အိန္ဒိယနိုင်ငံ၌ ကျောက်ကပ်အစားထိုး၊အသည်းအစားထိုးခွဲစိတ်ခြင်းနှင့်အဆင့်မြင့်ဆေးပညာရပ်ဆိုင်ရာကျွမ်းကျင်မှုသင်တန်းများအား မြန်မာနိုင်ငံမှ ကျန်းမာရေးဝန်ထမ်းများကို စေလွှတ်သင် ကြားသွားမည်
ငံမှ ကျန်းမာရေးဝန်ထမ်းများကို စေလွှတ်သင် ကြားသွားမည်ကျန်းမာရေးဝန်ကြီးဌာန၊ပြည်ထောင်စုဝန်ကြီးဒေါက်တာသက်ခိုင်ဝင်းမှ မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီးမစ္စတာ ဗီနေးကူးမား ဦးဆောင်သည့် ကိုယ်စားလှယ်အဖွဲ့အား ဇွန် ၁၅ ရက်က လက်ခံတွေ့ဆုံစဥ် ဆွေးနွေးပြောကြားခဲ့ခြင်းဖြစ်သည်။
ထိုသို့ တွေ့ဆုံရာတွင် မြန်မာ-အိန္ဒိယ နှစ်နိုင်ငံ ကျန်းမာရေးကဏ္ဍ၌ ပူးပေါင်းဆောင်ရွက်နေသည့် အခြေအနေများနှင့် အိန္ဒိယနိုင်ငံ၏ ကူညီထောက်ပံ့မှုဖြင့် မြန်မာနိုင်ငံတွင် State-of-the-Art ဆေးရုံတည်ဆောက်ရေးဆိုင်ရာလုပ်ငန်းများ ပြန်လည်စတင်လုပ်ဆောင်လျက်ရှိသည်တို့အား ဆွေးနွေးပြောကြားခဲ့သည်။
ထို့ပြင် အိန္ဒိယနိုင်ငံမှမြန်မာနိုင်ငံသို့ ဆေးနှင့်ဆေးပစ္စည်းများ တင်သွင်းရာတွင် လျင်မြန်ချောမွေ့စေရန် မြန်မာနိုင်ငံ၏ ကျန်းမာရေးလူ့စွမ်းအားအရင်း အမြစ်ဖွံ့ဖြိုးတိုးတက်ရေးနှင့်ဆေးသုတေသန လုပ်ငန်းများတွင် နှစ်နိုင်ငံပူးပေါင်းဆောင်ရွက်နိုင်မည့် အခွင့်အလမ်းများကိလည်း ဆွေးနွေးပြောကြားခဲ့ကြသည်။
အလားတူ အိန္ဒိယနိုင်ငံ၌ ကျောက်ကပ်အစားထိုး၊ အသည်းအစားထိုးခွဲစိတ်ခြင်းများအပြင် အဆင့်မြင့် ဆေးပညာရပ်ဆိုင်ရာကျွမ်းကျင်မှုသင်တန်းများအား မြန်မာနိုင်ငံမှကျန်းမာရေးဝန်ထမ်းများကို စေလွှတ်သင်ကြားသွားမည်ဖြစ်ကာ ကင်ဆာရောဂါဆေးကုသမှုလုပ်ငန်းများ၌ ပိုမိုအား ကောင်းစေရန် အိန္ဒိယနိုင်ငံနှင့်ပူးပေါင်းဆောင် ရွက်သွားမည်ဟု ပြောကြားခဲ့သည်။
ထို့အတူ တိုင်းရင်းဆေးပညာကဏ္ဍ ဖွံ့ဖြိုးတိုး တက်ရန် ပူးပေါင်းဆောင်ရွက်၍ အိန္ဒိယနိုင်ငံမှ ပုဂ္ဂလိကလုပ်ငန်းရှင်များ မြန်မာနိုင်ငံတွင် လာရောက်ရင်းနှီးမြှုပ်နှံနိုင်ရန် အခွင့်အလမ်းများနှင့်ပံ့ပိုးပူးပေါင်းဆောင်ရွက်နိုင်မည့် အခြေအနေများအား ဆွေးနွေးခဲ့ကြသည်။
