အမေရိကန်နိုင်ငံတွင် ဂက်စ်ဈေးပျှမ်းမျှ ၅ ဒေါ်လာခန့်ရောက်ရှိ
အမေရိကန်တစ်နိုင်ငံလုံးတွင် ဂက်စ်တစ်ဂါလန်၏ ပျမ်းမျှစျေးနှုန်းသည် ကြာသပတေးနေ့တွင် ၅ ဒေါ်လာကျော်လွန်သွားခဲ့သည်။ထိုပမာဏသည် ပြီးခဲ့သောလက တရှိန်ထိုးတက်ခဲ့သော ပမာဏကိုပင်ကျော်လွန်နေပြီး လူထုကထိတ်လန့်နေသည်။
အမေရိကန်ပြည်သူများ၏ နေ့စဉ်ကုန်ကျစရိတ်အတွက် စိုးရိမ်စရာအခြေနေဖြစ်လာသဖြင့် ပြည်သူ့ရေးရာစီမံခန့်ခွဲနေသည့် အာဏာပိုင်များအတွက် သတိပေး ခေါင်းလောင်းဖြစ်နေဟု GasBuddy ၏ဖော်ပြချက်အရသိရှိရသည်။
အမေရိကန်ပြည်ထောင်စုတွင် ပြည်နယ်ပေါင်း ၅၀ ရှိသည့်အနက် ဂက်စ်ဈေးများသည် ဒေသအလိုက်သိသိသာသာကွာဟမှုများရှိနေသည်။ တစ်နိုင်ငံလုံးအတိုင်းအတာဖြင့် ၄.၄၀ ဒေါ်လာအထက်တွင်ရှိနေသော်လည်း အနောက်ပိုင်းနှင့်အရှေ့မြောက်ပိုင်းတွင် ဈေးအကြီးဆုံးပေးဝယ်နေရကာ အရှေ့တောင်ပိုင်းတွင်တော့ ဈေးသက်သာနေသိဟု AAA ကဆိုသည်။(AAA – American Automobile Association)
အမြင့်ဆုံးဈေးပေးဝယ်နေရသည့် ကယ်လီဖိုးနီးယားပြည်နယ်၏ဂက်စ်ဈေးသည် တစ်ဂါလန်လျှင် ပျှမ်းမျှ ၆.၄၄ ဒေါ်လာဖြစ်နေသဖြင့် သုံးစွဲသူပြည်သူများအတွက် အထိတ်တလန့်ဖြစ်စရာဖြစ်လာသည်ဟု AAA ၏ဒေတာများကပြသနေသည်။
ကျွမ်းကျင်သူတစ်ဦး၏ ပြောကြားချက်အရ နွေရာသီခရီးထွက်မှုများပေါ်အရင်းခံကာ ယခုကဲ့သို့ဈေးမြင့်တက်မှုများဖြစ်လာကြောင်းသိရှိရသည်။ဂက်စ်ဝယ်လိုအားများလာချိန်တွင် ရုရှား – ယူကရိန်းအရေးနှင့်တိုက်ဆိုင်ပြီး ရေနံစိမ်း ပြတ်လပ်မှုဖြစ်နေသည့်အချိန်လည်းဖြစ်နေပြန်သည်။
ရုရှား – ယူကရိန်းစစ်ပွဲကြောင့်ရုရှားနိုင်ငံအတွင်းရှိ စက်မှုလုပ်ငန်းအများအပြားထွက်ခွာသွားကြခြင်းကလည်း ဈေးကွက်တွင်းဂက်စ် ပြတ်လပ်မှု၏ အကြောင်းရင်းတစ်ခုဖြစ်သည်ဟု ကျွမ်းကျင်သူများကဆိုသည်။
အမေရိကန်သမ္မတ ဂျိုးဘိုင်ဒင်သည် လောင်စာနှင့်စားသောက်ကုန်ကဲ့သို့သော မရှိမဖြစ်လိုအပ်သည့် အရာများ၏ဈေးကွက်ကိုကောင်းစွာမထိန်းချုပ်နိုင်ခြင်းအပေါ်လည်း ဝေဖန်ခံရမှုများရှိနေသည်။
ဘိုဒင်၏၏စီးပွားရေးပြန်လည်ဦးမော့လာရန်ကိုင်တွယ်မှုကို အမေရိကန်နိုင်ငံသား ၃၇ ရာခိုင်နှုန်းလောက်ကသာ ထောက်ခံအားပေးကြသည်ဟု ABC/Ipsos poll အရသိရသည်။
လွှတ်တော်ရှိ ရီပက်ဘလီကန်ခေါင်းဆောင်များကလည်း အမေရိကန်၏ရေနံနှင့်ဂက်စ်ဈေးမြင့်တက်မှုများအပေါ် ဘိုင်ဒင်၏စီမံခန့်ခွဲမှုအားပြစ်တင်ဝေဖန်ခဲ့ပြီး မနှစ်က Keystone XL ပိုက်လိုင်းကိုပိတ်ရန်ဆုံးဖြတ်ခြင်းကိုလည်း ဝေဖန်ခဲ့ကြသည်။
ထိပ်တန်းဆီတင်ပို့သည့်နိုင်ငံတစ်နိုင်ငံဖြစ်သည့် ဆော်ဒီအာရေဗျသို့ ပြီးခဲ့သည့်အပတ်က သမ္မတဘိုင်ဒင်သွားရောက်ခဲ့သည့်ခရီးစဉ်သည် အမေရိကန် ဓါ်တ်ငွေ့ဝယ်ယူသူများအတွက်မျှော်လင့်ချက်တစ်ခုအဖြစ်တော့ရှိနေသည်။
Source – abcnews
