နစက နှင့် KNU/KNLA-PC တို့ငြိမ်းချမ်းရေးဆွေး နွေးပွဲ ၃ ရက်တာရလဒ်များအရ သဘောတူစာ ချုပ်လက်မှတ်ရေးထိုး
နစက ၏ငြိမ်းချမ်းရေးဆွေးနွေးရေးအဖွဲ့နှင့်ကရင်အမျိုးသားအစည်းအရုံး/ကရင်အမျိုးသားလွတ် မြောက်ရေးတပ်မတော်-ငြိမ်းချမ်းရေးကောင်စီ (KNU/KNLA-PC)ဥက္ကဋ္ဌစောထော့လေး ဦးဆောင်သည့် ကိုယ်စားလှယ်အဖွဲ့တို့ မေ ၂၈ ရက်က တွေ့ ဆုံဆွေးနွေးပြီးနောက် လက်မှတ်ရေးထိုးခဲ့ကြခြင်းဖြစ်သည်။
တွေ့ဆုံဆွေးနွေးပွဲတွင် ပြည်ထောင်စုသဘောတူစာချုပ်အစိတ်အပိုင်း(၁/၂/၃)ပါသဘောတူညီချက်များ၊အစိတ်အပိုင်း(၃)မှ ဆက်လက် ဆွေး နွေးရန်ကျန်ရှိသည့် ဇယား-၂ ပါ ဆွေးနွေးရန်အ ချက်များနှင့်ပတ်သက်၍ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီမှ လေ့လာဆန်းစစ်ဖော်ထုတ်စီစစ်ရေးအဖွဲ့၏တွေ့ရှိချက်များအား ညှိနှိုင်းရေးကော် မတီဝင် ဒု-ဗိုလ်ချုပ်ကြီး ဝင်းဗိုလ်ရှိန်ကရှင်းလင်းဆွေးနွေးပြောကြားခဲ့သည်။
အလားတူ KNU/KNLA ငြိမ်းချမ်းရေးကောင်စီအဖွဲ့မှလည်းသိရှိလိုသည်များအား မေးမြန်းဆွေး နွေးပြီးနောက် ငြိမ်းချမ်းရေးနှင့်ဖွံ့ဖြိုးရေးဆိုင်ရာအထွေထွေကိစ္စများအား ဆွေးနွေးခဲ့ကြသည်။
ထို့နောက် ၃ ရက်တာ ဆွေးနွေးညှိနှိုင်းချက်များအရ သဘောတူညီချက်များအား နစက ၏ငြိမ်း ချမ်းရေးဆွေးနွေးရေးအဖွဲ့နှင့် KNU/KNLA-PC တို့မှ အတည်ပြုလက်မှတ်ရေးထိုးခဲ့ကြသည်။
ထို့ပြင် နစက ၏ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒု-ဗိုလ်ချုပ်ကြီးရာပြည့်နှင့် KNU/KNLA ငြိမ်းချမ်းရေးကောင်စီ ဥက္ကဋ္ဌစောထော့လေးတို့က နိဂုံးချုပ်အမှာစကားများ ပြောကြားခဲ့သည်။
ဆွေးနွေးပွဲသို့ နစက အဖွဲ့ဝင်၊အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီဥက္ကဋ္ဌ၊ ပြည်ထောင်စုအစိုးရအဖွဲ့ရုံးဝန်ကြီးဌာန(၁) ပြည်ထောင်စုဝန်ကြီး၊ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒု-ဗိုလ်ချုပ်ကြီးရာပြည့်၊ နစက အဖွဲ့ဝင်ဒု-ဗိုလ်ချုပ်ကြီးမိုးမြင့်ထွန်း၊အမျိုးသားစည်းလုံးညီညွတ်ရေးနှင့်ငြိမ်း ချမ်းရေးဖော်ဆောင်မှုညှိနှိုင်းရေးကော်မတီ အ တွင်းရေးမှူး ဒု-ဗိုလ်ချုပ်ကြီးမင်းနောင် တို့တက်ရောက်ဆွေးနွေးခဲ့ကြသည်။
အလားတူ KNU/KNLA-PC ငြိမ်းချမ်းရေးကောင် စီမှဥက္ကဋ္ဌစောတော့လေးနှင့်အတူ ဒု-ဥက္ကဋ္ဌဒေါက် တာနော်ကပေါ်ထူး၊ဗဟိုကော်မတီဝင်စောမောင်မောင်တို့လည်း တက်ရောက်ဆွေးနွေးခဲ့ကြသည်။
