(Unicode)
မိုးဗြဲမြို့တွင် တိုက်ပွဲဖြစ်ပွားနေမှုကြောင့် ဒေသခံများဘေးလွတ်ရာသို့ တိမ်းရှောင်နေရ
ရှမ်းပြည်(တောင်ပိုင်း)၊မိုးဗြဲမြို့အနီးတဝိုက်တွင် ဖေဖော်ဝါရီ ၁၅ ရက်မှစတင်၍ နစက ၏လုံခြုံ ရေးအဖွဲ့ဝင်များနှင့်ဒေသခံအဖွဲ့များကြား၌ ထိတွေ့တိုက်ပွဲများဖြစ်ပွားကာ လက်နက်ကြီးပစ် ခတ်မှုများရှိ၍ ဒေသခံများမှာဘေးလွတ်ရာသို့ ရှောင်တိမ်းနေရပြီး ထိခိုက်ဒဏ်ရာရရှိမှုများလည်း ရှိနေသည်ဟု လူမှုကူညီရေးအသင်းများမှ သိရသည်။
မိုးဗြဲမြို့အနီးတဝိုက်၌ တိုက်ပွဲများဖြစ်ပွားနေခြင်းဖြစ်ပြီး လက်နက်ကြီးပစ်ခတ်မှုများသည် လူနေ ထိုင်ရာနေရာများအနီး၌ ကျရောက်ပေါက်ကွဲခဲ့သဖြင့် ထိခိုက်ဒဏ်ရာရသူများနှင့်သက်ကြီးရွယ်အိုများ၊မြို့အတွင်းပိတ်မိနေသူများအား လူမှုကူညီရေးအသင်းဝင်များက ဘေးလွတ်ရာသို့ကယ်ထုတ်ပေးလျက်ရှိသည်။
“ဒဏ်ရာရတဲ့လူတွေကို အတတ်နိုင်ဆုံးကုသမှုတွေလုပ်ပေးပြီးဆေးရုံကိုပို့ပေးတယ် မြို့ထဲကအသက်ကြီးတဲ့သူတွေကိုလည်း စစ်ဘေးလွတ်တဲ့နေရာတွေကိုပို့ပေးနေရတယ်”ဟုမိုးဗြဲမြို့အခြေ စိုက်လူမှုကူညီရေးအသင်းဝင်တစ်ဦးကပြော သည်။
မိုးဗြဲမြို့နေသူအများစုသည် တိုက်ပွဲဖြစ်ပွားနေမှုကြောင့် စစ်ဘေးလွတ်ကင်းသည့်နေရာများရှိ ဘုန်းတော်ကြီးကျောင်းများ၊စာသင်ကျောင်းများ၊ခရစ်ယာန်ဘုရားကျောင်းများနှင့်ဆွေမျိုးများရှိသည့် နေရာများ၌ရောက်ရှိတိမ်းရှောင်နေရသည်။
ထို့ပြင် ထိတွေ့တိုက်ပွဲဖြစ်ပွားနေသည့် မိုးဗြဲမြို့တွင်လည်း အင်တာနက်လိုင်းများဖြတ်တောက်ခံထားရပြီး ယနေ့နံနက်ပိုင်း လက်နက်ကြီးကျရောက်ပေါက်ကွဲမှုများကြောင့် ဒေသခံအချို့တွင် ထိခိုက်ဒဏ်ရာရရှိမှုများဖြစ်ပေါ်ခဲ့သည်ဟု သိရသည်။
တိုက်ပွဲဖြစ်ပွားနေသည့် ဧရိယာအတွင်း ပိတ်မိနေသူများအနေဖြင့် ၎င်းတို့ထံဆက်သွယ်အကူအညီတောင်းခံနိုင်ကာ ကူညီကယ်ထုတ်ပေးမှုများပြုလုပ်ပေးသွားမည်ဟု Mobye Rescue Team မှထုတ်ပြန်အသိပေးထားသည်။
Photo-Mobye Rescue Team
(Zawgyi)
မိုးၿဗဲၿမိဳ႕တြင္ တိုက္ပြဲျဖစ္ပြားေနမႈေၾကာင့္ ေဒသခံမ်ားေဘးလြတ္ရာသို႔ တိမ္းေရွာင္ေနရ
ရွမ္းျပည္(ေတာင္ပိုင္း)၊မိုးၿဗဲၿမိဳ႕အနီးတဝိုက္တြင္ ေဖေဖာ္ဝါရီ ၁၅ ရက္မွစတင္၍ နစက ၏လုံၿခဳံ ေရးအဖြဲ႕ဝင္မ်ားႏွင့္ေဒသခံအဖြဲ႕မ်ားၾကား၌ ထိေတြ႕တိုက္ပြဲမ်ားျဖစ္ပြားကာ လက္နက္ႀကီးပစ္ ခတ္မႈမ်ားရွိ၍ ေဒသခံမ်ားမွာေဘးလြတ္ရာသို႔ ေရွာင္တိမ္းေနရၿပီး ထိခိုက္ဒဏ္ရာရရွိမႈမ်ားလည္း ရွိေနသည္ဟု လူမႈကူညီေရးအသင္းမ်ားမွ သိရသည္။
မိုးၿဗဲၿမိဳ႕အနီးတဝိုက္၌ တိုက္ပြဲမ်ားျဖစ္ပြားေနျခင္းျဖစ္ၿပီး လက္နက္ႀကီးပစ္ခတ္မႈမ်ားသည္ လူေန ထိုင္ရာေနရာမ်ားအနီး၌ က်ေရာက္ေပါက္ကြဲခဲ့သျဖင့္ ထိခိုက္ဒဏ္ရာရသူမ်ားႏွင့္သက္ႀကီး႐ြယ္အိုမ်ား၊ၿမိဳ႕အတြင္းပိတ္မိေနသူမ်ားအား လူမႈကူညီေရးအသင္းဝင္မ်ားက ေဘးလြတ္ရာသို႔ကယ္ထုတ္ေပးလ်က္ရွိသည္။
“ဒဏ္ရာရတဲ့လူေတြကို အတတ္ႏိုင္ဆုံးကုသမႈေတြလုပ္ေပးၿပီးေဆး႐ုံကိုပို႔ေပးတယ္ ၿမိဳ႕ထဲကအသက္ႀကီးတဲ့သူေတြကိုလည္း စစ္ေဘးလြတ္တဲ့ေနရာေတြကိုပို႔ေပးေနရတယ္”ဟုမိုးၿဗဲၿမိဳ႕အေျခ စိုက္လူမႈကူညီေရးအသင္းဝင္တစ္ဦးကေျပာ သည္။
မိုးၿဗဲၿမိဳ႕ေနသူအမ်ားစုသည္ တိုက္ပြဲျဖစ္ပြားေနမႈေၾကာင့္ စစ္ေဘးလြတ္ကင္းသည့္ေနရာမ်ားရွိ ဘုန္းေတာ္ႀကီးေက်ာင္းမ်ား၊စာသင္ေက်ာင္းမ်ား၊ခရစ္ယာန္ဘုရားေက်ာင္းမ်ားႏွင့္ေဆြမ်ိဳးမ်ားရွိသည့္ ေနရာမ်ား၌ေရာက္ရွိတိမ္းေရွာင္ေနရသည္။
ထို႔ျပင္ ထိေတြ႕တိုက္ပြဲျဖစ္ပြားေနသည့္ မိုးၿဗဲၿမိဳ႕တြင္လည္း အင္တာနက္လိုင္းမ်ားျဖတ္ေတာက္ခံထားရၿပီး ယေန႔နံနက္ပိုင္း လက္နက္ႀကီးက်ေရာက္ေပါက္ကြဲမႈမ်ားေၾကာင့္ ေဒသခံအခ်ိဳ႕တြင္ ထိခိုက္ဒဏ္ရာရရွိမႈမ်ားျဖစ္ေပၚခဲ့သည္ဟု သိရသည္။
တိုက္ပြဲျဖစ္ပြားေနသည့္ ဧရိယာအတြင္း ပိတ္မိေနသူမ်ားအေနျဖင့္ ၎တို႔ထံဆက္သြယ္အကူအညီေတာင္းခံႏိုင္ကာ ကူညီကယ္ထုတ္ေပးမႈမ်ားျပဳလုပ္ေပးသြားမည္ဟု Mobye Rescue Team မွထုတ္ျပန္အသိေပးထားသည္။
Photo-Mobye Rescue Team
