ဘန်ကောက်ရောက် အမေရိကန်ကာကွယ်ရေးဝန်ကြီးအား ဆန္ဒပြ
ဘန်ကောက်၊ဇွန် ၁၃
ထိုင်းကာကွယ်ရေးဝန်ကြီးလည်းဖြစ်သည့် ၀န်ကြီးချုပ် ဗိုလ်ချုပ်ကြီး ပရာယွတ်ချန်အိုချာက အမေရိကန် ကာကွယ်ရေးဝန်ကြီး လွိုဒ်အော်စတင် ကို တနင်္လာနေ့ နေ့လည်ပိုင်းက ဝန်ကြီးဌာနတွင် ကြိုဆိုခဲ့သည်။
ဝန်ကြီးဌာနအပြင်ဘက်တွင် ရှပ်နီဝတ်ပါတီခေါင်းဆောင်ဟောင်း Jatuporn Prompan ဦးဆောင်သည့် ဆန္ဒပြသူများနှင့် လက်ယာယိမ်း အမျိုးသားရေးဝါဒီအချို့က အော်စတင် နှင့် USA ကို ရှုတ်ချပြီး ၎င်းတို့သည် ထိုင်းနိုင်ငံအား စစ်ရေးပဋိပက္ခများဖြစ်နေသည့်အခြားနိုင်ငံများအဖြစ်သို့မရောက်ရောက်အောင် လုပ်လိမ့်မည်ဖြစ်ကြောင်း ပြောကြားရင်း ဆန္ဒထုတ်ဖော်ခဲ့ကြသည်။
အော်စတင်နှင့် ပရာယွတ်တို့သည် ဒေသတွင်း လုံခြုံရေးဆိုင်ရာ ကိစ္စရပ်များအပေါ် အမြင်များကို မျှဝေခဲ့ကြပြီး အမေရိကန်-ထိုင်း မဟာမိတ် ခိုင်မာစေရန် အခွင့်အလမ်းများကို ဆွေးနွေးခဲ့ကြကြောင်း ဆွေးနွေးပွဲအပြီးတွင် အမေရိကန် ကာကွယ်ရေးဌာနမှ ထုတ်ပြန်သော ကြေညာချက်တွင် ဖော်ပြထားသည်။
ပြီးခဲ့တဲ့လက ဝါရှင်တန် အာဆီယံ-အမေရိကန် အစည်းဝေးတုန်းကလည်း ၄င်းတို့ တွေ့ဆုံခဲ့ပြီးဖြစ်သည်။
၂၀၁၄ ခုနှစ် ထိုင်းတွင် စစ်တပ်က အာဏာသိမ်းပြီးနောက် ဆက်ဆံရေး အေးစက်နေသော်လည်း၄င်းတို့ နှစ်နိုင်ငံသည် သက်တမ်းကြာသော စစ်ဘက်မဟာမိတ်များဖြစ်သည်။
အော်စတင်က “အမေရိကန်နှင့် ထိုင်းတပ်ဖွဲ့များကြား သတင်းဖလှယ်နိုင်ရန်နှင့် ထိုင်းနိုင်ငံ၏ ခေတ်မီတိုးတက်ရေး လိုအပ်ချက်များကို ပံ့ပိုးပေးရန်”အတွက် ဝါရှင်တန်က စိတ်ဝင်စားကြောင်းပြောခဲ့သည်။
Source: Khaosod
