ကရင်ပြည်နယ် မြဝတီမြို့နယ်အတွင်းသို့ ကူညီပေးရန် ICRC ပထမဦးဆုံးသွားရောက်
စွန့်ခွာရှောင်ပြေးခဲ့ရသည့် ရာနှင့်ချီသောမိသားစုများတည်ရှိရာ ကရင်ပြည်နယ် မြဝတီမြို့နယ်သို့ ယခုရက်သတ္တပတ်အတွင်း အပြည်ပြည်ဆိုင်ရာကြက်ခြေနီအဖွဲ့ ပထမဦးဆုံးအနေဖြင့် သွားရောက်ခဲ့ပြီး ကူညီမှုများပေးအပ်ခဲ့သည်ဟု အဖွဲ့၏ကြေညာချက်အရသိရသည်။
၂၀၂၁ခုနှစ် ဒီဇင်ဘာလလယ်ကတည်းကစတင်ခဲ့သည့် လေးကေ့ကော်တိုက်ပွဲများကြောင့် ရှောင်တိမ်းခဲ့ရသည့် ပြည်သူများအား အကူအညီပေးရန် သွားရောက်ခဲ့ခြင်းဖြစ်ပြီးICRC၏ပထမဆုံးခရီးစဉ်အတွင်း စောင်များ၊ ဖျာများ၊ တာပေါ်လင်များ၊ ခြင်ထောင်များ၊ ရေစစ်အိုးများ၊ သန့်ရှင်းရေးနှင့် ဆေးဝါးပစ္စည်းထားစသည့် အရေးပေါ်ပစ္စည်းများအား မယ်ထော်သလေး နှင့် အင်ကြင်းမြိုင်ရွာများမှ နေရပ်စွန့်မိသားစုထံသို့ ပေးဝေခဲ့သည်ဟု သိရသည်။
ထိုဒေသသို့သွားရောက်ခဲ့သည့် အိုင်စီအာရ်စီအဖွဲ့ကို ဦးဆောင်ခဲ့သည့် Maxime Zabaloueff က“ဒီခရီးစဉ်က ကျွန်တော်တို့ရဲ့ ပထမဆုံးခရီးစဉ်ပါ၊ အခုဆို မြေပြင်မှာလိုအပ်နေတဲ့ အရေးတကြီးလိုအပ်ချက်တွေကိုလည်း သိရှိခဲ့ရပါတယ်။ အထောက်အပံ့အချို့ကိုပေးဝေနေတုန်းမှာပဲ အစားအစာကအစ နေအိမ်နဲ့ သန့်ရှင်းရေးပစ္စည်းတွေအထိ ထောက်ပံ့ပေးဖို့တွေ၊ လက်ရှိအခြေအနေများကြောင့် ဒီတကြိမ်မှာသွားရောက်နိုင်ခဲ့ခြင်းမရှိတဲ့ ဒေသတွေ အပါအဝင်နဲ့ အခြား လိုအပ်နေချက်တွေကို ကူညီသွားဖို့လည်းလိုအပ်နေပါသေးတယ်။ ဒီတကြိမ်မှာ ကူညီမပေးနိုင်ခဲ့တဲ့ မိသားစုတွေအတွက် နောက်ထပ်အထောက်အပံ့တွေနဲ့အတူ ထပ်မံသွားရောက်ချင်ပါတယ်” ဟု ပြောပြသည်။
ICRCသည် ပစ္စည်း အချို့ကို လိုအပ်ချိန်တွင် အမြန်ဆုံးကူညီဆောင်ရွက်ရာတွင် အရေးပေါ်အထောက်အပံ့များအဖြစ် အသုံးပြုနိုင်ရန် မိတ်ဖက်အဖွဲ့အစည်းဖြစ်သည့် မြန်မာနိုင်ငံကြက်ခြေနီအသင်းသို့ ပေးအပ်ခဲ့မှုလည်း ဆောင်ရွက်ခဲ့သည်။
ကရင်ပြည်နယ် မြဝတီမြို့နယ်အခြေအနေ နှင့် ပတ်သတ်ပြီး ICRCက ထိုဒေသတွင် တိုက်ခိုက်မှုများဆက်လက်ဖြစ်ပွားနေသည့်အကြောင်း၊ အခြေအနေများမှာ တည်ငြိမ်မှုမရှိဘဲ တင်းမာလျက်ရှိသည့်အကြောင်း၊ ထောင်ပေါင်းများစွာမှာ မိမိတို့နေအိမ်များကိုစွန့်ခွာခဲ့ရပြီး လုံခြုံသောနေရာများကိုရှာဖွေလျက်ရှိသည့်အကြောင်းနှင့် အထူးသဖြင့် လေးကေကော်ဒေသမှသူများဖြစ်ပြီး နေထိုင်ရာနေရာသို့ ပြန်လည်ရောက်ရှိနိုင်ခြင်းရှိမရှိမှာလည်း သေချာမှုမရှိပါဟု သတင်းထုတ်ပြန်ထားသည်။
Zaw Gyi
ကရင္ျပည္နယ္ ျမဝတီၿမိဳ႕နယ္အတြင္းသို႔ ကူညီေပးရန္ ICRC ပထမဦးဆုံးသြားေရာက္
စြန႔္ခြာေရွာင္ေျပးခဲ့ရသည့္ ရာႏွင့္ခ်ီေသာမိသားစုမ်ားတည္ရွိရာ ကရင္ျပည္နယ္ ျမဝတီၿမိဳ႕နယ္သို႔ ယခုရက္သတၱပတ္အတြင္း အျပည္ျပည္ဆိုင္ရာၾကက္ေျခနီအဖြဲ႕ ပထမဦးဆုံးအေနျဖင့္ သြားေရာက္ခဲ့ၿပီး ကူညီမႈမ်ားေပးအပ္ခဲ့သည္ဟု အဖြဲ႕၏ေၾကညာခ်က္အရသိရသည္။
၂၀၂၁ခုႏွစ္ ဒီဇင္ဘာလလယ္ကတည္းကစတင္ခဲ့သည့္ ေလးေက့ေကာ္တိုက္ပြဲမ်ားေၾကာင့္ ေရွာင္တိမ္းခဲ့ရသည့္ ျပည္သူမ်ားအား အကူအညီေပးရန္ သြားေရာက္ခဲ့ျခင္းျဖစ္ၿပီးICRC၏ပထမဆုံးခရီးစဥ္အတြင္း ေစာင္မ်ား၊ ဖ်ာမ်ား၊ တာေပၚလင္မ်ား၊ ျခင္ေထာင္မ်ား၊ ေရစစ္အိုးမ်ား၊ သန႔္ရွင္းေရးႏွင့္ ေဆးဝါးပစၥည္းထားစသည့္ အေရးေပၚပစၥည္းမ်ားအား မယ္ေထာ္သေလး ႏွင့္ အင္ၾကင္းၿမိဳင္႐ြာမ်ားမွ ေနရပ္စြန႔္မိသားစုထံသို႔ ေပးေဝခဲ့သည္ဟု သိရသည္။
ထိုေဒသသို႔သြားေရာက္ခဲ့သည့္ အိုင္စီအာရ္စီအဖြဲ႕ကို ဦးေဆာင္ခဲ့သည့္ Maxime Zabaloueff က“ဒီခရီးစဥ္က ကြၽန္ေတာ္တို႔ရဲ႕ ပထမဆုံးခရီးစဥ္ပါ၊ အခုဆို ေျမျပင္မွာလိုအပ္ေနတဲ့ အေရးတႀကီးလိုအပ္ခ်က္ေတြကိုလည္း သိရွိခဲ့ရပါတယ္။ အေထာက္အပံ့အခ်ိဳ႕ကိုေပးေဝေနတုန္းမွာပဲ အစားအစာကအစ ေနအိမ္နဲ႔ သန႔္ရွင္းေရးပစၥည္းေတြအထိ ေထာက္ပံ့ေပးဖို႔ေတြ၊ လက္ရွိအေျခအေနမ်ားေၾကာင့္ ဒီတႀကိမ္မွာသြားေရာက္ႏိုင္ခဲ့ျခင္းမရွိတဲ့ ေဒသေတြ အပါအဝင္နဲ႔ အျခား လိုအပ္ေနခ်က္ေတြကို ကူညီသြားဖို႔လည္းလိုအပ္ေနပါေသးတယ္။ ဒီတႀကိမ္မွာ ကူညီမေပးႏိုင္ခဲ့တဲ့ မိသားစုေတြအတြက္ ေနာက္ထပ္အေထာက္အပံ့ေတြနဲ႔အတူ ထပ္မံသြားေရာက္ခ်င္ပါတယ္” ဟု ေျပာျပသည္။
ICRCသည္ ပစၥည္း အခ်ိဳ႕ကို လိုအပ္ခ်ိန္တြင္ အျမန္ဆုံးကူညီေဆာင္႐ြက္ရာတြင္ အေရးေပၚအေထာက္အပံ့မ်ားအျဖစ္ အသုံးျပဳႏိုင္ရန္ မိတ္ဖက္အဖြဲ႕အစည္းျဖစ္သည့္ ျမန္မာႏိုင္ငံၾကက္ေျခနီအသင္းသို႔ ေပးအပ္ခဲ့မႈလည္း ေဆာင္႐ြက္ခဲ့သည္။
ကရင္ျပည္နယ္ ျမဝတီၿမိဳ႕နယ္အေျခအေန ႏွင့္ ပတ္သတ္ၿပီး ICRCက ထိုေဒသတြင္ တိုက္ခိုက္မႈမ်ားဆက္လက္ျဖစ္ပြားေနသည့္အေၾကာင္း၊ အေျခအေနမ်ားမွာ တည္ၿငိမ္မႈမရွိဘဲ တင္းမာလ်က္ရွိသည့္အေၾကာင္း၊ ေထာင္ေပါင္းမ်ားစြာမွာ မိမိတို႔ေနအိမ္မ်ားကိုစြန႔္ခြာခဲ့ရၿပီး လုံၿခဳံေသာေနရာမ်ားကိုရွာေဖြလ်က္ရွိသည့္အေၾကာင္းႏွင့္ အထူးသျဖင့္ ေလးေကေကာ္ေဒသမွသူမ်ားျဖစ္ၿပီး ေနထိုင္ရာေနရာသို႔ ျပန္လည္ေရာက္ရွိႏိုင္ျခင္းရွိမရွိမွာလည္း ေသခ်ာမႈမရွိပါဟု သတင္းထုတ္ျပန္ထားသည္။
