အမေရိကန်နိုင်ငံခြားရေးဝန်ကြီးပြောသည့် တရုတ်မူဝါဒ
အမေရိကန်နိုင်ငံခြားရေးဝန်ကြီး ဘလင်ကန် က ကိုဗစ်ဖြစ်နေသဖြင့်တရုတ်နှင့်ပတ်သက်သည့် မူဝါဒ မိန့်ခွန်းကိုမေလ ၂၆ ရက်နေ့မှ ပြောနိုင်ခဲ့သည်။
ယခုရကိပိုင်းအတွင်း အင်ဒို ပစိဖိတ်ဒေသသတင်း၊ တောင်ကိုရီးယားနဲ့ဂျပန်ကိုသွားရောက်ခဲ့တဲ့အမေရိကန်သမ္မတရဲ့ခရီးစဉ်၊ QUAD အစည်းအဝေး၊ တရုတ်နိုင်ငံခြားရေးဝန်ကြီး၏ ပစိဖိတ်ကျွန်းနိုင်ငံတွေဆီ လည်ပတ်မူနဲ့သက်ရောက်မူတွေအကြား နိုင်ငံရေးကစားပွဲတွေရူပ်နေခဲ့တဲ့အတွက် ဘလင်ကန် ဘာပြောမလဲ စိတ်ဝင်စားနေခဲ့ကြသည်။
ဘလင်ကန် မိန့်ခွန်းတွင် တရုတ်နှင့်ပတ်သက်၍ “မူဘောင်ကို အနှစ်ချုပ်ရင် စကားလုံးသုံးလုံးတည်းပါပဲ၊ အဲ့ဒါတွေကတော့ ရင်းနှီးမြှုပ်နှံမှု၊ ပေါင်းစပ်မှုနဲ့ ယှဉ်ပြိုင်မှုတို့ပဲဖြစ်ပါတယ်” ဟုဆိုပြီး တရုတ်နိုင်ငံနှင့်တိုက်ရိုက်ယှဉ်ပြိုင်ခြင်းသည်မူဘောင်၏နောက်ဆုံးအချက်ဖြစ်ကြောင်းထုတ်ဖော်ပြောကြားခဲ့သည်။
” ကျွန်တော်တို့နိုင်ငံမှာပဲ ကျွန်တော်တို့ရဲ့ ယှဉ်ပြိုင်နိုင်စွမ်း၊ဆန်းသစ်တီထွင်မှုနဲ့ ဒီမိုကရေစီအတွက် ကျွန်တော်တို့ရဲ့ ခွန်အားတွေကို ရင်းနှီးမြှုပ်နှံသွားမှာပါ။”
ဥပမာအနေဖြင့် အမေရိကန်ရှိတရုတ်ကုမ္ပဏီများသည် တရုတ်ရှိအမေရိကန်ကုမ္ပဏီများထက်ပို၍ဈေးကွက်လက်ဦးမူရှိပြီး မမျှတနေခြင်းမျိုးသည်ရေရှည်အတွက် အဆင်မပြေကြောင်းပြောသည်။
ဘလင်ကန် မိန့်ခွန်းထဲတွင်ထူးခြားမူ တစ်ခုကတော့ အမေရိကန်နိုင်ငံခြားရေးဌာနတွင် တရုတ်နှင့်ပတ်သက်သည့်ကိစ္စရပ်များ ကိုင်တွယ်မည့်ဌာန သစ် China House (ဌာနပေါင်းစုံပါဝင်ပြီး လွှတ်တော်နှင့်ပါ ချိတ်ဆက်ဆောင်ရွက်မည့် ဌာန)ကို ဖွင့်လှစ်မည့်အကြောင်းဖြစ်သည်။
ဘေဂျင်း၏ မျှော်မှန်းချက်များ၊ တရုတ်နိုင်ငံနှင့် ရုရှား၏ နီးကပ်သောဆက်ဆံရေး၊ သမ္မတပူတင်၏ စစ်ပွဲကို ဘေဂျင်းကကာကွယ်ခြင်းသည် အင်ဒိုပစိဖိတ်ဒေသရှိ ကျွန်ုပ်တို့အားလုံးအတွက် အချက်ပေး ခေါင်းလောင်းသံများဖြစ်လာခဲ့သည်ဟု ဘလင်ကန်ကထည့်သွင်းပြောကြားခဲ့သည်။
ဘလင်ကန်က ” အမေရိကန်နှင့် တရုတ်တို့ဟာ အနာဂတ်အတွက် အချင်းချင်း ဆက်ဆံနေကြရဦးမှာပဲ၊ကျွန်တော်တို့က ပဋိပက္ခတွေကိုရှာဖွေနေတာလဲမဟုတ်သလို စစ်အေးတိုက်ပွဲအသစ်ကိုရှာနေတာလဲမဟုတ်ပါဘူး၊ဘာတွေပဲဖြစ်နေပါစေ ကျွန်တော်တို့ကတော့ အဲ့ဒီနှစ်ခုလုံးကိုရှောင်ရှားသွားမှာပါ” ဟုလည်းပြောကြားခဲ့သည်။
ခြုံ၍ဆိုရသော် ဘလင်ကန်၏ မိန့်ခွန်းသည် တရုတ်နိုင်ငံနှင့်တင်းမာမှုများမြင့်တက်လာမည့်အခြေအနေကိုရှောင်ရှားနိုင်ရန်ချိန်ညှိထားပုံရသည်ဟု the diplomat မဂ္ဂဇင်းကသုံးသပ်ထားသည်။။ထိုအချက်သည်ပင် ယခင်နိုင်ငံခြားရေးဝန်ကြီး Mike Pompeo ၏မူဝါဒနှင့်မတူသောအချက်တစ်ခုဖြစ်သည်။
Ref: the diplomat
