်ဥယျာဉ်တွင် ကျင်းပလေ့ရှိသည်။ ထိုနေ့တွင် ကြံ၊ငှက်ပျောသီး၊သစ်သီးဝလံများဖြင့် မွေးနေ့ကိတ်ပုံစံ ပြုလုပ်ပေးခြင်း၊မိုမိုကိုယ်တိုင် သက်စေ့ငှက်လွှတ်ခြင်းများ ပြုလုပ်လေ့ရှိသည်ဟု သိရသည်။
(Zawgyi)
ရန္ကုန္တိရစာၦန္ဥယ်ာဥ္မွ ဆင္မႀကီးမိုမို အသက္ရွင္က်န္းမာလ်က္ရွိ
ရန္ကုန္တိရစာၦန္ဥယ်ာဥ္မွ ဆင္မႀကီးမိုမို ဆုံးပါးသြားၿပီဆိုသည့္ သတင္းမ်ားထြက္ေပၚလ်က္ရွိေနရာ ယင္းမွာ မဟုတ္မွန္ေၾကာင္း ရန္ကုန္တိရစာၦန္ဥယ်ာဥ္တာဝန္ရွိသူကေျပာသည္။
“ဘာမွမျဖစ္ပါဘူး။ေဖ့ဘုတ္ေပၚမွာေတာ့ ဆင္မႀကီးမိုမိုဆုံးသြားတယ္ဆိုၿပီး သတင္းေတြတက္ေနတယ္။ေတာထဲက မိုမိုႀကီးေသသြားတယ္။ အသက္ေရးထားတာလည္း ၇၃ႏွစ္။ဒီမွာက အသက္က ၆၈ႏွစ္ပဲ ရွိေသးတယ္ေလ။နာမည္တူတာေလ။အဲ့ဒါက။ဘာမွကိုမေျဖရွင္းေတာ့ဘဲ ဒီအတိုင္းပဲေနေနတာ။ ဒီက ဆင္မႀကီးမိုမိုက မေန႔ တစ္ေန႔ကပဲ ေမြးေန႔လုပ္ထားတာေလ။ေနာက္ၿပီး ၿမိဳ႕ေပၚက မိုမိုက ေတာထဲ ဘယ္လိုလုပ္ေရာက္မွာလဲ”ဟု ၎ကေျပာသည္။
ျမန္မာဝီကီပီးဒီးယားက မိုမိုသည္ ရန္ကုန္ၿမိဳ႕ တိရစာၦန္ဥယ်ာဥ္မွ ဆင္မတစ္ေကာင္ျဖစ္ကာ သူမ၏ ထူးျခားလွေသာ အသိဉာဏ္စြမ္းရည္ေၾကာင့္ ျပည္သူမ်ားအၾကားတြင္ ဆင္ဟုေျပာလွ်င္ပင္ မိုမိုႏွင့္တြဲျမင္သည္အထိ ေက်ာ္ၾကားသည္။ သူသည္ ရန္ကုန္တိရစာၦန္ဥယ်ာဥ္သို႔ လာေရာက္လည္ပတ္ေသာ ၾကည့္ရႈေလ့လာသူမ်ားအား ႏွစ္ေပါင္းမ်ားစြာတိုင္ေအာင္ ေဖ်ာ္ေျဖေပးခဲ့သည္။ ႏွစ္ေပါင္း ၅၀ေက်ာ္ၾကာ ေဖ်ာ္ေျဖေပးခဲ့ၿပီး ၂၀၁၆ခုႏွစ္ ေအာက္တိုဘာလတြင္ အနားယူခဲ့သည္ဟု ေဖာ္ျပထားသည္။
ဆင္မႀကီးမိုမိုအား ၁၉၅၃ခုႏွစ္တြင္ ဖြားျမင္ခဲ့၍ လက္ရွိတြင္ အသက္ ၆၈ႏွစ္ျပည့္သြားၿပီျဖစ္သည္။
မိုမို၏ အသက္၆၀ျပည့္ေမြးေန႔မွစ၍ ႏွစ္စဥ္ေအာက္တိုဘာလတြင္ သူ၏ေမြးေန႔ပြဲကို ရန္ကုန္တိရစာၦန္ဥယ်ာဥ္တြင္ က်င္းပေလ့ရွိသည္။ ထိုေန႔တြင္ ႀကံ၊ငွက္ေပ်ာသီး၊သစ္သီးဝလံမ်ားျဖင့္ ေမြးေန႔ကိတ္ပုံစံ ျပဳလုပ္ေပးျခင္း၊မိုမိုကိုယ္တိုင္ သက္ေစ့ငွက္လႊတ္ျခင္းမ်ား ျပဳလုပ္ေလ့ရွိသည္ဟု သိရသည္။
