ပါတီစုံဒီမိုကရေစီစနစ်ကို မှန်ကန်စွာဖော်ဆောင်နိုင်မှာသာ ဒီမိုကရေစီဖက်ဒရယ်စနစ်ကိုအခြေခံသော ပြည်ထောင်စုကို လျှောက်လှမ်းနိုင်မည်ဖြစ်ဟု နစက ဥက္ကဌ ပြော
ရန်ကုန်တိုင်းဝန်ကြီးချုပ်၊ရန်ကုန်တိုင်းစစ်ဌာန ချုပ်တိုင်းမှူး၊မြို့တော်ဝန်၊ဝန်ကြီးများ၊ခရိုင်၊မြို့ နယ်အဆင့်ဌာနဆိုင်ရာတာဝန်ရှိသူများ၊ဘာသာရေးအသင်းအဖွဲ့များ၊စစ်မှုထမ်းဟောင်းများ၊ပရ ဟိတအဖွဲ့များနှင့်တွေ့ဆုံစဥ် နစက ဥက္ကဋ္ဌမှပြောကြားခဲ့ခြင်းဖြစ်သည်။
“နိုင်ငံရေးအရသဘောထားကွဲလွဲမှုတွေ တိုင်းရင်း သားရေးအရ သဘောထားကွဲလွဲမှုတွေကြောင့် ပြည်တွင်းလက်နက်ကိုင်ပဋိပက္ခတွေဖြစ်ပွားခဲ့ပြီး စီးပွားရေးလုပ်ငန်းတွေမှာ ထိခိုက်နစ်နာမှုတွေဖြစ်ပေါ်ခဲ့ပါတယ် လက်ရှိအချိန်မှာ ပြည်တွင်းငြိမ်း ချမ်းရေးရဖို့အတွက် မိမိတို့အနေနဲ့ တိုင်းရင်းသားလက်နက်ကိုင်အဖွဲ့တွေနဲ့ တွေ့ဆုံဆွေးနွေးနေပါတယ်”ဟု နစက ဥက္ကဋ္ဌကပြောသည်။
ထို့ပြင် မြန်မာနိုင်ငံသည် လွတ်လပ်ရေးရရှိချိန်မှစ၍ နိုင်ငံရေးစနစ်အမျိုးမျိုးဖြင့် လျှောက်လှမ်းခဲ့ပြီး ယခုအခါတွင် ပြည်သူများလိုလားသည့် နိုင်ငံ ရေး ရည်မှန်းချက်နှစ်ရပ်ဖြစ်သည့် ပါတီစုံဒီမိုကရေစီစနစ်အား လျှောက်လှမ်းလျက်ရှိသည်ဟု ပြောသည်။
“ပါတီစုံဒီမိုကရေစီစနစ်ကို မှန်မှန်ကန်ကန်ဖော်ဆောင်ရမှာဖြစ်ပြီး တစ်ဆက်တည်းမှာ ဒီမိုကရေစီနဲ့ဖက်ဒရယ်စနစ်ကို အခြေခံတဲ့ ပြည်ထောင်စုစနစ်ကို လျှောက်လှမ်းနိုင်ရမှာဖြစ်ပါတယ် ဖက်ဒရယ်ဆိုတာ မတူကွဲပြားတဲ့ တိုင်းနဲ့ပြည်နယ်တွေ လူမျိုးစုတွေ စုစည်းလုပ်ကိုင်ခွင့်တွေကို ပေါင်း စည်းနေထိုင်တဲ့အယူအဆ မျှဝေခံစားတဲ့ အယူအဆလို မှတ်သားဖူးပါတယ်”ဟု နစက ဥက္ကဋ္ဌကပြောသည်။
အလားတူ ဖက်ဒရယ်စနစ်ကျင့်သုံးနေသည့် နိုင်ငံများသည် တစ်နိုင်ငံနှင့်တစ်နိုင်ငံအုပ်ချုပ်မှုပုံစံများမတူညီကြဘဲ မိမိတို့နိုင်ငံနှင့်ကိုက်ညီသည့် အုပ်ချုပ်ရေးစနစ်ကိုသာ ကျင့်သုံးနေကြဟု ပြော သည်။
ထို့ပြင် ဒီမိုကရေစီတွင်တူညီသည့် အခွင့်အရေးများပေးရမည်ဖြစ်ကာ ဖက်ဒရယ်စနစ်တွင်လည်း တူညီသည့် အခွင့်အရေးများပေးရမည်ဖြစ်ပြီး ငြိမ်းချမ်းရေးရရှိရန် တိုင်းရင်းသားလက်နက်ကိုင်အဖွဲ့များနှင့်ဆက်လက်ဆွေးနွေးသွားမည်ဟု ပြော သည်။
အလားတူ အချို့တိုင်းရင်းသားလက်နက်ကိုင်အဖွဲ့များသည် အကြောင်းအမျိုးမျိုးဖြင့် တွေ့ဆုံဆွေးနွေးမှုမပြုလုပ်နိုင်သော်လည်း မိမိတို့မှာနိုင်ငံရေးရည်မှန်းချက်နှစ်ရပ်အတိုင်း ခိုင်မြဲစွာ ဆောင်ရွက်သွားမည်ဖြစ်၍ ဆွေးနွေးရန်ကျန်ရှိသည့် အဖွဲ့များအား မိမိကမ်းလှမ်းထားသည့်အ တိုင်း ထပ်မံဖိတ်ခေါ်သည်ဟု ပြောသည်။
“တိုင်းရင်းသားလက်နက်ကိုင်အဖွဲ့တွေနဲ့တွေ့ဆုံဆွေးနွေးရာမှာ အဆင်ပြေပြီးကောင်းမွန်တဲ့ တွေ့ ဆုံဆွေးနွေးတာတွေကိုလုပ်ပြီး နိုင်ငံငြိမ်းချမ်းရေးရရှိအောင် ဆက်လက်ကြိုးပမ်းဆောင်ရွက်သွားရမှာဖြစ်ပါတယ်”ဟု နစက ဥက္ကဋ္ဌကပြောသည်။
ထို့ပြင် နိုင်ငံရေးအရသဘောထားကွဲလွဲမှုအား အ ကြောင်းပြ၍ အကြမ်းဖက်သတ်ဖြတ်နေသူများကို ဥပဒေနှင့်အညီ တရားဥပဒေစိုးမိုးရေး၌ ထိရောက်သည့် ပြစ်ဒဏ်များချမှတ်လျက်ရှိသည်ဟု ပြောသည်။
“အကြမ်းဖက်သတ်ဖြတ်မှုတွေကို နိုင်ငံတကာမှာလည်း လက်မခံပါဘူး နိုင်ငံရေးအရဖြစ်ပေါ်လာတဲ့ မတည်ငြိမ်မှုတွေကို ဖြေရှင်းဆောင်ရွက်ရာမှာ မိမိတို့အနေနဲ့ ဒီမိုကရေစီနည်းလမ်းတွေအရ ဥပ ဒေနဲ့အညီသာ အရေးယူဆောင်ရွက်နေပါတယ်” ဟု နစက ဥက္ကဋ္ဌကပြောသည်။
နစက ဥက္ကဋ္ဌ၏ တစ်နိုင်ငံလုံးငြိမ်းချမ်းရေးဆွေး နွေးရန်ဖိတ်ခေါ်မှုအား မေ ၂၀ ရက်မှ ဇွန် ၂ ရက်အထိ ရှမ်းပြည်ပြန်လည်ထူထောင်ရေး ကောင် စီ(RCSS)၏ဗိုလ်ချုပ်ကြီးယွက်စစ်၊မွန်ပြည်သစ်ပါတီ(NMSP)ဒု-ဥက္ကဋ္ဌ နိုင်အောင်မင်း၊ကရင်အ မျိုးသားအစည်းအရုံး/ကရင်အမျိုးသားလွတ် မြောက်ရေးတပ်မတော်-ငြိမ်းချမ်းရေးကောင်စီ (KNU/KNLA-PC)ဥက္ကဋ္ဌဦးစောထော့လေး၊ “ဝ” ပြည်သွေးစည်းညီညွတ်ရေးတပ်မတော်(UWSA) ဒု-ဥက္ကဋ္ဌဦးလော့ယာကုနှင့်အမျိုးသားဒီမိုကရက်တစ်မဟာမိတ်အဖွဲ(NDAA)မိုင်းလား ဒု-ဥက္ကဌ ဦးစံပေ့ တို့တက်ရောက်ဆွေးနွေးထားပြီးဖြစ်သည်။
