မြန်မာနိုင်ငံရှိ နယ်ပယ်ပေါင်းစုံတွင် ပူးပေါင်းဆောင်ရွက်နေမှုအားတိုးမြှင့်၍ စိန့်ပီတာစဘတ်မြို့၌ မြန်မာနိုင်ငံဆိုင်ရာ ကောင်စစ်ဝန်ချုပ်ရုံးဖွင့်လှစ်နိုင်ရန် အမြန်ဆုံး အကောင်အထည်ဖော်သွားမည်
စိန့်ပီတာစဘတ်မြို့အစိုးရအဖွဲ့အကြီးအကဲ Mr. Alexander Beglov နှင့် နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်တို့ ဇူလိုင် ၁၄ ရက်ကတွေ့ဆုံစဥ် ဆွေးနွေးခဲ့ကြခြင်းဖြစ်သည်။
ရုရှား-မြန်မာ နှစ်နိုင်ငံ ကောင်းမွန်သည့်ဆက်ဆံရေးသမိုင်းကြောင်းသည် နှစ်ပေါင်း ၇၅ နှစ်ကျော်သက်တမ်းရှိပြီဖြစ်ကြောင်း စိန့်ပီတာစဘတ်မြို့အစိုးရအဖွဲ့အကြီးအကဲ Mr. Alexander Beglov ကပြောသည်။
ထို့ပြင် စိန့်ပီတာစဘတ်မြို့အခြေစိုက်ကုမ္ပဏီများသည် မြန်မာနိုင်ငံရှိ စိုက်ပျိုးရေးလုပ်ငန်းများ၌ ပူးပေါင်းဆောင်ရွက်လိုကာ ကျန်းမာရေးစောင့်ရှောက်မှု၊ပညာရေး၊ခရီးသွားလုပ်ငန်းဖွံ့ဖြိုးတိုးတက်မှု၊စီးပွားရေးဖွံ့ဖြိုးတိုးတက်မှု၊ဘာသာသာသနာ ထွန်းကားပြန့်ပွားရေးအတွက် ယဉ် ကျေးမှုဖလှယ်ရေးတို့တွင် ပူးပေါင်းဆောင်ရွက်မှုများအား တိုးမြှင့်ဆောင်ရွက်သွားရန်ဆွေးနွေးခဲ့ကြသည်။
ထို့ပြင် နစက မှ ရှေ့လုပ်ငန်းစဉ် ၅ ရပ်၊ဦးတည် ချက် ၉ ရပ်အပြင် ကောင်းမွန်သည့်မူဝါဒများ ချ မှတ်၍ နိုင်ငံအေးချမ်းသာယာပြီးဖွံ့ဖြိုးတိုးတက်စေရန်ဆောင်ရွက်လျက်ရှိသည့် အခြေအနေများကိုလည်း ဆွေးနွေးခဲ့ကြသည်။
အလားတူ ရုရှားနိုင်ငံမှ အမျိုးသားအကျိုးစီးပွားကာကွယ်စောင့်ရှောက်ရေးအတွက် ဆောင်ရွက်နေပြီး ဇူလိုင်လ ၁ ရက်တွင် မြန်မာနိုင်ငံမှရုရှားနိုင်ငံသားများအား ဗီဇာကင်းလွတ်ခွင့်ပေးခဲ့သဖြင့် ရုရှားနိုင်ငံသားများအားလုံးကိုယ်စား ကျေးဇူး တင်ရှိသည်ဟု အစိုးရအဖွဲ့အကြီးအကဲ Mr. Alexander Beglov ကဆွေးနွေးပြောကြားခဲ့သည်။
ထို့အတူ စိန့်ပီတာစဘတ်မြို့၌ မြန်မာနိုင်ငံဆိုင်ရာ ကောင်စစ်ဝန်ချုပ်ရုံးဖွင့်လှစ်နိုင်ရန် အမြန်ဆုံး အ ကောင်အထည်ဖော်သွားမည်ဖြစ်ကာ State level ၊ Regional level ပူးပေါင်းဆောင်ရွက်မှုများမှတဆင့် နှစ်နိုင်ငံ နိုင်ငံတော်အဆင့် ကဏ္ဍပေါင်းစုံပူး ပေါင်းဆောင်ရွက်မှုများအား ပိုမိုတိုးမြှင့်ခိုင်မာအောင်ဆောင်ရွက်သွားရန် ဆွေးနွေးခဲ့ကြသည်။
တွေ့ဆုံဆွေးနွေးပွဲတွင် နစက ဥက္ကဋ္ဌနှင့်အတူ နစက အဖွဲ့ဝင် မန်းငြိမ်းမောင်၊တွဲဖက်အတွင်းရေး မှူး ဒု-ဗိုလ်ချုပ်ကြီးရဲဝင်းဦးနှင့်စစ်ဘက်၊နယ် ဘက်မှအရာရှိကြီးများ၊မြန်မာနိုင်ငံဆိုင်ရာ ရုရှားနိုင်ငံသံအမတ်ကြီး ဦးလွင်ဦး၊စစ်သံမှူး ဗိုလ်မှူးချုပ်မိုးကျော် တို့တက်ရောက်ဆွေးနွေးခဲ့ကြသည်။
ထို့အတူ စိန့်ပီတာစဘတ်မြို့အစိုးရအဖွဲ့အကြီးအ ကဲနှင့်အတူ ရုရှား-မြန်မာ ချစ်ကြည်ရေးအသင်း ဒု-ဥက္ကဋ္ဌနှင့်စိန့်ပီတာစဘတ်မြို့အစိုးရအဖွဲ့ဝင်အ ရာရှိကြီးများ တက်ရောက်ဆွေးနွေးခဲ့ကြသည်။
