နစက ဥက္ကဋ္ဌ၏ငြိမ်းချမ်းရေးဆွေးနွေးရန် ဖိတ်ခေါ်မှုအားတက်ရောက်ဆွေးနွေးမည့် LDU မှ ဦးဆော်လမွန်ဦးဆောင်သည့် ကိုယ်စားလှယ်အဖွဲ့ တာချီလိတ်မြို့သို့ရောက်ရှိ
နစက ဥက္ကဋ္ဌ၏ငြိမ်းချမ်းရေးဆွေးနွေးရန် ဖိတ်ခေါ်မှုအား တက်ရောက်ဆွေးနွေးမည့် လားဟူဒီမိုကရက်တစ်ပါတီ(LDU)မှဦးဆော်လမွန်ဦးဆောင်သည့် ကိုယ်စားလှယ်အဖွဲ့သည် ဇူလိုင် ၆ ရက်(ယနေ့)နံနက်ပိုင်းက ထိုင်းနိုင်ငံ၊ချင်းမိုင်မြို့မှတဆင့် တာချီလိတ်မြို့သို့ရောက်ရှိလာခဲ့သည်။
ဦးးဆော်လမွန်ဦးဆောင်သည့် ကိုယ်စား လှယ်အဖွဲ့အား စစ်ဗျူဟာ အဖွဲ့ (အခြေချ)တာချီလိတ်မှ ဗျူဟာမှူးဗိုလ်မှူးကြီး မင်းမင်းထွန်း၊တာ ဝန်ရှိသူများနှင့်ဒေသခံတိုင်းရင်းသားများက ကြို ဆိုခဲ့ကြသည်။
ထို့သို့ ရောက်ရှိခဲ့ပြီးနောက် မွန်းတည့် ၁၂ နာရီခန့်တွင် တာချီလိတ်လေဆိပ်မှတဆင့် နေပြည်တော်လေဆိပ်သို့ သွားရောက်မည်ဖြစ်ကြောင်း သိရသည်။
