မြန်မာနိုင်ငံနှင့်သင့်တော်သည့် ဖက်ဒရယ်အုပ် ချုပ်မှုစနစ်ကပိုကောင်းမည်ဟု EAO များကို သေချာနားလည်အောင် ရှင်းပြရမည်ဟု နစက ဥက္ကဋ္ဌပြော
ငြိမ်းချမ်းရေးရရှိရေးအတွက် ဆောင်ရွက်လျက်ရှိသည့်အခြေအနေနှင့်မြန်မာနိုင်ငံဖြင့် သင့်တော်သည့် ဖက်ဒရယ်အုပ်ချုပ်မှုစနစ်သည် ပိုမိုကောင်းမွန်ကြောင်းဖော်ထုတ်ရရှိခြင်း တို့နှင့်ပတ်သက်၍ နစက ဥက္ကဋ္ဌက ပြည်ထောင်စုအစိုးရအဖွဲ့အစည်း အဝေး(၃/၂၀၂၂)တွင်အမှာစကားပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
“၁၉၄၇ ခုနှစ်က ချုပ်ဆိုခဲ့တဲ့ ပင်လုံစာချုပ်အရဖြစ်လာတဲ့ ပြည်ထောင်စုနေ့အပေါ်မှာ အဓိပ္ပါယ်အမျိုးမျိုးဖွဲ့ပြီး တောင်းဆိုချက်အမျိုးမျိုးကြောင့်ဖြစ်လာတဲ့ တိုင်းရင်းသားလက်နက်ကိုင် ပဋိပက္ခဟာ၇၅နှစ်တာကာလကိုရောက်လာပြီဖြစ်ပါတယ် ။
၁၉၄၈ ခုနှစ်လွတ်လပ်ရေးရပြီးတဲ့အချိန်မှာ နိုင်ငံရေးသဘောထားကွဲလွဲမှု ၊ဒါက ကွန်မြူနစ်ကနေပြီး လွတ်လပ်ရေးဆိုတာ တိုက်မှ ရတယ်ဆိုပြီး အဲ့ဒီကနေ ၁၉၄၈ ခုနှစ်၊မတ် ၂၈ ရက်နေ့မှာ တောခိုတာတွေကစပြီး ကွန်မြူနစ်လက်နက်ကိုင်ပဋိပက္ခကနေစခဲ့တာကြောင့် ပြည်တွင်းမှာ လက်နက်ကိုင်ပဋိပက္ခတွေဖြစ်လာခဲ့တာပါ”ဟု နစက ဥက္ကဋ္ဌကပြောသည်။
“အဲ့ဒီရဲ့ဇစ်မြစ်က ခုထိကျွန်တော်တို့ အကင်းမသေသေးပါဘူး ။ ဒါကိုကျွန်တော်တို့က ဖြေရှင်းနိုင်ဖို့အတွက်ခေတ်အဆက်ဆက်လည်းကြိုးစားခဲ့တယ်။ ဦးနု လက်ထက် ဗိုလ်ချုပ်ကြီးနေဝင်းလက်ထက်တွေမှာလည်း ငြိမ်းချမ်းရေးဖိတ်ခေါ်မှုတွေလုပ်ခဲ့တယ် အောင်မြင်တာတွေရှိသလို မအောင်မြင်တာတွေလည်းရှိတယ်။ လူတွေထောင်နဲ့ချီပြီး လက်နက်စွန့်လွှတ်ခဲ့တာတွေလည်းရှိတယ်။ ဒါတွေကို မှတ်တမ်းထဲမှာ ပြန်ကြည့်လို့ရှိရင်တွေ့ပါလိမ့်မယ်”ဟု နစက ဥက္ကဋ္ဌကပြောသည်။
“တပ်မတော်အစိုးရတက်လာချိန် ၁၉၈၉ ခုနှစ်မှာ ကျွန်တော်တို့က တစ်နိုင်ငံလုံး တိုင်းရင်းသားလက်နက်ကိုင်အဖွဲ့အစည်းတွေနဲ့ငြိမ်းချမ်းရေးအနေနဲ့ပစ်ခတ်တိုက်ခိုက်မှုရပ်လိုက်တယ်။ စာချုပ်မချုပ်နိုင်ဘူး Gentlemen aggrement တွေပဲယူခဲ့တာ UWSA “၀”အဖွဲ့ မိုင်းလားအဖွဲ့ ဦးစခုံတိန့်ယိမ်း တို့အထူးဒေသ ၁ တို့၊ ၂ တို့၊ ၃ တို့ ဒါတွေ အများကြီးရှိခဲ့တယ်။ ငြိမ်းချမ်းရေးစာချုပ်မချုပ်နိုင်ခဲ့ဘူး ။၂၀၁၅ ခုနှစ် ဦးသိန်းစိန်လက်ထက်မှာ NCA စာချုပ်ချုပ်ဆိုနိုင်ခဲ့ပေမယ့် လုံးဝမပြီးဆုံးသေးဘဲ ၂၀၁၆ ခုနှစ်ကစပြီး ၂၀၂၀ ပြည့်နှစ်အထိ ပြည်ထောင်စုငြိမ်းချမ်းရေးညီလာခံ(၂၁ ရာစု)ပင်လုံလုပ်ခဲ့တယ်”ဟု နစက ဥက္ကဋ္ဌကပြောသည်။
“လာမယ့် လွတ်လပ်ရေးနေ့ဟာ စိန်ရတုဖြစ်လာပြီ ကျွန်တော်တို့ ခုထိတိုင်းပြည်လည်းမငြိမ်းချမ်းဘူး၊ ဒီမိုကရေစီအခွင့်အရေးလည်း မခံစားရဘူး၊ လွတ်လပ်ရေးရဲ့အသီးအပွင့်လည်းမခံစားရဘူး ဒါကြောင့် ဒီနှစ်ကို ငြိမ်းချမ်းရေးရအောင် ကျွန်တော်ကြိုးစားကြည့်မယ်ဆိုပြီး မနှစ်ကစပြောခဲ့ပါတယ်။ ဒီနှစ်မှာလည်းပြီးခဲ့တဲ့ ဧပြီ ၂၂ ရက်က ငြိမ်းချမ်းရေးဖိတ်ခေါ်တာတွေပြုလုပ်ခဲ့ပါတယ်”ဟု နစက ဥက္ကဋ္ဌကပြောသည်။
“တချို့လက်ခံတဲ့အဖွဲ့အစည်းတွေလည်း ရှိတယ်၊ ကျွန်တော်တို့တော့ ဘယ်သူ့သတင်းပို့ဖို့လိုပါသေးတယ် ဘယ်ကော်မတီရဲ့ဆုံးဖြတ်ချက်ရှိဖို့လိုပါသေးတယ်စသည့် ဖြစ်ရပ်မျိုးစုံရှိနေတော့ ရိုးရိုးရှင်းရှင်းလေးပဲ ခင်ဗျားတို့ ကျွန်တော် ငြိမ်းချမ်းရေးဖိတ်ခေါ်တယ် ခေါင်းဆောင်တွေကိုယ်တိုင် အဖွဲ့အစည်းတွေရဲ့ ခေါင်းဆောင်တွေကိုယ်တိုင် ကျွန်တော်တွေ့ပါမယ် ၊တစ်ဖွဲ့ချင်းကျွန်တော်တွေ့မယ်၊ ခေါင်းဆောင်တွေကိုယ်တိုင် တစ်ဖွဲ့ချင်းတွေ့ ပါမယ် အဲ့ဒီခေါင်းဆောင်တွေ လာတဲ့အခါမှာ တိုင်ပင်လို့ရအောင် အဖွဲ့ဝင်နှစ်ယောက်နဲ့လာခဲ့ပါ၊ ကျွန် တော်နဲ့ပထမဦးဆုံးစတွေ့မယ် ၊တွေ့ပြီးကျွန်တော်က နစက အဖွဲ့ဝင် ၃ ယောက်နဲ့ ဖွဲ့စည်းထားတဲ့ ငြိမ်းချမ်းရေးဆွေးနွေးရေးအဖွဲ့တွေနဲ့တစ်ဖွဲ့ချင်း ဆွေးနွေးမယ်၊ တစ်ဖွဲ့ချင်းဆွေးနွေးပြီး ကျွန်တော်တို့ ရှင်းလင်းပြောမယ် သူတို့လိုချင်တာကိုလည်း ကျွန်တော်တို့တတ်နိုင်သလောက် ညှိနှိုင်းဆောင် ရွက်မှာပါ”ဟု နစက ဥက္ကဋ္ဌကပြောသည်။
တစ်ဖက်တည်းတင်းနေ၍မရသဖြင့် တစ်ဖွဲ့နှင့်တစ်ဖွဲ့ညှိနှိုင်းဖြေရှင်းရမည်ဖြစ်ကာ နစက အနေဖြင့် ပါတီစုံဒီမိုကရေစီလမ်းကြောင်းပေါ်၌ဖြစ်အောင်သွားရမည်ဖြစ်ပြီး မိမိတို့သွားချင်သည့်လမ်းကြောင်းသည် ဒီမိုကရေစီအုပ်ချုပ်ရေးစနစ်ဖြင့် ဒီမိုကရေစီနိုင်ငံတော်သွားချင်ကာ အဆိုပါအချက်သည် ပြည်သူတစ်ရပ်လုံးမှ လိုချင်သည့်ဆန္ဒဖြစ်သည်ဟု နစက ဥက္ကဋ္ဌကပြောသည်။
“ကျွန်တော်တို့ အုပ်ချုပ်မှုပုံစံဟာ ဆင့်ကဲဆင့်ကဲ အုပ်ချုပ်မှု ခွဲဝေပေးတဲ့အုပ်ချုပ်မှုစနစ်ပုံစံ မျိုးနီးပါးပဲ လုပ်တာကိုတွေ့ပါတယ် ၊ဒါကြောင့်မြန်မာနိုင်ငံနဲ့သင့်တော်တဲ့ ဖက်ဒရယ်အုပ်ချုပ်မှုစနစ်ကိုသွားတာ ပိုကောင်းလိမ့်မယ်ဆိုတာကို ဖော်ထုတ်လို့ရတယ်၊ ဒါကို တိုင်းရင်းသားလက် နက်ကိုင်အဖွဲ့အစည်းတွေ သေချာနားလည်အောင် ရှင်းပြပြီးရင် သူတို့ဘယ်လိုဖြစ်ချင်တာလဲ၊ ကျွန် တော်တို့ကဘယ်လို တိုင်းပြည်အခြေအနေဒီလိုရှိတယ် ရှင်းလင်းကြမယ် တွေ့ကြမယ် သူတို့ ပြောတာ ကျွန်တော်နားထောင်ပါ့မယ် အကုန်လုံးနား ထောင်ပြီးရင်ဖြစ်သင့်ဖြစ်ထိုက်တာကို ဆန္ဒနဲ့ ဘ ဝနဲ့ ဒီလိုပြန်ပြီးကြည့်ရမယ်”ဟု နစက ဥက္ကဋ္ဌကပြောသည်။