ဆန်အားပြည်တွင်းစားသုံးမှုဖူလုံကာ မွေးမြူရေးအစားအစာလိုအပ်ချက်များနှင့်ချိန်ညှိ၍ ပိုလျှံ သည်များကိုသာ ပြည်ပတင်ပို့နိုင်ရန်ဆောင်ရွက်ရမည်ဟု စီးပွားကူးသန်းပြည်ထောင်စုဝန်ကြီးပြော

ဆန်အားပြည်တွင်းစားသုံးမှုဖူလုံကာ မွေးမြူရေးအစားအစာလိုအပ်ချက်များနှင့်ချိန်ညှိ၍ ပိုလျှံ သည်များကိုသာ ပြည်ပတင်ပို့နိုင်ရန်ဆောင်ရွက်ရမည်ဟု စီးပွားကူးသန်းပြည်ထောင်စုဝန်ကြီးပြော

မြန်မာနိုင်ငံမှထွက်ရှိသည့် ဆန်များအားပြည်ပတင်ပို့မှုလုပ်ငန်းစဥ်များ ဆက်လက်ဖွံဖြိုးတိုး တက်ရေးနှင့်ပတ်သက်၍ ဇူလိုင် ၆ ရက်က နေ ပြည်တော်၌ပြုလုပ်သည့် လုပ်ငန်းညှိနှိုင်းအစည်းဝေး၌ စီးပွားရေးနှင့်ကူးသန်းရောင်းဝယ်ရေးဝန် ကြီးဌာန ပြည်ထောင်စုဝန်ကြီးဒေါက်တာပွင့်ဆန်းမှပြောကြားခဲ့ခြင်းဖြစ်သည်။

ဆန်စိုက်ပျိုးထုတ်လုပ်သည်မှ ပြည်ပတင်ပို့ ရောင်းချသည်အထိ လုပ်ငန်းစဉ်တစ်လျှောက်တွင် ပါဝင်လုပ်ကိုင်ဆောင်ရွက်နေသူများအားလုံးသာ် ကဏ္ဍတစ်ခုနှင့်တစ်ခုချိတ်ဆက်ဆောင်ရွက်သွားရမည်ဟုပြောသည်။

“ဆန်ကို ပြည်တွင်းစားသုံးမှုဖူလုံပြီး ပြည်တွင်း မွေးမြူရေးအစားအစာလိုအပ်ချက်တွေနဲ့ ချိန်ညှိပြီးတော့ ပိုလျှံတာတွေကို ပြည်ပတင်ပို့နိုင်ဖို့ဆောင်ရွက်ရမှာဖြစ်ပါတယ်”ဟု ပြည်ထောင်စုဝန်ကြီးကပြောသည်။

အလားတူ လက်ရှိကာလ၌ ကုန်သွယ်မှုပုံစံများ ပြောင်းလဲလာ၍ ကုန်စည်အရည်အသွေးသတ် မှတ်ချက်၊ဝယ်ယူမှုပုံစံအသစ်များ၊တင်ပို့ရောင်း ချမှုပုံစံများ ပြောင်းလဲလာခြင်းကြောင့် ကဏ္ဍအလိုက် စိန်ခေါ်မှုများကြုံတွေ့လာရမည်ဟုပြောသည်။

“ဒါ့ကြောင့် လိုအပ်တာတွေကို ညှိနှိုင်းပေါင်းစပ်ကူညီဆောင်ရွက်ပေးသွားပါမယ်”ဟု ပြည်ထောင် စုဝန်ကြီးကပြောသည်။

ထို့နောက် မြန်မာနိုင်ငံဆန်စပါးအသင်းချုပ်ဥက္ကဋ္ဌ ဦးရဲမင်းအောင်နှင့်အစည်းအဝေးသို့တက်ရောက် လာကြသူများက ပို့ကုန်လိုင်စင် လျှောက်ထားမှုများအပါအဝင် နိုင်ငံတော်မှကူညီဆောင်ရွက်ပေးစေလိုသည်ကိစ္စများအား တင်ပြဆွေးနွေးခဲ့ကြသည်။