မြန်မာနိုင်ငံရှိ အမေရိကန်သံရုံးဇွန်လ (၂) ရက်နေ့မှစ၍ပြန်လည်ဖွင့်လှစ်မည်
သံရုံး ဝက်ဘ်ဆိုက်၏ ထုတ်ပြန်ချက်တွင် အမေရိကန်နိုင်ငံသားများအတွက် ပုံမှန်နှင့်အရေးပေါ် ဝန်ဆောင်မှုများကိုပြန်လည်လုပ်ဆောင်ပေးတော့မည်ဖြစ်ကြောင်းနှင့် ရွှေ့ပြောင်းဗီဇာ(immigrant visa) အတွက်ကိုမူ ဖေဖော်ဝါရီလ (၁) ရက်နေ့မှ စတင်ကာအင်တာဗျူးရပ်နားထားရသောသူများကို ဦးစားပေးပြုလုပ်ပေးသွားမည်ဖြစ်ကြောင်း ထုတ်ပြန်ထားသည်။
Diversity Visa (DV) အတွက်ကိုမူ ဆွေးနွေးဆဲဖြစ်ပြီး နောက်ဆုံးသတ်မှတ်ရက်ဖြစ်သည့် ၂၀၂၂ ခုနှစ် စက်တင်ဘာလ ၃၀ ရက်ကိုအမှီဖြစ်စေရန် ဂျူလိုင်လမှစတင်ကာ လိုအပ်သည်များကို ဆောင်ရွက်ပေးနိုင်ဖို့စီစဉ်နေကြောင်းသိရသည်။
သို့သော် ဇွန်လ (၂) ရက်နေ့ဖွင့်ကာစတွင်မူ ကျောင်းသားဗီဇာ (F – 1) ပြုလုပ်ရန်အတွက်သာ ကြိုတင်ဘွတ်ကင် (appointment) များကိုလက်ခံမည်ဖြစ်သည်။
အမေရိကန်နိုင်ငံသားများအပါအဝင် သံရုံးသို့ လာရောက်သူများအနေဖြင့် အီလက်ထရွန်နစ်ပစ္စည်းများ (Personal electronic devices PED) များနှင့် အရည်များယူမလာရန်လည်းတားမြစ်ထားသည်။
PEDဟုဆိုရာတွင် ကွန်ပျူတာ၊လက်ပ်တော့ပ်၊ရေဒီယို၊ဆဲလ်ဖုန်း၊စမတ်ဖုန်း၊MP3 စက်များ၊ iPad နှင့်အခြား တက်ဘလက်၊လက်ကိုင်ဂိမ်းစက်များ၊စမတ်နာရီများနှင့်ကျန်းမားရေးသုံး(fitness) အီလက်ထရွန်းနစ်ပစ္စည်းများပါဝင်သည်။
US လဝက၏စည်းကမ်းချက်များနှင့်အညီ မိမိသွားလိုသောခရီးအပေါ်မူတည်၍ ဗီဇာအမျိုးအစားကိုဆုံးဖြတ်ပြုလုပ်ပေးမည်ဖြစ်သည်။
ဗီဇာလျှောက်ထားသူအနေဖြင့် မိမိလျှောက်လိုသောအမျိုးအစားပေါ်မူတည်၍ လိုအပ်သောစာရွက်စာတမ်းများကို ယူဆောင်လာပြီးတင်သွင်းရမည်ဖြစ်သည်။
သံရုံးမှ ဝန်ဆောင်မူရပ်နားထားစဥ် ကာလတွင်မြန်မာမှ ဗီဇာလျောက်လိုသူများက ဘန်ကောက်၊ဖလုံချစ် ရှိ
အမေရိကန်သံရုံးတွင် လူတွေ့ဖြေခြင်း၊ပတ်ပို့စ်စာအုပ်တင်များပြုလုပ်ပြီး ဗီဇာရယူနေကြသည်။
Source – US Embassy in Burma
