မြန်မာ-ကိုရီးယားချစ်ကြည်ရေး(ဒလ)တံတား တည်ဆောင်ပြီးစီးပါက ရန်ကုန်မြို့မှတဆင့် ဒလ၊တွံတေး၊ကော့မှူးနှင့်ကွမ်းခြံကုန်းမြို့ နယ်များသို့ လွယ်ကူလျင်မြန်စွာသွားလာနိုင်မည်
နစက ဥက္ကဋ္ဌသည် ဇွန် ၉ ရက်က မြန်မာ-ကိုရီးယားချစ်ကြည်ရေး(ဒလ)တံတားစီမံကိန်းတည် ဆောက်နေမှုအား သွားရောက်ကြည့်ရှု့စစ်ဆေးခဲ့သည်။
ထိုသို့ စစ်ဆေးရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီးဦးရွှေလေးမှ တံတားတည် ဆောက်ရေးစီမံကိန်းသမိုင်းကြောင်းနှင့်စီမံကိန်းဆက်လက်အကောင်အထည်ဖော်ဆောင်ရွက်နေမှုတို့အားရှင်းလင်းတင်ပြခဲ့သည်။
ထို့နောက် နစက ဥက္ကဋ္ဌမှ တံတားတည်ဆောက်ရေးလုပ်ငန်းဆောင်ရွက်ရာ၌ ရေရှည်တည်တံ့ခိုင်မြဲရေးနှင့်သဘာဝဘေးအန္တရာယ်ဒဏ်ခံနိုင်မှုအားတို့ကိုပါ ထည့်သွင်းစဉ်းစားတွက်ချက်ဆောင် ရွက်ရမည်ဟု မှာကြားသည်။
“တံတားချဉ်းကပ်လမ်းပိုင်းနေရာတွေက လူနေတိုက်တွေနဲ့နီးနေတာကြောင့် သဘာဝဘေး အန္တရာယ်နဲ့လုပ်ငန်းခွင်အန္တရာယ်ကင်းရှင်းရေးကို အလေးထားစဉ်းစားဆောင်ရွက်စေလိုပါတယ် နောက်ပြီး ရေယာဉ်တွေလွတ်ကင်းစွာ ဖြတ်သန်းသွားလာနိုင်ဖို့အတွက်လည်း ရေလမ်းကင်းလွတ်အမြင့်ကိုတွက်ချက်ဆောင်ရွက်ရပါမယ်”ဟု နစက ဥက္ကဋ္ဌကမှာကြားသည်။
ထို့ပြင် တည်ဆောက်ရေးလုပ်ငန်းများအား သတ် မှတ်ကာလအတွင်း ပြီးစီးနိုင်ရန်နှင့်ဦးစားပေးအလိုက် ဆောင်ရွက်သင့်သည်များအား ပြီးစီးရန်ဆောင်ရွက်သွားရမည်ဟု မှာကြားခဲ့သည်။
ထို့နောက် နစက ဥက္ကဋ္ဌသည် တံတားတည် ဆောက်ရေးစီမံကိန်းရှိ ရန်ကုန်ဘက်ခြမ်း Main Bridge Pylon 2 နေရာ၌ လုပ်ငန်းဆောင်ရွက်နေမှု အခြေအနေများအား ကြည့်ရှုစစ်ဆေးခဲ့သည်။
အဆိုပါ မြန်မာ-ကိုရီးယားချစ်ကြည်ရေး(ဒလ)တံ တားတည်ဆောက်ပြီးစီးပါက ရန်ကုန်မြို့မှတဆင့် ဒလ၊တွံတေး၊ကော့မှူးနှင့်ကွမ်းခြံကုန်းမြို့နယ်များသို့ လွယ်ကူလျင်မြန်စွာသွားလာနိုင်မည်ဖြစ်ပြီး ရန်ကုန်မြို့၏ ယာဥ်ကြောပိတ်ဆို့မှုများအား အ တိုင်းအတာတစ်ခုအထိ လျော့ပါးသက်သာသွားမည်ဖြစ်ကြောင်း သိရသည်။
မြန်မာ-ကိုရီးယားချစ်ကြည်ရေး(ဒလ)တံတားတည်ဆောက်ရေးစီမံကိန်းသည် ၂၀၁၂ ခုနှစ်တွင် နိုင်ငံတော်သမ္မတ(ငြိမ်း)ဦးသိန်းစိန်၏ ကိုရီးယားနိုင်ငံချစ်ကြည်ရေးခရီးစဉ်၌ မြန်မာနိုင်ငံတွင် မြန် မာ-ကိုရီးယားချစ်ကြည်ရေးတံတားစီမံကိန်းတစ်ခုအကောင်အထည်ဖော်ရန်ဆွေးနွေးခဲ့ပြီး ၂၀၁၃ ခုနှစ်တွင် စီမံကိန်းအားအကောင်အထည်ဖော်ဆောင်ရွက်ခဲ့ပြီး ၂၀၁၅ ခုနှစ်တွင် တည်ဆောက်ရေးလုပ်ငန်းများအား စတင်ဆောင်ရွက်ခဲ့ကာ တံတားသည် ကြိုးဆိုင်းတံတား(Cable – Stayed Bridge)ဖြစ်ကြောင်း သိရသည်။
