မလေးရှားနိုင်ငံ၌ ပြစ်ဒဏ်ကျခံနေရသည့် မြန်မာ နိုင်ငံသား ၅၅ ဦးအား နေရပ်ပြန်ရန် မြန်မာသံရုံးမှကူညီ

မလေးရှားနိုင်ငံ၌ ပြစ်ဒဏ်ကျခံနေရသည့် မြန်မာ နိုင်ငံသား ၅၅ ဦးအား နေရပ်ပြန်ရန် မြန်မာသံရုံးမှကူညီ

မလေးရှားနိုင်ငံဆိုင်ရာ မြန်မာသံရုံး၊ကွာလာလမ်ပူမြို့မှ တာဝန်ရှိသူများက မေ ၁၂ ရက်တွင် ကူညီပေးခဲ့ကြခြင်းဖြစ်သည်။

အဆိုပါ မြန်မာနိုင်ငံသားများအနက် ၅၃ ဦးသည် မလေးရှားနိုင်ငံ၌ ပြစ်ဒဏ်များကျခံပြီးနောက် ထိန်းသိမ်းရေးစခန်းများ၌ ရောက်ရှိနေသူများဖြစ်ကာ ကျန် ၂ ဦးသည် မလေးရှားနိုင်ငံ၌ ပြစ်မှုကျူး လွန်သဖြင့် နှစ်ရှည်ထောင်ဒဏ်ချမှတ်ခံထားရသူ များဖြစ်ကြောင်း သိရသည်။

နှစ်ရှည်ထောင်ဒဏ်ချမှတ်ခံထားရသည့် မြန်မာ နိုင်ငံသား ၂ ဦးအား ပြစ်ဒဏ်ကာလမပြီးဆုံးခင်၌ မလေးရှားနိုင်ငံအစိုးရမှလွတ်ငြိမ်းချမ်းသာခွင့်ပေးခဲ့ခြင်းဖြစ်သည်။

ထို့ကြောင့် မြန်မာသံရုံး၊ကွာလာလမ်ပူမှတာဝန်ရှိသူများက မြန်မာနိုင်ငံသားများဟုတ်၊မဟုတ်အား စစ်ဆေး၍ မှန်ကန်မှုရှိသဖြင့် နေရပ်သို့ပြန်နိုင်ရန် ကူညီပေးခဲ့ကြသည်။

ယင်း မြန်မာနိုင်ငံသား ၅၅ ဦးအား မြန်မာအပြည်ပြည်ဆိုင်ရာလေကြောင်းလိုင်း(MAI)၏ ကယ် ဆယ်ရေးလေယာဉ်ပြန်လည်ပို့ဆောင်ပေးခဲ့ကြောင်း သိရသည်။