လုပ်ငန်းစဉ်များအား အကောင်အထည်ဖော်ရာ တွင် အာဆီယံပဋိညာဉ်စာတမ်းပါအခြေခံမူဘောင်နှင့်အညီ ဆောင်ရွက်ရန်လိုအပ်
အာဆီယံအသိုက်အဝန်း ၂၀၂၅ အလွန်မျှော်မှန်းချက်ရေးဆွဲရေးဆိုင်ရာ အဆင့်မြင့်လုပ်ငန်းအဖွဲ့၏ ဒုတိယအကြိမ်အစည်းအဝေးသို့ မြန်မာနိုင်ငံ ၏ အဆင့်မြင့်လုပ်ငန်းအဖွဲ့ဝင်၊ရင်းနှီမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန ဒု-ဝန် ကြီးဦးသန်းအောင်ကျော် တက်ရောက်၍ ဆွေး နွေးပြောကြားခဲ့ခြင်းဖြစ်သည်။
အဆိုပါ အစည်းအဝေးအား ထိုင်းနိုင်ငံ၊ဗန်ကောက်မြို့၌ ဇွန် ၂၃ ရက်နှင့် ၂၄ ရက်တို့တွင် ကျင်းပခဲ့ခြင်းဖြစ်ကာ ပူးတွဲသဘာပတိများအဖြစ် ကမ္ဘောဒီးယားနိုင်ငံ၊နိုင်ငံခြားရေးနှင့်နိုင်ငံတ ကာပူးပေါင်းဆောင်ရွက်ရေးဝန်ကြီးဌာန ဒု-ဝန် ကြီး H.E. Dr. Chem Widhya နှင့်မလေးရှားနိုင်ငံအဆင့်မြင့်ကိုယ်စားလှယ် H.E Dato’ Zainuddin Yahya တို့က ဆောင်ရွက်ခဲ့ကြသည်။
အစည်းအဝေးတွင် မြန်မာနိုင်ငံအနေဖြင့် အာဆီယံအသိုက်အဝန်း ၂၀၂၅ အလွန် မျှော်မှန်းချက်တွင် ထည့်သွင်းနိုင်ရန် အဆိုပြုချက်များအား ပေးပို့ထားပြီးဖြစ်သည်ဟု ဒု-ဝန်ကြီးကပြော သည်။
အဆိုပြုချက်များအား အာဆီယံပဋိညာဉ်စာတမ်းပါ ရည်ရွယ်ချက်၊အခြေခံမူများနှင့်အညီ လက်ရှိအာဆီယံအသိုက်အဝန်း ၂၀၂၅ အကောင်အထည်ဖော်မှုနှင့်ကာလလယ်သုံးသပ်ချက်များအားအခြေခံ၍ ဆက်လက်ဆောင်ရွက်သင့်သည့်အ ချက်များ ကမ္ဘာ့ပထဝီနိုင်ငံရေးနှင့်စီးပွားရေးအ ခြေအနေတိုးတက်ပြောင်းလဲမှု အနာဂတ်၌ကြုံ တွေ့လာနိုင်သည့် ဒစ်ဂျစ်တယ်အသွင်ကူးပြောင်း မှုတို့အား ဆွေးနွေးပြောကြားခဲ့သည်။
အလားတူ ကမ္ဘာ့ကပ်ရောဂါတွေနှင့်သက်ဆိုင်သည့် အသစ်ပေါ်ထွန်းလာနိုင်ဖွယ်ရာကိစ္စများ၊ပြင်ပ မိတ်ဖက်အဖွဲ့အစည်းများနှင့်ပူးပေါင်းဆောင်ရွက် ရာတွင် ပိုမိုစည်းလုံးပြီး အားလုံးပါဝင်သည့် တုံ့ ပြန်နိုင်မှုအားကောင်းသော အဖွဲ့အစည်းအဖြစ်အာဆီယံ၏အချက်အချာကျမှုနှင့်ဦးဆောင်မှု မြှင့်တင်နိုင်မည့် အချက်များကို အလေးထား ဆောင်ရွက်ရန်လိုအပ်သည်ဟု ဆွေးနွေးပြောကြားသည်။
“အဓိကအရေးကြီးတဲ့အခြေခံမူမှာ လုပ်ငန်းစဉ်တွေကို အကောင်အထည်ဖော်ရာမှာ အာဆီယံပဋိ ညာဉ်စာတမ်းပါ အခြေခံမူဘောင်နဲ့အညီဆောင် ရွက်ဖို့ လိုအပ်ပါတယ်”ဟု မြန်မာနိုင်ငံ၏ အဆင့်မြင့်လုပ်ငန်းအဖွဲ့ဝင်၊ရင်းနှီမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန ဒု-ဝန်ကြီး ဦးသန်းအောင်ကျော် ကအကြံပြုဆွေးနွေးခဲ့သည်။
အဆိုပါ အစည်းအဝေးတွင် အာဆီယံအသိုက် အဝန်း ၂၀၂၅ အလွန်မျှော်မှန်းချက်ရေးဆွဲရေးဆိုင်ရာအထောက်အကူပြုလုပ်ငန်းအဖွဲ့၏ ပထမအကြိမ်အစည်းအဝေး အစီရင်ခံစာအား လမ်းညွှန်မှုပေးခြင်း၊အာဆီယံအသိုက်အဝန်း ၂၀၂၅ အ လွန် မျှော်မှန်းချက်ရေးဆွဲရေးအတွက် သက်ဆိုင်သူအားလုံး(Stakeholders)နှင့် ဆွေးနွေးမည့်အစီအစဉ်တို့အား ဆွေးနွေးခဲ့ကြသည်။
အလားတူ အာဆီယံနိုင်ငံရေးနှင့်လုံခြုံရေး အ သိုက်အဝန်းမဏ္ဍိုင်၊စီးပွားရေးအသိုက်အဝန်းမဏ္ဍိုင်နှင့်လူမှုရေးနှင့်ယဉ်ကျေးမှုအသိုက်အဝန်း မဏ္ဍိုင်တို့မှ အာဆီယံအသိုက်အဝန်း ၂၀၂၅ အ လွန် မျှော်မှန်းချက်၌ထည့်သွင်းမည့် အဓိကအ ချက်များ(Core Elements)နှင့်အာဆီယံအဖွဲ့အ စည်းခိုင်မာစေခြင်းနှင့်စွမ်းဆောင်ရည်အား ကောင်းစေရေးအတွက် အင်ဒိုနီးရှားနိုင်ငံ၏ အ ကြံပြုချက်စာတမ်းနှင့်အာဆီယံအတွင်းရေးမှူးချုပ်ရုံးမှပြုစုထားသည့် သဘောတရားစာတမ်းတို့အား ဆွေးနွေးခဲ့ကြသည်။
