ဒေါ်အောင်ဆန်းစုကြည် Quarantine ဝင်နေရသဖြင့် ယနေ့ရုံးချိန်းသို့ လာရောက်နိုင်ခြင်းမရှိ
နေပြည်တော်၊ဇဗ္ဗူသီရိမြို့နယ် အထူးတရားရုံး၌ တရားစွဲဆိုခံထားရသည့် အမှုများအတွက် တရားရင်ဆိုင်နေရသည့် ဒေါ်အောင်ဆန်းစုကြည်သည် Quarantine ဝင်နေရသဖြင့် ယနေ့ရုံးချိန်းသို့လာရောက်နိုင်ခြင်းမရှိခဲ့ကြောင်း ရှေ့နေအသိုင်းအ ဝိုင်းမှသိရသည်။
ဒေါ်အောင်ဆန်းစုကြည့်နှင့်အတူနေသူအချို့၌ ကိုဗစ်(၁၉)ရောဂါကူးစက်ဖြစ်ပွားနေသဖြင့် ၎င်းမှာလည်း Quarantine ဝင်နေရခြင်းဖြစ်ကြောင်း သိရသည်။
“ဒေါ်အောင်ဆန်းစုကြည်ကတော့ ကိုဗစ်မဖြစ်ပါဘူး ဒါပေမယ့် အတူနေသူတွေမှာဖြစ်နေတော့ သူလည်း ကွာရန်တင်းဝင်နေရတဲ့သဘောပါ ပြီးခဲ့တဲ့အပတ်ရုံးချိန်း ကြာသာပတေးနေ့ထဲကရုံးချိန်းမလာရောက်နိုင်တာပါ”ဟုရှေ့နေတစ်ဦးကပြော သည်။
လက်ရှိတွင် ဒေါ်အောင်ဆန်းစုကြည်နှင့်အတူနေ ထိုင်သူ ၈ ဦးရှိကာ ကိုဗစ်(၁၉)ရောဂါကူးစက်ဖြစ် ပွားနေသူဦးရေအား သိရှိရခြင်းမရှိကြောင်း ရှေ့ နေအသိုင်းအဝိုင်းမှ သိရသည်။
“ပြီးခဲ့အပတ်ရုံးချိန်း ဒီနေ့ရုံးချိန်းနဲ့နောက်ရက်ရုံး ချိန်းကိုလည်း မလာနိုင်ဘူးလို့သိရတယ် Quarantine ရက်ပြည့်သွားတဲ့အခါလာမယ့်ရုံး ချိန်းတွေကိုတော့တက်မှာပါ လက်ရှိဒေါ်အောင်ဆန်းစုကြည်ရဲ့ကျန်းမာရေးအခြေအနေကတော့ ကောင်းတယ်လို့ကြားတယ်”ဟုရှေ့နေတစ်ဦးကပြောသည်။
