၁၆ ကြိမ်မြောက် အာဆီယံ ကာကွယ်ရေးဝန်ကြီးများ အစည်းအဝေး တွင်ဒေသတွင်းစိန်ခေါ်မူများအားအဓိကထားဆွေးနွေး
ဖနွမ်းပင်၊ဇွန် ၂၂
၁၆ ကြိမ်မြောက် အာဆီယံ ကာကွယ်ရေး ဝန်ကြီးများ အစည်းအဝေး (ADMM) ကို ဗုဒ္ဓဟူးနေ့တွင် စတင်ခဲ့ပြီး ဒေသတွင်း အဓိက စိန်ခေါ်မှုများနှင့် လုံခြုံရေးတို့ကို အဓိကထား ဆွေးနွေးခဲ့ကြသည်။
အဆိုပါအစည်းအဝေးတွင်ကမ္ဘောဒီးယား ဒုတိယဝန်ကြီးချုပ်နှင့် ကာကွယ်ရေးဝန်ကြီး Tea Banh တို့က သဘာပတိအဖြစ်ဆောင်ရွက်ပြီးအာဆီယံမှ ကာကွယ်ရေးဝန်ကြီးများ၊အဖွဲ့ဝင်နိုင်ငံအားလုံးမှ ကိုယ်စားလှယ်များတက်ရောက်ခဲ့ကြောင်း ဆင်ဟွာသတင်းဌာနက ဖော်ပြခဲ့သည်။
ကိုဗစ်ကပ်ရောဂါဖြစ်ပွားပြီးနောက် နှစ်နှစ်အတွင်း ပထမဆုံးအကြိမ် ကာကွယ်ရေးနဲ့ပတ်သက်၍ လူချင်းတွေ့ဆုံဆွေးနွေးမူဖြစ်သည်။
“အာဆီယံရဲ့ အဓိကအခန်းကဏ္ဍများ၊ စည်းလုံးညီညွတ်မှု၊ ဒေသတွင်း ငြိမ်းချမ်းရေးနဲ့ လုံခြုံရေးအတွက် ပူးပေါင်းဆောင်ရွက်မှုတွေကို ထိန်းသိမ်းထားဖို့ ကျွန်တော်တို့ ဒီနေ့ ကတိပြုပါတယ်” ဟု Banh က ပြောကြားခဲ့သည်။
နယ်စပ်ဖြတ်ကျော်ရာဇ၀တ်မှု၊ အကြမ်းဖက်မှု၊ ရာသီဥတုဖောက်ပြန်မှု၊ ဘေးအန္တရာယ်များနှင့် ကပ်ရောဂါများအပါအဝင် ဒေသတွင်း ဖိအားများနှင့် ရင်ဆိုင်နေရချိန်တွင် အစည်းအဝေးကို ကျင်းပခြင်းဖြစ်ကြောင်း ၎င်းက ပြောသည်။
” ကျွန်ုပ်တို့၏ဒေသတွင်းကိုရေရှည်တည်တံ့သောငြိမ်းချမ်းရေး၊ လုံခြုံရေးနှင့်သာယာဝပြောရေးဆီသို့ဦးတည်သွားမည်” ဟုသူကပူးတွဲကြေငြာချက်ကို ထပ်ပြောသည်
အာဆီယံအဖွဲ့များမှာ ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ ထိုင်းနှင့် ဗီယက်နမ်တို့ ဖြစ်သည်။
Ref: business-standard
