ရေဖြူမြို့နယ်တွင် အမျိုးသားတစ်ဦး သေနတ်ဖြင့်ပစ်သတ်ခံရ
တနင်္သာရီတိုင်း၊ရေဖြူမြို့နယ်၊ပရဒတ်ကျေးရွာတွင် ဦးညီညီ(၄၀)နှစ်ခန့်သည် မေ ၁၀ ရက်နေ့လည် ၁ နာရီခန့်က သေနတ်ဖြင့်ပစ်သတ်ခံခဲ့ရသည်ဟု ဒေသခံများထံမှ သိရသည်။
ဦးညီညီသည် နေအိမ်မှ၎င်းပိုင်ဆိုင်သည့် ခြံသို့သွားစဥ်လမ်း၌ သေနတ်ဖြင့်ပစ်သတ်ခံခဲ့ရခြင်းဖြစ်ကြောင်း သိရသည်။
သေနတ်ဖြင့်ပစ်ခတ်ခံရမှုကြောင့် ဦးညီညီတွင် ကျည်ထိမှန်ဒဏ်ရာမျစွာရရှိခဲ့ပြီး အခင်းဖြစ်နေရာ၌ သေဆုံးခဲ့ကြောင်း ဒေသခံများထံမှ သိရသည်။
“ဦးညီညီ ပစ်သတ်ခံရတယ်ဆိုတာကို ရွာထဲကလူတွေပြောမှသိရတာ သေနတ်သံတွေကိုတော့ အချက်ရေများများကြားရတယ် သေသွားတယ်လို့သိရပါတယ်”ဟုဒေသခံတစ်ဦးကပြောသည်။
အခင်းဖြစ်စဥ်မှ ပြစ်မှုကျူးလွန်သူများအား ဖမ်း ဆီးရမိရေးအတွက် လုံခြုံရေးအဖွဲ့ဝင်များက စုံ စမ်းစစ်ဆေးမှုများပြုလုပ်ခဲ့ကြကြောင်း သိရသည်။
