မဲဆန္ဒရှင်ပြည်သူများကလက်ခံသည့် လွတ်လပ် ၍ တရားမျှတသောရွေးကောက်ပွဲဖြစ်အောင် ဆောင်ရွက်ပေးမည်ဖြစ်ကာ နိုင်ငံရေးပါတီဝင် မဟုတ်သူများ၊အတွေ့အကြုံရှိသူများဖြင့် UEC အားဖွဲ့စည်းထား

မဲဆန္ဒရှင်ပြည်သူများကလက်ခံသည့် လွတ်လပ် ၍ တရားမျှတသောရွေးကောက်ပွဲဖြစ်အောင် ဆောင်ရွက်ပေးမည်ဖြစ်ကာ နိုင်ငံရေးပါတီဝင် မဟုတ်သူများ၊အတွေ့အကြုံရှိသူများဖြင့် UEC အားဖွဲ့စည်းထား

ပြည်ထောင်စုရွေးကောက်ပွဲကော်မရှင်ဥက္ကဋ္ဌဦးသိန်းစိုးမှ အမေရိကန်နိုင်ငံ၊ဂျွန်ဟော့ကင်းစ်တက္က သိုလ် အရှေ့တောင်အာရှလေ့လာရေးဌာန၊ဂုဏ် ထူးဆောင်ပါမောက္ခ ကာဒီဂျက်ဆန်အား ဇွန် ၁၀ ရက်နံနက်ပိုင်းက လက်ခံတွေ့ဆုံစဥ်ပြောကြားခဲ့ခြင်းဖြစ်သည်။

ယင်းသို့ တွေ့ဆုံစဉ် ဂုဏ်ထူးဆောင်ပါမောက္ခ ကာဒီဂျက်ဆန်က UEC အနေဖြင့် နစက ၏ရှေ့လုပ် ငန်းစဉ် ၅ ရပ်နှင့်အညီဆောင်ရွက်နေမှု၊ဆက် လက်ဆောင်ရွက်မည့်အခြေအနေ၊ရွေးကောက်ပွဲကျင်းပနိုင်ရန်ဆောင်ရွက်နေမှုနှင့်သိရှိလိုသည့် အချက်များအား မေးမြန်းခဲ့သည်။

“မြန်မာနိုင်ငံနဲ့သင့်လျော်တဲ့ အချိုးကျကိုယ်စားပြုစနစ်ပြောင်းလဲကျင့်သုံးနိုင်ရေးကို သဘောတူညီခဲ့ပြီး သက်ဆိုင်ရာဥပဒေ၊နည်းဥပဒေတွေကို ပြင်ဆင်ပြဋ္ဌာန်းနိုင်ဖို့ ဆောင်ရွက်နေပါတယ် မဲဆန္ဒရှင်စာရင်းတွေ ပြည့်စုံမှန်ကန်ဖို့အတွက် အလေးထားပြီးမြေပြင်လူဦးရေစာရင်းတွေကို တိုက်ဆိုင်စစ်ဆေးတာ စီစစ်တာနဲ့ပြုစုတာတွေလုပ်နေပါတယ်”ဟု UEC ဥက္ကဋ္ဌကပြောသည်။

ထို့ပြင် လွတ်လပ်ပြီးတရားမျှတသည့် ရွေး ကောက်ပွဲများကျင်းပပေးနိုင်ရန် ကော်မရှင်နှင့် ကော်မရှင်အဖွဲ့ခွဲအဆင့်ဆင့်ရှိ ဝန်ထမ်းများအား လေ့ကျင့်သင်တန်းပေးခြင်း၊ပြုစုပျိုးထောင်ခြင်းများဆောင်ရွက်လျက်ရှိကာ ရွေးကောက်ပွဲများ ကျင်းပရာတွင်လည်း ပြည်တွင်း၊ပြည်ပမှလေ့ လာသူများအား ဖိတ်ခေါ် သွားမည်ဟုပြောသည်။

အလားတူ ကော်မရှင်အနေဖြင့် နိုင်ငံအတွင်းရှိ နိုင်ငံရေးပါတီများ၊ဝင်ရောက်ယှဉ်ပြိုင်ကြသူများ၊ မဲဆန္ဒရှင်ပြည်သူများကလက်ခံသည့် လွတ်လပ် ၍ တရားမျှတသော ရွေးကောက်ပွဲဖြစ်စေရန် ဆောင်ရွက်ပေးမည်ဟုပြောသည်။

“တပ်မတော်အနေဖြင့်နဲ့ အခြေအနေအရ နိုင်ငံတော်အာဏာကိုထိန်းသိမ်းခဲ့ရပေမယ့် ရှေ့လုပ်ငန်းစဉ် ၅ ရပ်နဲ့အညီ ဆောင်ရွက်နိုင်ဖို့ နိုင်ငံရေးပါတီဝင်မဟုတ်သူတွေ အတွေ့အကြုံရှိသူတွေနဲ့ UEC ကိုဖွဲ့စည်းပေးခဲ့ပါတယ် ရွေးကောက်ပွဲပြန်လည်ကျင်းပပေးနိုင်ဖို့ကို ဦးတည်ဆောင်ရွက်ခဲ့ပြီး UEC ရဲ့အဓိကတာဝန်ကလည်း ရွေးကောက်ပွဲကျင်းပပေးဖို့ဖြစ်ပါတယ်”ဟု UEC ဥက္ကဋ္ဌကပြောသည်။

အလားတူ ရွေးကောက်ပွဲကျင်းပပေးနိုင်ရန် နိုင်ငံတော်တည်ငြိမ်အေးချမ်းရန်လိုအပ်ကာ ကော်မရှင်အနေဖြင့်လည်း ဥပဒေနှင့်အညီ လွတ်လပ်ပြီး တရားမျှတသည့် ပါတီစုံဒီမိုကရေစီအထွေထွေ ရွေးကောက်ပွဲဖြစ်ရန် မှန်မှန်ကန်ကန် ဆောင်ရွက်ပေးမည်ဟု ပြောသည်။

ထို့အတူ ဂုဏ်ထူးဆောင်ပါမောက္ခကာဒီဂျက်ဆန်က ကော်မရှင်၏ပြင်ဆင်ဆောင်ရွက်နေမှု၊လုပ် ဆောင်နေမှုများအား သိရှိရသဖြင့် အထင်ကြီးလေးစားကာ မိမိအနေဖြင့်နိုင်ငံတကာမှ သိရှိအောင် ပြန်လည်သတင်းစကားပါးပေးမည်ဖြစ်ပြီး လိုအပ်သည့်အကူအညီများရှိပါက ကူညီပေးမည်ဟု ပြောကြားခဲ့သည်။