စက်သုံးဆီစျေးမြင့်တက်နေသဖြင့် လူမှုကူညီရေးအသင်းအချို့ရပ်နားထားရမှုများဖြစ်ပေါ်နေ

စက်သုံးဆီစျေးမြင့်တက်နေသဖြင့် လူမှုကူညီရေးအသင်းအချို့ရပ်နားထားရမှုများဖြစ်ပေါ်နေ

စက်သုံးဆီစျေးနှုန်းများမြင့်တက်လာနေ၍ ရန်ကုန် တိုင်းအပါအဝင် တိုင်းနှင့်ပြည်နယ်အသီးသီးရှိ လူမှုကူညီကယ်ဆယ်ရေးအသင်းအချို့မှ ရပ် နားထားရမှုများရှိနေသည်ဟု လူမှုကူညီရေးအ သင်းများမှ သိရသည်။

ယခင် စက်သုံးဆီစျေးနှုန်းများမြင့်တက်ခြင်းမရှိမီက အကူအညီတောင်းခံသူများအား လိုက်လံပို့ ဆောင်ရာတွင် အခမဲ့ ပို့ဆောင်ပေးခဲ့ကြပြီး စက်သုံးဆီဖိုးအဖြစ်ပြန်လည်လှူဒါန်းမှသာလက်ခံခဲ့ကြကာ ငွေကြေးတောင်းခံခြင်းမပြုလုပ်ခဲ့ကြကြောင်း လူမှုကူညီရေးအသင်းများမှ သိရသည်။

“အရင်ကဆိုရင် ရန်ကုန်မြို့နဲ့ မိုင် ၅၀ အကွာကိုအ ခမဲ့ပို့ပေးတယ် အခုကြတော့မြို့တွင်းပို့ပေးရရင် တောင် ပြည့်စုံတဲ့လူဆိုရင် ဆီဖိုးလေးပြန်လှူပေးပါလို့ပြောရတာ အခုဆိုရင်အဲ့လို အလှူခံပြီးမှပို့ပေးနိုင်တော့တယ် နွမ်းပါးတဲ့လူတွေဆိုရင်တော့လည်း အခမဲ့ပို့ပေးလိုက်တာပါပဲ”ဟုရှင်သန်ရေးကူညီမှုအသင်း ဥက္ကဋ္ဌဦးထွန်းထွန်းဦးကပြော သည်။

စက်သုံးဆီစျေးနှုန်းမြင့်တက်လာ၍ လူမှုကူညီရေးအသင်းအချို့မှာ ကူညီရေးလုပ်ငန်းများအား ရပ် နားထားရပြီး ဆက်လက်ကူညီနေသည့် အသင်းအချို့မှာမူ စက်သုံးဆီဝယ်ယူရန် ငွေကြေးချေးယူ ၍ ဝယ်ယူဖြည့်တင်းရခြင်း၊ငွေကြေးတတ်နိုင်သည့် အသင်းတာဝန်ရှိသူများမှစက်သုံးဆီဖိုးစိုက် ထုတ်၍ ဝယ်ယူဖြည့်တင်းကာ ကူညီမှုများပြုလုပ်ပေးနေရကြောင်း သိရသည်။

“အခုကတော့ အိတ်စိုက်နဲ့အကြွေးနဲ့ပဲ ကူညီရေးတွေလုပ်နေရတာပေါ့ လူမှုကူညီရေးအသင်းတွေကို တတ်နိုင်သလောက်ဝိုင်းဝန်းကူညီပေးပါလို့ပြောချင်ပါတယ်”ဟုဦးထွန်းထွန်းဦးကပြော သည်။

စက်သုံးဆီစျေးနှုန်းများမြင့်တက်ခြင်းမရှိခင်က တစ်နေ့လျှင် လူနာပို့ဆောင်ရသည့် လမ်းကြောင်းများအပေါ်မူတည်၍ စက်သုံးဆီဝယ်ယူခ ၂ သိန်းခန့်ကုန်ကျပြီး လက်ရှိအချိန်တွင် စက်သုံးဆီစျေးနှုန်းမြင့်တက်လာသဖြင့် ၃ သိန်းကျော်ခန့်ကုန်ကျလျက်ရှိသည်ဟု သိရသည်။

“အသင်းတော်တော်များများကတော့ရပ်သွားကြပြီ ဆီစျေးကြီးတော့ဘယ်လိုမှမတတ်နိုင်ကြတော့ဘူး အလှူရှင်များတဲ့အသင်းတွေဆိုရင်လည်း ချင့်ချိန်ပြီးလုပ်နေရတာပဲ အလှူရှင်နည်းတဲ့အသင်းတွေကတော့ လက်ရှိဆီစျေးနဲ့က ရှေ့ဆက်ကူညီဖို့မတတ်နိုင်တဲ့အဆုံးမှာနားရတာပေါ့ ဆီစျေးပြန်ကျသွားပြီဆိုရင်တော့ ကူညီရေးတွေဆက်လုပ်သွားမယ်”ဟု ယာယီရပ်နားခဲ့သည့် လူမှုကူညီရေးအသင်း၏ အသင်းဝင်တစ်ဦးကပြောသည်။

Zaw Gyi

စက္သုံးဆီေစ်းျမင့္တက္ေနသျဖင့္ လူမႈကူညီေရးအသင္းအခ်ိဳ႕ရပ္နားထားရမႈမ်ားျဖစ္ေပၚေန

စက္သုံးဆီေစ်းႏႈန္းမ်ားျမင့္တက္လာေန၍ ရန္ကုန္ တိုင္းအပါအဝင္ တိုင္းႏွင့္ျပည္နယ္အသီးသီးရွိ လူမႈကူညီကယ္ဆယ္ေရးအသင္းအခ်ိဳ႕မွ ရပ္ နားထားရမႈမ်ားရွိေနသည္ဟု လူမႈကူညီေရးအ သင္းမ်ားမွ သိရသည္။

ယခင္ စက္သုံးဆီေစ်းႏႈန္းမ်ားျမင့္တက္ျခင္းမရွိမီက အကူအညီေတာင္းခံသူမ်ားအား လိုက္လံပို႔ ေဆာင္ရာတြင္ အခမဲ့ ပို႔ေဆာင္ေပးခဲ့ၾကၿပီး စက္သုံးဆီဖိုးအျဖစ္ျပန္လည္လႉဒါန္းမွသာလက္ခံခဲ့ၾကကာ ေငြေၾကးေတာင္းခံျခင္းမျပဳလုပ္ခဲ့ၾကေၾကာင္း လူမႈကူညီေရးအသင္းမ်ားမွ သိရသည္။

“အရင္ကဆိုရင္ ရန္ကုန္ၿမိဳ႕နဲ႔ မိုင္ ၅၀ အကြာကိုအ ခမဲ့ပို႔ေပးတယ္ အခုၾကေတာ့ၿမိဳ႕တြင္းပို႔ေပးရရင္ ေတာင္ ျပည့္စုံတဲ့လူဆိုရင္ ဆီဖိုးေလးျပန္လႉေပးပါလို႔ေျပာရတာ အခုဆိုရင္အဲ့လို အလႉခံၿပီးမွပို႔ေပးႏိုင္ေတာ့တယ္ ႏြမ္းပါးတဲ့လူေတြဆိုရင္ေတာ့လည္း အခမဲ့ပို႔ေပးလိုက္တာပါပဲ”ဟုရွင္သန္ေရးကူညီမႈအသင္း ဥကၠ႒ဦးထြန္းထြန္းဦးကေျပာ သည္။

စက္သုံးဆီေစ်းႏႈန္းျမင့္တက္လာ၍ လူမႈကူညီေရးအသင္းအခ်ိဳ႕မွာ ကူညီေရးလုပ္ငန္းမ်ားအား ရပ္ နားထားရၿပီး ဆက္လက္ကူညီေနသည့္ အသင္းအခ်ိဳ႕မွာမူ စက္သုံးဆီဝယ္ယူရန္ ေငြေၾကးေခ်းယူ ၍ ဝယ္ယူျဖည့္တင္းရျခင္း၊ေငြေၾကးတတ္ႏိုင္သည့္ အသင္းတာဝန္ရွိသူမ်ားမွစက္သုံးဆီဖိုးစိုက္ ထုတ္၍ ဝယ္ယူျဖည့္တင္းကာ ကူညီမႈမ်ားျပဳလုပ္ေပးေနရေၾကာင္း သိရသည္။

“အခုကေတာ့ အိတ္စိုက္နဲ႔အေႂကြးနဲ႔ပဲ ကူညီေရးေတြလုပ္ေနရတာေပါ့ လူမႈကူညီေရးအသင္းေတြကို တတ္ႏိုင္သေလာက္ဝိုင္းဝန္းကူညီေပးပါလို႔ေျပာခ်င္ပါတယ္”ဟုဦးထြန္းထြန္းဦးကေျပာ သည္။

စက္သုံးဆီေစ်းႏႈန္းမ်ားျမင့္တက္ျခင္းမရွိခင္က တစ္ေန႔လွ်င္ လူနာပို႔ေဆာင္ရသည့္ လမ္းေၾကာင္းမ်ားအေပၚမူတည္၍ စက္သုံးဆီဝယ္ယူခ ၂ သိန္းခန္႔ကုန္က်ၿပီး လက္ရွိအခ်ိန္တြင္ စက္သုံးဆီေစ်းႏႈန္းျမင့္တက္လာသျဖင့္ ၃ သိန္းေက်ာ္ခန္႔ကုန္က်လ်က္ရွိသည္ဟု သိရသည္။

“အသင္းေတာ္ေတာ္မ်ားမ်ားကေတာ့ရပ္သြားၾကၿပီ ဆီေစ်းႀကီးေတာ့ဘယ္လိုမွမတတ္ႏိုင္ၾကေတာ့ဘူး အလႉရွင္မ်ားတဲ့အသင္းေတြဆိုရင္လည္း ခ်င့္ခ်ိန္ၿပီးလုပ္ေနရတာပဲ အလႉရွင္နည္းတဲ့အသင္းေတြကေတာ့ လက္ရွိဆီေစ်းနဲ႔က ေရွ႕ဆက္ကူညီဖို႔မတတ္ႏိုင္တဲ့အဆုံးမွာနားရတာေပါ့ ဆီေစ်းျပန္က်သြားၿပီဆိုရင္ေတာ့ ကူညီေရးေတြဆက္လုပ္သြားမယ္”ဟု ယာယီရပ္နားခဲ့သည့္ လူမႈကူညီေရးအသင္း၏ အသင္းဝင္တစ္ဦးကေျပာသည္။