၂၀၂၂-၂၀၂၃ ဘဏ္ဍာနှစ်၏ ဇွန်လအတွင်း၌ အမေရိကန်ဒေါ်လာ ၅ သန်းကျော်ရှိသည့် နိုင်ငံခြားရင်းနှီးမြှုပ်နှံမှုလုပ်ငန်း ၃ ခုအားခွင့်ပြုပေးခဲ့
မြန်မာနိုင်ငံ၌ရင်းနှီးမြှုပ်နှံလိုသူများအား ရင်းနှီး မြှုပ်နှံမှုကော်မတီမှစီစစ်ခွင့်ပြုပေးလျက်ရှိရာ ၂၀၂၂-၂၀၂၃ ဘဏ္ဍာနှစ်၏ ဇွန်လအတွင်း၌ နိုင်ငံ ခြားရင်းနှီးမြှုပ်နှံမှု ၃ ခုနှင့်မြန်မာနိုင်ငံသားရင်းနှီးမြှုပ်နှံမှု ၃ ခုတို့အား ခွင့်ပြုပေးခဲ့ကြောင်း ရန်ကုန် တိုင်း၊ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာနမှ သိရသည်။
ဇွန်လအတွင်း၌ စီစစ်ခွင့်ပြုပေးခဲ့သည့် နိုင်ငံခြားရင်းနှီးမြှုပ်နှံမှု ၃ ခု၏တန်ဖိုးမှာ အမေရိကန်ဒေါ် လာ ၅ ဒသမ ၇၅၉ သန်းရှိကာ မြန်မာနိုင်ငံသား ရင်းနှီးမြှုပ်နှံမှု ၃ ခု၏ တန်ဖိုးမှာလည်း မြန်မာငွေကျပ်သန်း ၄၄၄၁ သန်းကျော်ရှိကြောင်း သိရသည်။
“ရန်ကုန်တိုင်းရင်းနှီးမြှုပ်နှံမှုကော်မတီအနေနဲ့ တစ်လတစ်ကြိမ်ရင်းနှီးမြှုပ်နှံမှုကော်မတီအစည်းအ ဝေးတွေလုပ်ပြီး အမေရိကန်ဒေါ်လာ ၅ သန်း၊ မြန် မာကျပ်ငွေသန်း ၆၀၀၀ အထိရှိတဲ့ ရင်းနှီးမြှုပ်နှံမှုလုပ်ငန်းတွေကို စီစစ်ပြီးတော့မှ ခွင့်ပြုပေးနေပါတယ်”ဟု ရင်းနှီးမြှုပ်နှံမှုနှင့်ကုမ္မဏီများညွှန်ကြားမှုဦးစီးဌာန(ရန်ကုန်တိုင်း)၏ ညွှန်ကြားရေးမှူးဦးမျိုးခိုင်ဦးကပြောသည်။
ထို့ပြင် တင်ပြလာသည့် ရင်းနှီးမြှုပ်နှံမှုလုပ်ငန်းများအား စီစစ်ခွင့်ပြုပေးလျက်ရှိသည့်အပြင် ရင်း နှီးမြှုပ်နှံမှုမြှင့်တင်ရေးလုပ်ငန်းများကိုလည်း ဆောင်ရွက်လျက်ရှိကြောင်း သိရသည်။
“အခုလိုဆောင်ရွက်နေတဲ့အတွက် အလုပ်အကိုင်အခွင့်အလမ်းတွေလည်းရလာပါတယ် ဇွန်လအ တွင်းကခွင့်ပြုပေးခဲ့တဲ့လုပ်ငန်းတွေရဲ့ နိုင်ငံခြားရင်းနှီးမြှုပ်နှံမှုလုပ်ငန်း ၃ ခုမှာ မြန်မာနိုင်ငံသားလုပ်သား ၂၁၅၆ ယောက်နဲ့ ပြည်ပလုပ်သား ၃၄ ယောက်အလုပ်အကိုင်ရရှိခဲ့ပါတယ်”ဟု ရင်းနှီး မြှုပ်နှံမှုနှင့်ကုမ္မဏီများညွှန်ကြားမှုဦးစီးဌာန(ရန် ကုန်တိုင်း)၏ ညွှန်ကြားရေးမှူးဦးမျိုးခိုင်ဦးကပြော သည်။
အလားတူ မြန်မာနိုင်ငံသားရင်းနှီးမြှုပ်နှံမှု ၃ ခုမှ မြန်မာနိုင်ငံသားအလုပ်သမား ၁၂၁၇ ဦးနှင့်ပြည်ပအလုပ်သမား ၁၆ ဦးတို့ အလုပ်အကိုင်များရရှိခဲ့ကြောင်း သိရသည်။
“ရန်ကုန်တိုင်းအတွင်းက ရှိပြီးသားရင်းနှီးမြှုပ်နှံမှုလုပ်ငန်းတွေကို ပိုပြီးအဆင်ပြေချောမွေ့စေဖို့အ တွက်ဆောင်ရွက်ပေးနေသလို အကူအညီအ ထောက်အပံ့တွေလည်း ပေးနေပါတယ်”ဟု ရင်းနှီး မြှုပ်နှံမှုနှင့်ကုမ္မဏီများညွှန်ကြားမှုဦးစီးဌာန(ရန် ကုန်တိုင်း)၏ ညွှန်ကြားရေးမှူးဦးမျိုးခိုင်ဦးကပြော သည်။
